ცხადდება პირობიანი აუქციონი საქართველოს სასჯელაღსრულებისა და პრობაციის სამინისტროს ბალანსზე რიცხულ შენობებში პურის საცხობების მოწყობისთვის საჭირო ფართების სარგებლობაში იჯარის უფლებით გადაცემის თაობაზე.

საკონტაქტო პირი: თამარ კალანდარიშვილი

მობ: 577282406

პირობიანი აუქციონი ფართის იჯარის უფლებით გადაცემის თაობაზე, პურის საცხობის მოწყობის მიზნით.

• აუქციონში მონაწილეობის მიღება შეეძლებათ იმ კომპანიებს, რომლებსაც გააჩნიათ სახელმწიფო საიდუმლოებაზე დაშვება (ფორმა #4);
• აუქციონში გამარჯვებული ვალდებულია განახორციელოს ინვესტიცია მინიმუმ 300 000 (სამასი ათასი) ლარის ოდენობით, რათა  მოაწყოს პურის საცხობი და განათავსოს ახალი მანქანა - დანადგარები, მოწყობილობები და  ინვენტარი (საცხობი, საზელი, საცერი, საჭრელი, ფორმის მიმცემი და  სხვა საჭირო ინვენტარი)
• გამარჯვებული ვალდებულია უზრუნველყოს პურის საცხობების ამუშავება #15 და #16 პენიტენციურ დაწესებულებებში არაუგვიანეს 2016 წლის 01 ოქტომბრისა, ხოლო #8 და #14 პენიტენციურ დაწესებულებებში არაუგვიანეს 2016 წლის 01 ნოემბრისა;
• გამარჯვებული ვალდებულია თითოეულ საწარმოში დაასაქმოს არანაკლებ 8 (რვა) მსჯვარდებული;
• აუქციონზე გამოტანილი იქნება 1 ლოტი, საწყისი წლიური საიჯარო ღირებულებით 24 000 (ოცდაოთხი ათასი) ლარის ოდენობით;
• საიჯარო ქირის ღირებულების გადახდა უნდა მოხდეს ყოველწლიურად;
• მეიჯარე იჯარის ხელშეკრულების მიმდინარეობის პერიოდში უფლებამოსილია საკუთარი ძალებით მოახდინოს შიდა სარემონტო სამუშაოები;
• აუქციონში გამარჯვებული ვალდებულია უზრუნველყოს საცხობში შრომითი პირობებისა და  სანიტარულ-ჰიგიენური ნორმების დაცვა;
• სახელმწიფო საკუთრებაში არსებული უძრავი ნივთის სარგებლობის უფლებით გამცემ ორგანოსა და სარგებლობის უფლების მიმღებს პირს შორის იდება ხელშეკრულება სარგებლობის უფლებით ფართის გაცემის შესახებ, რომელიც ექვემდებარება სსიპ „საჯარო რეესტრის ეროვნულ სააგენტოში“ რეგისტრაციას. აუქციონის ფორმით სახელმწიფო ქონების სარგებლობის უფლებით გაცემისას ხელშეკრულება იდება აუქციონის ჩატარებიდან 1 (ერთი) კვირის ვადაში, რეგისტრაციის ვალდებულება ეკისრება აუქციონში გამარჯვებულს;
• აუქციონში გამარჯვებულმა სარგებლობის უფლების საფასური უნდა გადაიხადოს უძრავი ქონების სარგებლობის უფლებით გამცემ ორგანოსა და აუქციონში გამარჯვებულ პირს შორის გაფორმებული ხელშეკრულებით დადგენილი წესით;
• აუქციონის შედეგები უქმდება, თუ აუქციონში გამარჯვებულმა პირმა უძრავი ქონების სარგებლობის უფლებით გაცემის შესახებ ხელშეკრულებაზე ხელის მოწერაზე უარი განაცხადა.
• შედეგების გაუქმების შემთხვევაში აუქციონში გამარჯვებულს საგარანტიო თანხა არ უბრუნდება;
• სარგებლობის უფლებით გაცემის შესახებ ხელშეკრულებით ნაკისრი ვალდებულებების შეუსრულებლობის შემთხვევაში მხარეთა პასუხისმგებლობის საკითხი განისაზღვრება ხელშეკრულებით;
• აუქციონში გამარჯვებულმა უნდა წარმოადგინოს ხელშეკრულების ყოველწლიური განახლებადი უზრუნველყოფის გარანტია 50 000 (ორმოცდაათი ათასი) ლარის ოდენობით;
• აუქციონში გამარჯვებულთან დადებული ხელშეკრულების გაუქმება შესაძლებელია სსიპ -სახელმწიფო ქონების ეროვნული სააგენტოს მიერ წერილობითი შეტყობინების ჩაბარებიდან 2 (ორი) კვირის ვადაში უპირობოდ, მიუხედავად აუქციონში გამარჯვებულის მიერ განხორციელებული ინვესტიციებისა. განხორციელებული ინვესტიციები არ ანაზღაურდება;
• მოიჯარე ვალდებულია მოახდინოს დენის, წყლისა და ბუნებრივი აირის მრიცხველის კვანძის მოწყობა (გამხოლოება) საკუთარი სახსრებით ხელშეკრულების გაფორმებიდან უმოკლეს ვადებში, ასევე მოახდინოს მოხმარებული კომუნალური ხარჯების საფასურის ანგარიშსწორება;

სარგებლობაში გადასაცემი ფართები განთავსებულია შემდეგ მისამართებზე:

1. #8 პენიტენციური დაწესებულება - ქ. თბილისი, გლდანის მე-7 მ/რ მე-2 კმ. – 160 კვ.მ.
2. #14 პენიტენციური დაწესებულება - წყალტუბო, გეგუთის საკრებულო – 160 კვ.მ.
3. #15 პენიტენციური დაწესებულება - ქ. მცხეთა, დაბა ქსანი - 204 კვ.მ.
4. #16 პენიტენციური დაწესებულება - ქ. რუსთავი, მშენებელთა ქ. # 60- 195 კვ.მ.