1. მოიჯარემ ორკესტრის მიერ დაგეგმილი ღონისძიების ბილეთები, მიუხედავად იმისა თუ სად იმართება აღნიშნული ღონისძიება, უნდა გაყიდოს ორკესტრის მიერ დადგენილ ფასად, საკუთარი ფინანსური მოგების გარეშე. ბილეთების გაყიდვიდან შემოსული თანხა სრულად უნდა გადაურიცხოს ორკესტრს შესაბამის ანგარიშზე.

2. მოიჯარემ  ორკესტრის საკონცერტო დარბაზში დაგეგმილი ღონისძიების ბილეთები, მიუხედავად იმისა თუ ვინ არის აღნიშნული ღონისძიების ორგანიზატორი, უნდა გაყიდოს ორკესტრის მიერ დადგენილ ფასად, საკუთარი ფინანსური მოგების გარეშე. ბილეთების გაყიდვიდან შემოსული თანხა სრულად უნდა გადაურიცხოს ორკესტრს შესაბამის ანგარიშზე.

3. მოიჯარემ უსასყიდლოდ უნდა გაავრცელოს ორკესტრის მიერ მიწოდებული სარეკლამო მასალა.

4. მოიჯარემ, მის მიერ დახარჯული ელექტროენერგიის საფასური უნდა გადარიცხოს თვითონ, საკუთარი შემოსავლებიდან.

5. მოიჯარემ, ორკესტრთან შეთანხმებით, საკუთარი ფინანსური ინტერესისთვის შეიძლება გაყიდოს ბეჭდვითი მასალა, კლასიკური მუსიკის აუდიო ან/და ვიდეო ჩანაწერები, არაალკოჰოლური სასმელი (ყავა, ჩაი, წყალი და ა. შ.), საკონდიტრო ნაწარმი, ტკბილეული და სხვა მზა საკვები პროდუქცია; მის მიერ გასაყიდად შემოტანილი მზა პროდუქცია უნდა აკმაყოფილებდეს კანონმდებლობით დადგენილ სტანდარტებს; საკვები პროდუქტი არ უნდა მზადდებოდეს ადგილზე.

6. დაუშვებელია ალკოჰოლური სასმელების და თამბაქოს გაყიდვა.

7. მოიჯარემ, საკუთარი ფინანსური ინტერესისთვის გასაყიდი პროდუქცია წინასწარ წერილობით უნდა შეათანხმოს ორკესტრთან.

8. მოიჯარემ საკუთარი სახსრებით უნდა აღჭურვოს ფართი კომპიუტერით და სხვა საჭირო ინვენტარით. ყველა სახის ინვენტარი უნდა იყოს გამართული და შეესაბამებოდეს თანამედროვე სტანდარტებს.

9. მოიჯარემ უნდა უზრუნველყოს ხანძარსაწინააღმდეგო უსაფრთხოების ზომები.

10. მოიჯარემ მკაცრად უნდა დაიცვას სანიტარული და ჰიგიენური ნორმები სანაპიროს ქ. 4, შენობა-ნაგებობა 2–ის პირველი სართულის ჰოლში.

11. მოიჯარეს მიერ დაქირავებულ, ორკესტრის სალაროში მომუშავე პერსონალს შეუძლია ისარგებლოს ორკესტრის ოფისის სველი წერტილებით, რომლებიც მდებარეობს ამავე შენობის მერვე სართულზე.

12. სალაროს ფუნქციონირების დროს და გრაფიკს  აწესებს ორკესტრის ხელმძღვანელობა.

13. სსიპ თბილისი სახელმწიფო კამერული ორკესტრის წერილობითი მოთხოვნიდან არაუმეტეს 2 (ორი) კვირის ვადაში გაუქმებული უნდა იყოს საიჯარო ხელშეკრულება მხარეებს შორის.

14. საწყისი თანხის ველში მითითებული 5940 აშშ დოლარი შეადგენს 60 თვის საიჯარო თანხას.

15. მოიჯარემ იჯარის თანხა უნდა გადაიხადოს ყოველთვიურად, გადახდის დღეს დაფიქსირებული ოფიციალური კურსით, აუქციონის შედეგად დადგენილი თანხის ექვივალენტი ლარში.