ელექტრონულ აუქციონში გამარჯვებული ვალდებულია, ოქმის საფუძველზე, არა უმეტეს 15 (თხუთმეტი) კალენდარული დღის ვადაში აუქციონატორთან გააფორმოს სარგებლობის ხელშეკრულება.

ელექტრონულ აუქციონში გამარჯვებულ პირს გადახდილი ,,ბე" ეთვლება სარგებლობის ხელშეკრულებით გათვალისწინებული ბოლო წლის გადასახდელი ქირის ოდენობაში.

აუქციონში გამარჯვებულმა პირმა წლიური საიჯარო ქირა უნდა გადაიხადოს ყოველწლიურად.

აუქციონში გამარჯვებული ვალდებულია არ დააზიანოს საიჯარო მიწის ნაკვეთის მიმდებარედ გამავალი მიწისქვეშა/მიწისზედა კომუნიკაციები.

საიჯარო მიწის ნაკვეთი მდებარეობს კულტურული მემკვიდრეობის უძრავი ძეგლის (გ. ჭანტურიას ქუჩა N3-ში მდებარე ადმინისტრაციული შენობა) ინდივიდუალურ დამცავ ზონაში, ფიზიკური დაცვის არეალში. (ძეგლის ინდივიდუალურ დამცავ ზონაში, ფიზიკური დაცვის არეალში მოქმედი შეზღუდვები იხილეთ მიმაგრებულ ფაილებში).

ყურადღება!

აუქციონის დასრულებამდე ქონების დათვალიერება შესაძლებელია სარგებლობაში გადამცემ ორგანოსთან შეთანხმებით.

სარგებლობაში გადაცემის ვადაა 5 (ხუთი) წელი (სარგებლობის ხელშეკრულების ხელმოწერიდან).

ქალაქ ფოთის მუნიციპალიტეტის (მესაკუთრე) მხრიდან წერილობითი შეტყობინების მიღებიდან 2 (ორი) თვის ვადაში აუქციონში გამარჯვებული ვალდებულია საკუთარი ხარჯებით გამოათავისუფლოს საიჯარო ქონება და დაუბრუნოს იგი მესაკუთრეს შესაბამისი მიღება-ჩაბარების აქტის საფუძველზე.

იჯარის ქირის გადახდა აუქციონში გამარჯვებულს არ ათავისუფლებს მიწის სარგებლობისათვის საქართველოს საგადასახადო კოდექსით დადგენილი გადასახადისა და საქართველოს მოქმედი კანონმდებლობით დაწესებული სხვა გადასახდელებისაგან.

სსიპ საჯარო რეესტრის ეროვნული სააგენტოს სარეგისტრაციო მომსახურების საფასურსა და სხვა აუცილებელი დოკუმენტების წარდგენისათვის გაწეულ ხარჯებს ფარავს ქალაქ ფოთის მუნიციპალიტეტის ქონების სარგებლობის უფლებით მიმღები.

შენიშვნა!

საიჯარო მიწის ნაკვეთზე განთავსებულია კერძო საკუთრებაში არსებული სარეკლამო კონსტრუქცია (სარეკლამო ბილბორდი).

აუქციონში გამარჯვებული პასუხიმგებელია საიჯარო მიწის ნაკვეთზე განთავსებული/განსათავსებელი სარეკლამო კონსტრუქციის  (სარეკლამო ბილბორდი) უსაფრთხო ფუნქციონირებაზე.

დამატებითი ინფორმაციისთვის დაგვიკავშირდით 0493 22-13-59.