Print Version

საწყისი ფასი: 1000 USD
ვაჭრობის ბიჯი : 200 USD

დროებით სასყიდლიან სარგებლობაში (იჯარით) გადაცემის ყოველთვიური საწყისი ღირებულება მოცემულია დ.ღ.გ-ს ჩათვლით.
აუქციონში გამარჯვებულის გამოვლენის კრიტერიუმია საიჯარო საწყის ღირებულებაზე ბიჯის დანამატის შედეგად მაქსიმალური ფასურის შეთავაზება.
აუქციონში გამარჯვებული ვალდებულია დაემორჩილოს საავიაციო უშიშროების საერთაშორისო და ეროვნული საკანონმდებლო და ნორმატიული აქტების მოთხოვნებს. ასევე, საჭიროების შემთხვევაში საკუთარი სახსრებით მიიღოს სარეჟიმო ტერიტორიაზე შესასვლელი საშვები და გაიაროს შესაბამისი სწავლება საავიაციო უშიშროების ნორმების შესაბამისად.

უპირობო და გამოუხმობი საბანკო გარანტიის მოქმედების ვადა 7 კალენდარული დღით უნდა აღემატებოდეს სარგებლობაში გაცემის ვადას.
იმ შემთხვევაში, თუ ქონების განმკარგავმა გადაავადა აუქციონის ჩატარება ან მის ჩატარებამდე გააუქმა ქონების განკარგვის შესახებ მიღებული გადაწყვეტილება, აუქციონში მონაწილეებს უპირობო და გამოუხმობი საბანკო გარანტიის/ბე-ს თანხა უკან უბრუნდება.

გამარჯვებულ პირს უპირობო და გამოუხმობი საბანკო გარანტიის/ბე-ს თანხა ეთვლება საბოლოო ანგარიშსწორებისას, ბოლო თვეების საფასურში.

აუქციონში გამარჯვებიდან 45 დღის ვადაში გამარჯვებულთან გაფორმდება ხელშეკრულება.

გამარჯვებულის მიერ საიჯარო ხელშეკრულების ხელმოწერაზე უარის თქმის შემთხვევაში, მას ერთმევა გამარჯვებულის სტატუსი და უპირობო და გამოუხმობი საბანკო გარანტიის/ბე-ს თანხა არ უბრუნდება.
აუქციონში გამარჯვებული პირი ვალდებულია გადაიხადოს ელექტროენერგიისა და ინტერნეტის გადასახადი და საჭიროების შემთხვევაში დაამონტაჟოს მრიცხველი საკუთარი ხარჯით.
აუქციონში გამარჯვებულზე დროებით სარგებლობის უფლება გადადის საიჯარო ხელშეკრულების გაფორმებისა და მისი შესაბამისი წესით მარეგისტრირებელ ორგანოში რეგისტრაციის დღიდან. ხელშეკრულების გაფორმებასთან დაკავშირებულ ხარჯებს ფარავს ქონების სარგებლობის უფლებით მიმღები.

დანიშნულება - ქონება გამოყენებული უნდა იქნეს საბანკო საქმიანობისათვის;
დროებით სასყიდლიან სარგებლობაში (იჯარით) გადაცემის ვადა - ორი წელი. ორი წლის ბოლოს მხარეთა მიერ ხელშეკრულების ვადის გაგრძელების სურვილის არსებობის შემთხვევაში, მოქმედი ხელშეკრულების ვადის გასვლამდე მოხდება ფასის გადახედვა და შეთანხმების შემთხვევაში ხელშეკრულება გაგრძელდება ერთი წლით.
მესაკუთრე უფლებამოსილია ყოველი ახალი საიჯარო ურთიერთობიდან გამომდინარე, ხელშეკრულების ყოველი ვადის გაგრძელებამდე განსაზღვროს საიჯარო ქირის ოდენობა იმ დროისთვის არსებული საბაზრო პირობების გათვალისწინებით, მაგრამ არანაკლებ სარგებლობაში გადაცემის საწყისი ფასისა.
ფართის შიდა ტელეკომუნიკაციით უზრუნველყოფას ახორციელებს მოიჯარე;
საიჯარო ფართის გარე ფასადის დიზაინი ბრენდირების პროცესში უნდა შეთანხმდეს მესაკუთრესთან;
აუქციონში გამარჯვების შემდეგ, გამარჯვებული ვალდებულია ხელშეკრულების გაფორმებამდე წარმოადგინოს ხელშეკრულების შესრულების გარანტია - 3000 აშშ დოლარი (ქონების საწყისი წლიური სარგებლობაში გადაცემის 25%) შპს საქართველოს აეროპორტების გაერთიანების ანგარიშზე თანხის დეპონირების სახით ან საბანკო გარანტია (ქონების საწყისი წლიური სარგებლობაში გადაცემის 25%) რომლის ვადა უნდა აღემატებოდეს ხელშეკრულების მოქმედების ვადას 7 დღით. ხელშეკრულების მოქმედების განმავლობაში, ხელშეკრულების შესრულების გარანტიისთანხიდან გამოიქვითება მოიჯარის მიერ ხელშეკრულებით ნაკისრი ვალდებულებების შეუსრულებლობით გამოწვეული ზიანი. ასეთი გაქვითვის აუცილებლობის არარსებობის შემთხვევაში ან გაქვითვის შემდეგ ანგარიშზე თანხის არსებობის შემთხვევაში, აღნიშნული თანხა აუქციონში გამარჯვებულს დაუბრუნდება ხელშეკრულების ვადის გასვლიდან 7 დღის ვადაში.
აუქციონში გამარჯვებულს არ აქვს უფლება იჯარის ხელშეკრულებით მიღებული უფლება-მოვალეობები, შპს ”საქართველოს აეროპორტების გაერთიანების“ წინასწარი თანხმობის გარეშე გადასცეს მესამე პირს.
აუქციონში გამარჯვებულს უფლება არა აქვს საიჯარო ქონება ან საიჯარო ქონების ნაწილი დროებით სარგებლობაში გადასცეს მესამე პირს (ქვეიჯარა);
ქონების სარგებლობაში მიმღები შეიძლება იყოს ფიზიკური პირი ან კერძო სამართლის იურიდიულ პირი.
საწარმოს ან/და დროებით სარგებლობაში გადაცემული ქონების გაყიდვის შემთხვევაში ქონების შემძენი უფლებამოსილია ცალმხრივად შეწყვიტოს ქონების რეალიზაციამდე არსებული დროებით სასყიდლიან სარგებლობაში გადაცემის ურთიერთობები (ხელშეკრულებები).

სართული	1	ლოჯი	-
TV	-	ცხელი წყალი	-
გათბობა	+	კვადრატულობა(მ²)	14
წყალი და კანალიზაცია	-	ტელეფონი	+
ინტერნეტი	+	პარკირება	-
ლიფტი	-	ბუხარი	-
აივანი	-	ბრძანების ნომერი	76
საკადასტრო კოდი	34.02.62.263	Rs რუკის მხარდაჭერა	-
ელექტრო მომარაგება	+	ბუნებრივი გაზი	-
ქვეყანა	საქართველო	ქალაქი	ქუთაისი
რაოდენობა	1	ქუჩა(დასახელება/ნომერი)	საქართველო, სამტრედიის რაიონი, სოფ. დიდი ჯიხაიში ქუთაისის დავით აღმაშენებლის სახელობის საერთაშორისო აეროპორტი
შენობის პროექტი	არასტანდარტული	შენობის მდგომარეობა	ახალი გარემონტებული
სათავსო	+	გადახდის პერიოდი	1
სარგებლობაში გადაცემის ვადა	2 წელი	ზომის ერთეული	ერთეული