ელექტრონულ აუქციონში გამარჯვებული ვალდებულია, ოქმის საფუძველზე, არა უმეტეს 15 (თხუთმეტი) კალენდარული დღის ვადაში აუქციონატორთან გააფორმოს სარგებლობის ხელშეკრულება.

ელექტრონულ აუქციონში გამარჯვებულ პირს გადახდილი ,,ბე" ეთვლება სარგებლობის ხელშეკრულებით გათვალისწინებული ბოლო წლის გადასახდელი ქირის ოდენობაში.

აუქციონში გამარჯვებულმა პირმა წლიური საიჯარო ქირა უნდა გადაიხადოს ყოველწლიურად.

ყურადღება!

აუქციონის დასრულებამდე ქონების დათვალიერება შესაძლებელია სარგებლობაში გადამცემ ორგანოსთან შეთანხმებით.

სარგებლობაში გადაცემის ვადაა 5 (ხუთი) წელი (სარგებლობის ხელშეკრულების ხელმოწერიდან).

ქალაქ ფოთის მუნიციპალიტეტის (მესაკუთრე) მხრიდან წერილობითი შეტყობინების მიღებიდან 1 (ერთი) თვის ვადაში აუქციონში გამარჯვებული ვალდებულია საიჯარო ქონება დაუბრუნოს მესაკუთრეს შესაბამისი მიღება-ჩაბარების აქტის საფუძველზე.

სარგებლობის ხელშეკრულების ვადა შეიძლება გაგრძელდეს, თუ ამის შესახებ სარგებლობის ხელშეკრულების ვადის ამოწურვამდე არაუგვიანეს 2 (ორი) თვისა აუქციონში გამარჯვებული წერილობით მოითხოვს სარგებლობის ხელშეკრულების  ვადის გაგრძელებას და ქალაქ ფოთის მუნიციპალიტეტი (მესაკუთრე) ამაზე თანხმობას განაცხადებს. 

სარგებლობის ხელშეკრულების შეწყვეტის შემთხვევაში აუქციონში გამარჯვებულს საიჯარო ქონებაზე გაწეული ხარჯები და გადახდილი ბე არ აუნაზღაურდება.

აუქციონში გამარჯვებული ვალდებულია საკუთარი სახსრებით უსასყიდლოდ განახორციელოს საიჯარო ქონების მოვლა-პატრონობა, რემონტი და ასევე საიჯარო ქონების უსაფრთხო ფუნქციონირებასთან დაკავშირებული ნებისმიერი საქმიანობა. აუქციონში გამარჯვებული ვალდებულია წერილობითი შეტყობინების მიღებიდან არაუგვიანეს 10 (ათი) სამუშაო დღისა მესაკუთრეს წარუდგინოს ინფორმაცია საიჯარო ქონების მდგომარეობისა და მასზე გაწეული დანახარჯების შესახებ.

აუქციონში გამარჯვებული ვალდებულია არ მოახდინოს რაიმე სახით მდინარის დაბინძურება.

აუქციონში გამარჯვებული პასუხიმგებელია საიჯარო მოძრავი ქონების (სპეცტექნიკა) უსაფრთხო ფუნქციონირებაზე.

იჯარის ქირის გადახდა აუქციონში გამარჯვებულს არ ათავისუფლებს საქართველოს მოქმედი კანონმდებლობით დაწესებული სხვა გადასახდელებისაგან.