1. მომხმარებელმა, რომელსაც სურს მონაწილეობა მიიღოს ელექტრონულ აუქციონში, საგარანტიო თანხა/ბე უნდა გადაიხადოს და უპირობო და გამოუხმობი საბანკო გარანტია წარადგინოს თითოეული ქონებისთვის ცალცალკე.

2. ქონების შეძენის შემთხვევაში, მომხმარებელს მის მიერ გადახდილი საგარანტიო თანხა/ბე ჩაეთვლება ანგარიშსწორებისას.

3. აუქციონის დამთავრებამდე ქონების დათვალიერება შესაძლებელია საპრივატიზებოდ გამცემ ორგანოსთან შეთანხმებით.

4. აუქციონში გამარჯვებული ვალდებულია, აუქციონში გამარჯვების თაობაზე შესაბამისი შეტყობინების მიღებიდან ერთი კვირის  ვადაში გამოცხადდეს  ქალაქ თელავის მერიის  ქონების მართვის, ეკონომიკური განვითარების,სტატისტიკის, ინფრასტრუქტურის, სივრცითი მოწყობის, არქიტექტურის და მშენებლობის სამსახურში  და  ნასყიდობის ხელშეკრულების დასადებად  წარმოადგინოს შესაბამისი დოკუმენტაცია. ნასყიდობის ხელშეკრულება უნდა დაიდოს  აუქციონში გამარჯვების  დამადასტურებელი  ოქმის  შედგენიდან 15  კალენდარული დღის ვადაში, ხოლო აუქციონზე შეძენილი ქონების  ღირებულების გადახდა უნდა  განახორციელოს სრულად, ხელშეკრულების დადებიდან  15 კალენდარული დღის ვადაში. თანხის სრულად გადახდის დღიდან, საკუთარი სახსრებით 15 დღის ვადაში  უზრუნველყოს შეძენილი ქონების გატანა მისი განთავსების ადგილიდან.

5. აუქციონზე გამოტანილი მერქნული რესურსის შემძენი ვალდებულია შეძენილი ხე-ტყის ტრანსპორტირების დაწყებამდე  უზრუნველყოს „საქართველოს ტერიტორიაზე ხე-ტყის მოძრაობის წესებისა და მრგვალი ხე-ტყის (მორის) პირველადი გადამუშავების ობიექტის (სახერხი საამქროს) ტექნიკური რეგლამენტის დამტკიცების თაობაზე“ საქართველოს მთავრობის 2014 წლის 10 იანვრის #46 დადგენილებით დადგენილი წესების დაცვა.

6. აუქციონი დაიწყოს 2016 წლის 25 ოქტომბერს 17:00 საათზე და დასრულდეს 2016 წლის 04 ნოემბერს 17:00 საათზე.

7. დამატებითი ინფორმაციისთვის დაგვიკავშირდით: საკონტაქტო ტელ. 599 505994; (ალექსი აგურაშვილი) (+995) 32 2 601 601 (WWW.eauction.ge)