იუსტიციის სახლი - ეს არის შენობა, რომლის ფარგლებშიც მოქცეულია სახელმწიფო სერვისების დიდი უმრავლესობა. მისი მიზანი იმ დოკუმენტების გაცემა და მომსახურებების განხორციელებაა, რომელზეც ექსკლუზიური უფლება მხოლოდ სახელმწიფოს გააჩნია.

სსიპ "იუსტიციის სახლის" ბათუმის ფილიალი მოქალაქეებს 400-მდე სახის სერვისს სთავაზობს და დღეში 1,700-ზე მეტ მომხმარებელს ემსახურება.

იუსტიციის სახლის ბათუმის ფილიალის 1 სართულზე უნდა მოეწყოს კვების ობიექტი, სადაც შესაძლებელი იქნება იუსტიციის სახლის მომსახურებების მომხმარებლებისთვის მიწოდება (თბილისის იუსტიციის სახლში არსებული JUSTcafe-ის ანალოგიურად).

ფილიალის სამუშაო საათებია:

ორშაბათი-პარასკევი 9:00-18:00 სთ.

შაბათი-კვირა          10:00-17:00 სთ

ბათუმის იუსტიციის სახლში კვების ობიექტის (JUSTcafe) მოწყობა

სსიპ-იუსტიციის სახლის ფილიალის, ბათუმის იუსტიციის  სახლის შენობა-ნაგებობის (საკადასტრო კოდი №05.24.05.045) 1 სართულზე, კვების ობიექტის განსათავსებლად, 120 (ასოცი) მ² შენობის ფართის იჯარით გაცემა 3 (სამი) წლის ვადით, ელექტრონული აუქციონის (პირობებიანი) ფორმით.

აუქციონის პირობები იხილეთ ქ. ბათუმში, შ. ხიმშიაშვილის ქუჩა №7-ში, არასასოფლო-სამეურნეო დანიშნულების მიწის ნაკვეთზე განთავსებული შენობა-ნაგებობა №1-ის პირველ სართულზე მდებარე 120 კვ.მ. ფართის აუქციონის (პირობებიანი) ფორმით იჯარით გაცემის შესახებ ბრძანებაში N779/ს (ბრძანება იხილეთ მიმაგრებულ ფაილებში).

კვების ობიექტის განლაგება შენობის ნახაზზე იხილეთ დანართი N1-ში.

კვების ობიექტის ლოგო იხილეთ დანართი N2-ის სახით.

სსიპ - იუსტიციის სახლსა და აუქციონში გამარჯვებულ პირს შორის გასაფორმებელი ხელშეკრულების პროექტი იხილეთ დანართიN3-ის სახით.

საწყისი თანხა მოიცავს ერთი თვის საფასურს!