ცხადდება პირობიანი ელექტრონული აუქციონი საქართველოს სასჯელაღსრულებისა და პრობაციის სამინისტროს ბალანსზე რიცხული: #2, #5-6, #15-19, #16, #17 პენიტენციური დაწესებულებებისა და სამინისტროს (მის: გორგასალის ქ. #83^ა) საზოგადოებრივ მისაღებებში სავაჭრო აპარატების განთავსებისათვის საჭირო ფართების (1 კვ.მ.) სარგებლობაში იჯარით გადაცემის თაობაზე.

საკონტაქტო პირი: თამარ კალანდარიშვილი

მობ: 577282406

პირობიანი აუქციონი ფართის იჯარის უფლებით გადაცემის თაობაზე, სავაჭრო აპარატების განთავსების მიზნით.

• აუქციონზე გამოტანილი იქნება 1 ლოტი, საწყისი წლიური საიჯარო ღირებულებით 5760 (ხუთი ათას შვიდას სამოცი) ლარის ოდენობით;
• აუქციონში გამარჯვებული ვალდებულია უზრუნველყოს სავაჭრო აპარატების განთავსება  საიჯარო ხელშეკრულების გაფორმებიდან არაუგვიანეს 2 (ორი) კვირის ვადაში;
• გამარჯვებული ვალდებულია განათავსოს მაღალი ხარისხის სავაჭრო აპარატები, რომელთა საშუალებითაც შესაძლებელი იქნება უმოკლეს დროში სხვადასხვა სახეობის პროდუქტის და გამაგრილებელი სასმელების  შეძენა  (ჩიფსი, შოკოლადი, თხილი, მინერალური/გაზიანი სასმელები და სხვა), რომელთა ხარისხიც შესაბამისობაში იქნება სახელმწიფოში მოქმედ სტანდარტებთან. 
• სახელმწიფო საკუთრებაში არსებული უძრავი ნივთის სარგებლობის უფლებით გამცემ ორგანოსა და სარგებლობის უფლების მიმღებს პირს შორის იდება ხელშეკრულება სარგებლობის უფლებით ფართის გაცემის შესახებ, რომელიც ექვემდებარება სსიპ „საჯარო რეესტრის ეროვნულ სააგენტო“-ში რეგისტრაციას. აუქციონის ფორმით სახელმწიფო ქონების სარგებლობის უფლებით გაცემისას ხელშეკრულება იდება აუქციონის ჩატარებიდან 2 (ორი) კვირის ვადაში, რეგისტრაციის ვალდებულება ეკისრება აუქციონში გამარჯვებულს;
• აუქციონში გამარჯვებულმა სარგებლობის უფლების საფასური უნდა გადაიხადოს უძრავი ქონების სარგებლობის უფლებით გამცემ ორგანოსა და აუქციონში გამარჯვებულ პირს შორის გაფორმებული ხელშეკრულებით დადგენილი წესით;
• გამარჯვებულმა სავალდებულოა წარმოადგინოს აღნიშნულ სფეროში ანალოგიური მუშაობის მინიმუმ 1 წლიანი გამოცდილება.
• საჯარო აუქციონის შედეგები უქმდება, გამარჯვებულ პირს ერთმევა გამარჯვებულის სტატუსი და გამარჯვებულის მიერ წარდგენილი უპირობო და გამოუხმობი საბანკო გარანტიის/ბეს თანხა სრულად ირიცხება უძრავი ქონების განმკარგავი ორგანიზაციის ანგარიშზე თუ: საჯარო აუქციონში გამარჯვებულმა უარი განაცხადა ხელშეკრულების ხელმოწერაზე ან/და დაარღვია აუქციონში მონაწილეობის „სახელმწიფო ქონების შესახებ“ საქართველოს კანონითა და სახელმწიფო ქონების სარგებლობაში გადაცემისას საჯარო აუქციონის ჩატარების შესახებ დებულებით დადგენილი წესი ან/და პირობები;
• სარგებლობის უფლებით გაცემის შესახებ ხელშეკრულებით ნაკისრი ვალდებულებების შეუსრულებლობის შემთხვევაში მხარეთა პასუხისმგებლობის საკითხი განისაზღვრება ხელშეკრულებით;
• აუქციონში გამარჯვებულთან დადებული ხელშეკრულების გაუქმება შესაძლებელია სსიპ „სახელმწიფო ქონების ეროვნული სააგენტო“-ს წერილობითი მოთხოვნიდან არაუმეტეს 2 კვირის ვადაში უპირობოდ, მიუხედავად აუქციონში გამარჯვებულის მიერ განხორციელებული ინვესტიციებისა. განხორციელებული ინვესტიციები არ ანაზღაურდება;
• სარგებლობაში ფართი გადაეცემა იჯარით 3 (სამი) წლის ვადით;

სავაჭრო აპარატები უნდა განთავსდეს შემდეგ ობიექტებზე:

• N2 პენიტენციური დაწესებულების საზოგადოებრივი მისაღები, 1 კვ.მ.
(მის: ქუთაისი, ხარებავას ქ. N85);
• N5 - 6 პენიტენციური დაწესებულების საზოგადოებრივი მისაღები, 1 კვ.მ.
(მის: გარდაბნის მუნიციპალიტეტი,სოფელი მთისძირი);
• N15 - 19 პენიტენციური დაწესებულების საზოგადოებრივი მისაღები, 1 კვ.მ.   (მის: მცხეთის მუნიციპალიტეტი, დაბა ქსანი);
• N16 პენიტენციური დაწესებულების საზოგადოებრივი მისაღები, 1 კვ.მ.
(მის: რუსთავი, მშენებელთა ქ. N60);
• N17 პენიტენციური დაწესებულების საზოგადოებრივი მისაღები 1 კვ.მ.
(მის: რუსთავი, მშენებელთა ქ. N64);
• სასჯელაღსრულებისა და პრობაციის სამინისტროს საზოგადოებრივი მისაღები 1 კვ.მ. (მის: გორგასალის ქ. N83ა);