შ.პ.ს "მთის კურორტების კომპანია" აცხადებს აუქციონს სამთო-სათხილამურო კურორტ გოდერძიზე მის საკუთრებაში არსებული მოძრავი ნივთების, კერძოდ სათხილამურო ინვენტარის იჯარის უფლებით გაცემის თაობაზე. აუქციონში გამარჯვებულს იჯარის უფლებით გადაეცემა 35 წყვილი თხილამური, 35 წყვილი სათხილამურო ფეხსაცმელი და 35 წყვილი სათხილამურო ჯოხი.

 აუქციონში მონაწილეობის უფლება აქვს ნებისმიერ კერძო სამართლის იურიდიულ პირს, რომელსაც აქვს საქართველოში სამეწარმეო საქმიანობის განხორციელების უფლება. 

აუქციონში გამარჯვებული პირი ვალდებულია, აუქციონის დასრულებიდან არაუგვიანეს 3 სამუშაო დღეში გამოცხადდეს შ.პ.ს "მთის კურორტების განვითარების კომპანიის" ოფისში, მდებარე: ქ. თბილისი, კოსტავას 70-ში  და გააფორმოს იჯარის ხელშეკრულება,  წინააღმდეგ შემთხვევაში აუქციონში გამარჯვებულს არ დაუბრუნდება საგარანტიო თანხა. 

დასაშვებია ხელშეკრულების ვადამდე მოშლა, სსიპ ”სახელმწიფო ქონების ეროვნული სააგენტოს” ან მისი უფლებამონაცვლის მიერ შპს „მთის კურორტების განვითარების კომპანიის” კაპიტალიდან ამოღების ან უფლების გამცემის მიერ მოშლის თაობაზე ცალმხრივი ნების გამოვლენის შემთხვევაში.ხელშეკრულების დასახელებული საფუძვლით მოშლის ვადა განისაზღვროს მოშლის თაობაზე შეტყობინების მიღებიდან არაუმეტეს ორი თვით.

სათხილამურო ინვენტარი მოიჯარეს სარგებლობაში გადაეცემა აუქციონის შედეგების საფუძველზე მხარეთა შორის შესაბამისი ხელშეკრულების გაფორმების საფუძველზე სამთო-სათხილამურო კურორტ გოდერძიზე 2016-2017  წლის სათხილამურო სეზონის ოფიციალურად გახსნიდან ოფიციალურად დახურვამდე (დასრულებამდე).

აუქციონში გამარჯვებული პირი ,  ვალდებულია, შესაბამისი ხელშეკრულების გაფორმებიდან,  შპს „მთის კურორტების განვითარების კომპანიას“ გადაუხადოს მთლიანი საიჯარო ქირა, რომელიც გამოვლინდება აუქციონზე ვაჭრობის შედეგად და რომლის მთლიანი საწყისი სავაჭრო ოდენობა შეადგენს 2300 ლარს საქართველოში მოქმედი კანონმდებლობით გათვალისწინებული ყველანაირი გადასახადის ჩათვლით, შემდეგი გრაფიკით: საბოლოოდ დაფიქსირებული თანხის ნაწილი- კერძოდ, 1500 ლარი  აუქციონში გამარჯვებულმა პირმა  უნდა გადაიხადოს არაუგვიანეს   2016 წლის 20 დეკემბრისა და ხოლო დარჩენილი თანხა უნდა გადაიხადოს არაუგვიანეს 2017 წლის 10 იანვრისა. 

დამატებითი ინფორმაციისთვის დარეკეთ: 599950108