შ.პ.ს "მთის კურორტების განვითარების კომპანია" აცხადებს აუქციონს ბორჯომი რაიონში, დაბა ბაურიანში "დიდველზე" არსებულ მიწის ნაკვეთზე (საკადასტრო კოდით: 64.34.01.470) მიმაგრებული 480 კვ.მ-იანი შენობა-ნაგებობის 5 წლის ვადით იჯარის უფლებით გაცემის თაობაზე.

შენობა მოიჯარის მიერ გამოყენებული უნდა იქნას ქსელური ბრენდირებული კვების ობიექტის მოსაწყობად.

აუქციონში მონაწილეობის უფლება აქვს ნებისმიერ კერძო სამართლის იურიდიულ პირს,რომელსაც აქვს საქართველოში სამეწარმეო საქმიანობის განხორციელების უფლება.

ყურადღება!

შეზღუდვა: 

- სარგებლობაში გადაცემულ ქონებაზე სარგებლობის პერიოდში დასაშვებია საკვები ობიექტის (რესტორნის) და ჰოსტელის მოწყობა.

- დასაშვებია ხელშეკრულების ვადამდე მოშლა, სსიპ ”სახელმწიფო ქონების ეროვნული სააგენტოს” ან მისი უფლებამონაცვლის მიერ შპს „მთის კურორტების განვითარების კომპანიის” კაპიტალიდან ამოღების ან უფლების გამცემის მიერ მოშლის თაობაზე ცალმხრივი ნების გამოვლენის შემთხვევაში. ხელშეკრულების დასახელებული საფუძვლით მოშლის ვადა განისაზღვროს მოშლის თაობაზე შეტყობინების მიღებიდან არაუმეტეს ორი თვით.

აუქციონში მონაწილეობის პირობა განისაზღვრება შემდეგი სახით: 

• მოიჯარეს უნდა ჰქონდეს კვების ობიექტების მოწყობისა და მართვის მინიმუმ 5 წლიანი, აქედან სამთო კურორტებზე ოპერირების არანაკლებ 1 წლიანი სამუშაო გამოცდილება;
• მოიჯარე პასუხისმგებელი იქნება აწარმოოს იჯარის უფლებით აღებული ქონების მოვლა-პატრონობა, მათ შორის საჭიროებიდან გამომდინარე სარემონტო სამუშაოების განხორციელება საიჯარო ვადის განმავლობაში (მეიჯარესთან შეთანხმებით).
• შესაბამისი იჯარის ხელშეკრულების გაფორმებიდან 10 საბანკო დღის ვადაში უზრუნველყოს პირველი წლის საიჯარო ქირის  50% გადახდა, ხოლო დარჩენილი 50% გადაიხადოს არაუგვიანეს 2017 წლის 30 აპრილისა.
• შესაბამისი იჯარის ხელშეკრულების გაფორმებიდან 10 კალენდარული დღის ვადაში უზრუნველყოს იჯარის უფლებით მიღებული ობიექტის (კვების ობიექტის) გახსნა და ფუნქციონირების დაწყება. 
• ამასთან, ყოველწლიურად განსაზღვრული საიჯარო ქირის პირველი 50% (ყოველ მომდევნო წელს) მოიჯარის მიერ გადახდილ უნდა იქნას არაუგვიანეს შესაბამისი სახელშეკრულებო წლის 31 დეკემბრისა, ხოლო დარჩენილი 50% არაუგვიანეს ყოველი მომდევნო წლის 01 მარტისა.
  

აუქციონში გამარჯვებული პირი ვალდებულია მეიჯარესთან იჯარის ხელშერულების გაფორმებიდან  არაუგვიანეს 1 (ერთი) თვის ვადაში, კომუნალური  გადასახადების გადასახდელად, დადგეს ქვეაბონენტად შესაბამის სამსახურებში. 

აუქციონში გამარჯვებული პირი  ვალდებულია აუქციონის დასრულებიდან 3 (სამ) სამუშაო დღის განმავლობაშო გამოცხადდეს შ.პ.ს "მთის კურორტების განვითარების კომპანიის" ოფისში, მდებარე: ქ. თბილისი, კოსტავას 70-ში და  გააფორმოს იჯარის ხელშეკრულება, წინააღმდეგ შემთხვევაში მას არ დაუბრუნდება საგარანტიო თანხა. 

აუქციონში გამარჯვებული პირი, შესაბამისი ხელშეკრულების გაფორმებიდან, ვალდებულია ყოველწლიურად შპს „მთის კურორტების განვითარების კომპანიას“ გადაუხადოს  ყოველწლიური საიჯარო ქირა, რომელიც გამოვლინდება აუქციონზე ვაჭრობის შედეგად და რომლის საწყისი სავაჭრო ოდენობა ყოველწლიურად შეადგენს 36000  (ოცდათექვსმეტი ათასს) ლარს, საქართველოში მოქმედი კანონმდებლობით გათვალისწინებული ყველანაირი გადასახადის ჩათვლით. 

დამატებითი ინფორმაციისათვის დარეკეთ: 599950108