შპს "მთის  კურორტების განვითარების კომპანია" აცხადებს აუქციონს, ბაკურიანში, "დიდველზე" არსებული მიწის ნაკვეთის (ს.კ. 64.34.01.472) ნაწილის, კერძოდ 10 კვ.მ. იჯარით გასაცემად, ყინულის საცოცი კედლის მოსაწყობად. 

 აუქციონში მონაწილეობის უფლება აქვს ნებისმიერ კერძო სამართლის იურიდიულ პირს,რომელსაც აქვს საქართველოში სამეწარმეო საქმიანობის განხორციელების უფლება.

ყურადღება!

შეზღუდვა: 

•  სარგებლობაში გადაცემულ ქონებაზე სარგებლობის პერიოდში დასაშვებია მხოლოდ წინამდებარე აუქციონის პირობებით განსაზღვრული ყინულის საცოცი კედლის მოწყობა, შესაბამისი (საჭირო) მსუბუქი კონსტრუქციის მშენებლობა-განთავსება, მეიჯარესთან ვიზუალის შეთანხმებით. 
• დასაშვებია ხელშეკრულების ვადამდე მოშლა, სსიპ ”სახელმწიფო ქონების ეროვნული სააგენტოს” ან მისი უფლებამონაცვლის მიერ შპს "მთის კურორტების განვითარების კომპანიის" კაპიტალიდან ამოღების ან უფლებისგამცემის მიერ მოშლის თაობაზე ცალმხრივი ნების გამოვლენის შემთხვევაში. ხელშეკრულების დასახელებულისაფუძვლით მოშლის ვადა განისაზღვროს მოშლის თაობაზე შეტყობინების მიღებიდან არაუმეტეს ორი თვით.

მოკლე აღწერილობა:

საიჯარო ქონება, მოიჯარეს გადაეცემა სარგებლობაში, მხარეთა შორის შესაბამისი იჯარის ხელშკრულების გაფორმებიდან ბაკურიანში, "დიდველზე" 2016-2017 წლის ზამთრის სათხილამურო სეზონის დასრულებამდე.

საიჯარო ვადა: საიჯარო ვადის ათვლა დაიწყოს მხარეთა შორის შესაბამისი იჯარის ხელშეკრულების ხელმოწერის დღიდან და დასრულდეს ბაკურიანში "დიდველზე" 2016-2017 წლის სამთო-სათხილამურო სეზონის ოფიციალურად დასრულების დღეს.

აუქციონში გამარჯვებული პირი, ვალდებულია  შპს "მთის კურორტების განვითარების კომპანიას" გადაუხადოს აუქციონში ფიქსირებული საბოლოო თანხა, რომელიც გამოვლინდება აუქციონზე ვაჭრობის შედეგად და რომლის მთლიანი, საწყისი სავაჭრო ოდენობა შეადგენს 2900 ლარს, საქართველოში მოქმედი კანონმდებლობით გათვალისწინებული ყველანაირი გადასახადის ჩათვლით. 

აუქციონში დაფიქსირებული საბოლოო თანხა განაწილდეს მთლიანი საიჯარო პერიოდის  განმავლობაში, რომლის გადახდა განხორციელდეს შემდეგი გრაფიკით:

აუქციონში გამარჯვებული პირი ვალდებულია აუქციონში დაფიქსირებული საბოლოო თანხის  50%- გადაიხადოს არაუგვიანეს   2016 წლის 15 იანვრისა, ხოლო დარჩენილი 50% გადაიხადოს არაუგვიანეს 2017 წლის 15 მარტისა.

აუქციონში გამარჯვებული პირი  ვალდებულია აუქციონის დასრულებიდან 3 (სამ) სამუშაო დღეში გამოცხადდეს შ.პ.ს "მთის კურორტების განითარების კომპანიის" ოფისში, მდებარე: ქ. თბილისი, კოსტავას 70-ში  და გააფორმოს იჯარის ხელშეკრულება, წინააღმდეგ შემთხვევაში მას არ დაუბრუნდება საგარანტიო თანხა. 

აუქციონში გამარჯვებული პირი ვალდებულია მეიჯარესთან იჯარის ხელშეკრულების გაფორმებიდან  არაუგვიანეს 1 (ერთი) თვის ვადაში, კომუნალური  გადასახადების გადასახდელად, დადგეს ქვეაბონენტად შესაბამის სამსახურებში. 

ელექტრონულ აუქციონში გამარჯვებულის გამოვლენის კრიტერიუმად განისაზღვროს:
- მაქსიმალური სარგებლობის საფასურის დაფიქსირება, რომელიც უნდა აღემატებოდეს გამოცხადებული საწყისი სარგებლობის საფასურს დამატებული არანაკლებ ერთი ბიჯის ოდენობას  (ქონების იჯარით სარგებლობა გადაცემულად ითვლება ელექტრონულ აუქციონში საბოლოო თანხის შემომთავაზებელ მონაწილეზე);
- ვალდებულების აღება აუქციონის პირობების დაკმაყოფილებაზე.

დამატებითი ინფორმაციისათვის დარეკეთ: 599950108