აუქციონის დასრულებიდან 15 კალენდარული დღის ვადაში აუქციონატორსა და ქონების შემძენს შორის იდება შესაბამისი წერილობითი ნასყიდობის ხელშეკრულება. 

    შემძენი ვალდებულია ქონების სრული ღირებულება სრულად გადაიხადოს ხელშეკრულების გაფორმებიდან  15  კალედარული დღის ვადაში.
 ქონების შემძენი ვალდებულია ქონების ღირებულების  სრულად გადახდიდან 1 თვის ვადაში, (იმ შემთხვევაში თუ ქონება გააქვთ საზღვარგარეთ და საჭიროებს საექსპორტო დოკუმენტაციის შეგროვებას)შესაბამისი მიღება-ჩაბარების აქტის გაფორმების შემდგომ, გაიყვანოს ზღვის ლომები  ტერიტორიიდან.  წინააღმდეგ შემთხვევაში, გაუქმდება აუქციონის შედეგები და საპრივატიზებო საფასური დაუბრუნდება ქონების  შემძენს, ხოლო წინასწარ გადახდილი „ბე“ რჩება აუქციონატორის საკუთრებად;

იმ შემთხვევაში თუკი ქონების შემძენს ზღვის ლომები გაჰყავს საზღვარგარეთ  აუქციონატორი იღებს ვალდებულებას მისი უფლებამოსილების ფარგლებში დაეხმაროს მას საქართველოს კანონმდებლობით გათვალისწინებული საექსპორტო დოკუმენტაციის შეგროვებაში;
  ქონების შემძენი ვალდებულია იმოქმედოს  ცხოველთა დაცვის შესახებ შიდა და საერთაშორისო კანონმდებლობის სრული დაცვით და ზღვის ლომების  ტრანსპორტირებისას არ დააღვიოს ტრანსპორტირების ნორმატიული სტანდარტები (IATA-ს  წესები).

  ქონების შემძენმა მიღება-ჩაბარების  გაფორმების პროცესში უნდა წარმოადგინოს დოკუმენტაცია (ფოტო, ცნობა  ან/და  სხვა სახის მტკიცებულებები), რაც დაადასტურებს, რომ მას გააჩნია ცხოველების განსათავსებლად შესაბამისი გარემო და სპეციალისტები (ვეტ. პერსონალი);

     რეზიდენტი პირებისთვის ანგარიშსწორების ვალუტად განისაზღვროს ევროს ექვივალენტი  ლარში, აუქციონის გამოცხადების  დღეს არსებული კურსით;