მილები არის  გაზის, მეორადი, ფოლადის, 1000 გრძივი მეტრი, 500 მმ-იანი დიამეტრის, (კედლის სისქე 8 მმ.) . დასაწყობებულია დუშეთის მუნიციპალიტეტის, სოფ. არაგვისპირში . მილები დაჭრილია ძირითადად 9 - დან  12.5 მეტრის სიგრძეზე, რამდენიმე ცალი 9 მ-ზე ნაკლებია და ასევე არის 1 ცალი 14.5 მ. სიგრძის. შესაბამისად, სატრანსპორტო საშუალების შერჩევის დროს გაითვალისწინეთ აღნიშნული გარემოება.

 ვინაიდან, მილების საერთო სიგრძე, დასაწყობების ადგილზე   1000 გრძივ მეტრზე მეტია, მილების დატვირთვის დროს უნდა იქონიოთ   მილების საჭრელი სპეციალური აპარატი, ვინაიდან საჭირო იქნება 1 ან მეტი მილის გაჭრა, რათა განხორციელდეს  1000 (ათასი) გრძივი მეტრის მიღება - ჩაბარება აუქციონის პირობების შესაბამისად.

           უპირობო, ვადაგაგრძელებულ ელექტრონულ აუქციონში გამარჯვების დამადასტურებელი ოქმი დგება აუქციონის დასრულებისთანავე; ოქმი არის ადმინისტრაციული ორგანოს დაპირება, რომელიც შეიცავს მუნიციპალიტეტის ქონების პრივატიზების ძირითად პირობებს და მხარეთა უფლება-მოვალეობებს. 

           ელექტრონულ აუქციონში გამარჯვების დამადასტურებელი ოქმის საფუძველზე 15 კალენდარული დღის ვადაში  ფორმდება დუშეთის მუნიციპალიტეტის აღმასრულებელ ორგანოსა და დუშეთის მუნიციპალიტეტის ქონების შემძენს შორის წერილობითი ნასყიდობის ხელშეკრულება.

            იმ შემთხვევაში თუ აუქციონში მონაწილეობის მსურველი ,,ბეს" ნაცვლად წარმოადგენს უპირობო და გამოუხმობ საბანკო გარანტიას, მისი მოქმედების ვადა არანაკლებ 15 დღით უნდა აღემატებოდეს შეძენილი ქონების სრული ღირებულების სრულად გადახდის ვადას.

            ელექტრონული აუქციონის შედეგები გაუქმდება და ელექტრონულ აუქციონში გამრჯვებულის მიერ წარდგენილი, გადახდილი, უპირობო და გამოუხმობი საბანკო გარანტია/,,ბე" სრულად ჩაირიცხება დუშეთის მუნიციპალიტეტის ბიუჯეტში თუ, :

           ა) ელექტრონულ აუქციონში გამარჯვებულმა ნასყიდობის ხელშეკრულების ხელმოწერაზე უარი განაცხადა.

           ბ) ელექტრონულ აუქციონში გამარჯვებულმა, აუქციონატორის მიერ, განსაზღვრულ ვადაში სრულად არ გადაიხადა დუშეთის მუნიციპალიტეტის შეძენილი ქონების სრული ღირებულება.

          ასეთ შემთხვევაში აუქციონის მონაწილემ დაარღვია ადგილობრივი თვითმმართველობის კოდექსით და საქართველოს მთავრობის 2014 წლის 8 დეკემბრის #669 დადგენილებით დამტკიცებული ,,მუნიციპალიტეტის ქონების პრივატიზების, სარგებლობის და მართვის უფლებით გადაცემის საწყისი საპრივატიზებო საფასურის, ქირის საფასურის, ქირის საწყისი საფასურის განსაზღვრის და ანგარიშსწორების წესებით" განსაზღვრული პირობები.