ობიექტის საწყისი გასაყიდი ღირებულება მოცემულია დ.ღ.გ-ს ჩათვლით.
 
აუქციონში მონაწილეობის უფლება აქვთ საქართველოს ან უცხო ქვეყნის მოქალაქეს ან კერძო სამართლის იურიდიულ პირს ან ამ პირთა გაერთიანებას, რომლის ქონებაშიც საქართველოს სახელმწიფოს ან ადგილობრივი თვითმმართველობის ორგანოს მონაწილეობის წილი 25%-ზე ნაკლებია.
 
უპირობო და გამოუხმობი საბანკო გარანტიის/ბეს თანხის მოქმედების ვადა არანაკლებ 15 კალენდარული დღით უნდა აღემატებოდეს საბოლოო გამოსასყიდი  საფასურის გადახდის ვადას.
 
აუქციონში გამარჯვებულის გამოვლენის კრიტერიუმია საწყის გასაყიდ ღირებულებაზე ბიჯის დანამატის შედეგად მაქსიმალური საფასურის შეთავაზება.

მყიდველი ვალდებულია საკუთარი სახსრებით, კომპანიის თანამშრომლის თანდასწრებით, უზრუნველყოს ლითონის ჯართის ზუსტი წონის დადგენა, სათანადო წესით დაკალიბრებული სასწორის საშუალებით და  შესაბამისი აქტის გაფორმება. ასევე, საკუთარი ხარჯით მოახდინოს შეძენილი ქონების დატვირთვა-გადმოტვირთვა, ტრანსპორტირება და ტერიტორიიდან გატანა.
 
აუქციონში გამარჯვებული პირი ვალდებულია, აწონვის მიზნით ტერიტორიიდან ჯართის გატანამდე, აუქციონის დასრულებიდან არანაკლებ 7 და არაუმეტეს 30 დღის ვადაში, მოახდინოს შპს „საქართველოს აეროპორტების გაერთიანების“ ანგარიშზე საგარანტიო თანხის დეპონირება.
 
საგარანტიო დეპონირებული თანხა უნდა შეესაბამებოდეს მყიდველის მიერ აუქციონზე დაფიქსირებულ ღირებულებას. იმის გათვალისწინებით, რომ დეპონირების ვალდებულება არ გავრცელდება ბე-ს სახით წინასწარ გადახდილითანხის ოდენობაზე, შესაბამისად, დეპონირებული თანხის ოდენობა განისაზღვრება აუქციონზე მყიდველის მიერ დაფიქსირებული ფასისთვის ბე-ს სახით გადახდილი თანხის გამოკლების შედეგად მიღებული ოდენობით.
 
იმ შემთხვევაში, თუ მყიდველის მიერ არ მოხდება თანხის დეპონირება, ის ვალდებულია ზემოთ მითითებულ ვადაში წარმოადგინოს საბანკო გარანტია იმავე ოდენობის თანხაზე, რომელზეც გათვალისწინებულია დეპონირების ვალდებულება.
 
მყიდველს კომპანიის ანგარიშზე დეპონირებული საგარანტიო და ბეს სახით გადახდილი თანხები ჩაეთვლება საბოლოო ანგარიშსწორებისას.
 
შეძენილი ქონების საბოლოო საფასური განისაზღვრება ჯართის აწონვის შედეგად დადგენილი დაზუსტებული ჯამური წონის შესაბამისად.
 
ერთეული ტონის ღირებულება დადგინდება აუქციონზე დაფიქსირებული საბოლოო საფასურიდან, აუქციონის პირობებში მითითებული საორიენტაციო წონის პროპორციულად.
 
შესაბამისად, აუქციონის დასრულებიდან არაუმეტეს 30 დღის ვადაში, მყიდველს დაუბრუნდება ან იგი დამატებით გადაიხდის საბოლოო გამოსასყიდ და ჩათვლილ თანხებს შორის სხვაობას.
 
თუ ელექტრონული აუქციონი არ შედგა იმ მიზეზით, რომ აუქციონში რეგისტრირებული პირები არ მიიღებენ მონაწილეობას სააუქციონო ვაჭრობაში, მათ მიერ წარდგენილი უპირობო და გამოუხმობი საბანკო გარანტიის/ბეს თანხა სრულად ირიცხება ქონების განმკარგავი სუბიექტის ბიუჯეტში.
 
აუქციონში დამარცხებულ მონაწილეებს უპირობო და გამოუხმობი საბანკო გარანტია/ბე დაუბრუნდებათ აუქციონის დასრულებიდან 7 კალენდარული დღის განმავლობაში.
 
იმ შემთხვევაში, თუ ქონების განმკარგავმა გადაავადა აუქციონის ჩატარება ან მის ჩატარებამდე გააუქმა ქონების განკარგვის შესახებ მიღებული გადაწყვეტილება, აუქციონში მონაწილეებს გადახდილი უპირობო და გამოუხმობი საბანკო გარანტიის/ბეს თანხა უკან უბრუნდება.
 
ნასყიდობის ხელშეკრულება ფორმდება აუქციონის დასრულებიდან 45 კალენდარული დღის ვადაში.
 
ელექტრონული აუქციონის შედეგები უქმდება და გამარჯვებულს წარდგენილი უპირობო და გამოუხმობი საბანკო გარანტიის/ბეს თანხა არ დაუბრუნდება, თუ:
ა)ელექტრონულ აუქციონში გამარჯვებულმა ხელშეკრულების ხელმოწერაზე უარი განაცხადა;
ბ) აუქციონში გამარჯვებულმა ქონების განმკარგავი ორგანოს მიერ განსაზღვრულ ვადაში სრულად არ გადაიხადა ქონების სრული საფასური.
გ) დაარღვია საქართველოს კანონმდებლობით დადგენილი აუქციონში მონაწილეობის წესები.