აუქციონში მონაწილე პირებისათვის საგარანტიო თანხების დაბრუნება/ჩამოჭრის შესახებ ინფორმაციის მისაღებად, გთხოვთ, მიმართოთ განმკარგველ ორგანიზაციას.

სარეალიზაციო ქონება: ფოლადის მილი

მილის სიგრძე: საორიენტაციო სიგრძე - 2100, (რომელიც მიწაშია განთავსებული) 

მილის დიამეტრი: 530 მმ. 

მილის კედლის სისქე: 6 მმ.
აუქციონი გაიმართება ერთ გრძივ მეტრზე წარმოდგენილი ფასის მიხედვით

სავარაუდო ჯამური ღირებულება შეადგენს 2100*(71-13,62)=120498

ერთი გრძივი მეტრის მილის მიწიდან ამოღების საფასური სამხარაულის დასკვნის მიხედვით: 13,62 ლარი

აუქციონის ჩატარების პირობები: „სახელმწიფო ქონების განკარგვისას და სარგებლობის უფლებით გადაცემისას ელექტრონული აუქციონის ჩატარების წესის დამტკიცების შესახებ“ საქართველოს ეკონომიკისა და მდგრადი განვითარების მინისტრის 2011 წლის 10 თებერვლის №1-1/172 ბრძანების შესაბამისად

მილის სარეალიზაციო საფასურის გადახდის ვადა: მილზე/მის მონაკვეთზე მიღება-ჩაბარების აქტის გაფორმებიდან 15 კალენდარული დღე

მყიდველის მიერ მილის დემონტაჟის სამუშაოების დაწყების დრო: ნასყიდობის ხელშეკრულების გაფორმებიდან მომდევნო სამუშაო დღე

მყიდველის მიერ მილის დემონტაჟის/მიწიდან ამოღების ვადა: ნასყიდობის ხელშეკრულების გაფორმებიდან 80 კალენდარული დღე

მყიდველის მიერ გრუნტის პირველადი მდგომარეობის დაბრუნებისა და დემონტირებული/მიწიდან ამოღებული მილის გატანის ვადა: მილის სრული დემონტაჟიდან 30 კალენდარული დღე

მილის დემონტაჟი/მიწიდან ამოღება, რომელსაც უნდა ესწრებოდეს კომპანიის უფლებამოსილი წარმომადგენელი უნდა განხორციელდეს საქართველოს შრომის კოდექსის გათვალისწინებულ სამუშაო დღეებში;

მილის საერთო სიგრძე დაუზუსტებელია და არ აკისრებს გამყიდველს ვალდებულებას, რომ ადგილზე (მათ შორის მიწის ქვეშ) საორიენტაციოდ მითითებული სიგრძის მილი იყოს განთავსებული; მილის სარეალიზაციო ღირებულება განისაზღვრება ეტაპობრივად მილის დემონტაჟის/მიწიდან ამოღების თითოეული მოქმედების დასრულების შემდგომ;

მილის სიგრძე ზუსტდება დემონტაჟის/მიწიდან ამოღებისას, რომელსაც უნდა ესწრებოდეს გამყიდველის უფლებამოსილი წარმომადგენელი, რა დროსაც მხარეებს შორის ფორმდება მიღება-ჩაბარების აქტი;

მილის დემონტაჟის/მიწიდან ამოღების, სიგრძის დაზუსტების, მილის ტერიტორიიდან გატანის, გრუნტის პირველადი მდგომარეობის დაბრუნების მიზნით გასაწევი სამუშაოების, მიწის უკუჩაყრისა და სხვა ნებისმიერი ხარჯები სრულად ეკისრება მყიდველს. შენიშვნა: მიწის ქვეშ განლაგებული მილის შემთხვევაში სსიპ - ლევან სამხარაულის სახელობის სასამართლო ექსპერტიზის ეროვნული ბიუროს N005648717 დასკვნით განსაზღვრულ გრძივი მეტრი მილის სარეალიზაციო თანხას აკლდება ამავე დასხვნით განსაზღვრული გრძივი მეტრი მილის მიწიდან ამოღების ღირებულება.);

თუ მილის მონაკვეთი კვეთს გზის სავალ ნაწილს, სხვა საყოფაცხოვრებო თუ  არასაყოფაცხოვრებო ობიექტებს ან სხვა ქონებას, მისი მიწის ნაკვეთიდან ამოღება დამოკიდებული იქნება შემძენსა და ქონების (რომელზეც გადის მილი) მესაკუთრეს შორის მოლაპარაკებაზე;

მილის დემონტაჟის/მიწიდან ამოღების შემდგომ თანხის დაფარვამდე მილის მოვლა-პატრობაზე პასუხისმგებელია აუქციონში გამარჯვებული;

მილის დემონტაჟი/მიწიდან ამოღება შესაძლებელია განხორციელდეს ეტაპობრივად. მილის დემონტაჟის/ამოღების და სიგრძის დაზუსტების პროცესს უნდა დაესწროს გამყიდველის წარმომადგენელი. სარეალიზაციო ქონების საფასური განისაზღვრება მისი ერთეულის ღირებულებისა და დაზუსტებული სიგრძის ნამრავლით;  

მყიდველი ვალდებულია თავად უზრუნველყოს, კანონმდებლობით გათვალისწინებული, ნებართვების, ლიცენზიების თუ ადმინისტრაციული ორგანოების თანხმობის მიღება შესაბამისი სამუშაოების განხორციელების დროს;

მილის დემონტაჟის/მიწიდან ამოღებისა და მიღება-ჩაბარების აქტის გაფორმების შემდეგ, (მათ შორის ტერიტორიიდან გატანამდე) მყიდველს ეკისრება მილის/მისი მონაკვეთის მოვლა-პატრონობის განხორციელებაზე პასუხისმგებლობა. მილის ტრანსპორტირებისა და სხვა ნებისმიერ ხარჯს უზრუნველყოფს მყიდველი;

მყიდველმა ყველა საშუალება უნდა გამოიყენოს, რომ მიწიდან მილების მაქსიმალურად დიდი მონაკვეთის დემონტაჟი/მიწიდან ამოღება განახორციელოს;

მილის/მისი მონაკვეთის დემონტაჟის/მიწიდან ამოღების შეუძლებლობა უნდა დადასტურდეს გამყიდველისა და მყიდველის ერთობლივი აქტით, სადაც მითითებული იქნება მიწიდან ამოღების შეუძლებლობის ობიექტური მიზეზები;

მყიდველის მიერ ელექტრონულ აუქციონში მონაწილეობისას გადახდილი ბე ითვლება მილის ღირებულებაში;

მილის მიწიდან ამოღებასა და ტერიტორიიდან გატანას ახორციელებს მყიდველი საკუთარი სახსრებითა და პასუხისმგებლობით. მყიდველის მიერ მილის/მისი თითოეული მონაკვეთის დემონტაჟის დროს მხარეებს შორის უნდა გაფორმდეს მიღება-ჩაბარების აქტი. მილის/მისი მონაკვეთის ღირებულებას მყიდველი გადაიხდის ამოღებული მილის/მისი მონაკვეთის სიგრძის მიხედვით, მიღება-ჩაბარების აქტის გაფორმებიდან არაუგვიანეს 15 კალენდარული დღის განმავლობაში; 

მყიდველს შესყიდული ქონების გატანის უფლება აქვს მას შემდეგ, რაც ის გადაუხდის გამყიდველს მილის/მისი მონაკვეთის ღირებულებას;

ხელშეკრულებით გათვალისწინებული ვალდებულების დარღვევის შემთხვევაში მყიდველს დაეკისრება პირგასამტეხლო ხელშეკრულების ობიექტის საორიენტაციო ჯამური ღირებულების 0.1% ოდენობით ყოველ ვადაგადაცილებულ დღეზე. იმ შემთხვევაში, თუ ანგარიშსწორების, ქონების მიწიდან ამოღების, მილის ტერიტორიიდან გატანის, გრუნტის პირველადი მდგომარეობის დაბრუნების ან სხვა ვალდებულების ვადების დარღვევა გაგრძელდება 30 კალენდარული დღის განმავლობაში გამყიდველი უფლებამოსილია ცალხმრიდვად შეწყვიტოს ხელშეკრულება მყიდველისათვის გაგზავნილი შეტყობინებით;

მყიდველმა მილის დემონტაჟთან/მისი მიწიდან ამოღებასთან დაკავშირებული ნებისმიერი სამუშაო უნდა განახორციელოს უსაფრთხოების ნორმებისა და საქართველოს კანონმდებლობით დადგენილი მოთხოვნების შესაბამისად.

დასადები ხელშეკრულების ფორმა: ნასყიდობის ხელშეკრულება.