ელექტრონული აუქციონის ფორმით ქონების პრივატიზებისას,ელექტრონულ აუქციონში გამარჯვების დამადასტურებელი ოქმის საფუძველზე 15 კალენდარული დღის ვადაში, ფორმდება  აუქციონატორსა და აუქციონში გამარჯვებულს შორის წერილობითი ნასყიდობის ხელშეკრულება. ელექტრონულ აუქციონში გამარჯვებული პირი ხელშეკრულების გაფორმებიდან  15  კალენდარული დღის ვადაში იხდის შეძენილი ქონების სრულ საპრივატიზებო საფასურს.

       აუქციონის პირობად განისაზღვროს შემდეგი: პრივატიზაციიდან 2 (ორი) წლის ვადაში მოხდეს მიწის ნაკვეთის განაშენიანება და აშენებული ობიექტის ექსპლუატაციაში მიღება. მიწის ნაკვეთზე გადის კომპანიის ბალანსზე რიცხული D=315 მმ წყალსადენის ქსელი, რომლის გადატანაც დღეის მდგომარეობით შეუძლებელია. საკუთრების უფლების რეგისტრაციის შემთხვევაში, აღნიშნული მილების შეუფერხებელი ექსპლუატაციის მიზნით, აუცილებელია სანიტარული ზოლის გამოყოფა სერვიტუტის უფლებით, მილის კედლიდან ორივე მხარეს 3-3 მეტრის დაშორებით. აუქციონის პირობას წარმოადგენს მიწის ნაკვეთის ზემოთ აღნიშნულ ნაწილზე (მილსადენის ექსპლუატაციისათვის საჭირო არეალზე) შპს ,,საქართველოს გაერთიანებული წყალმომარაგების კომპანიის" სასარგებლოდ წარმოიშვას უსასყიდლო სერვიტუტის უფლება, საჯარო რეესტრში აღნიშნული უფლების რეგისტრაციით, მილსადენის ექსპლუატაციის ვადით.

        თუ ელექტრონული აუქციონი არ შედგა იმ მიზეზით, რომ ელექტრონულ აუქციონში რეგისტრირებული პირები, რომლებმაც აუქციონში მონაწილეობის მისაღებად, დადგენილი წესით, გადაიხადეს „ბე“ ან წარადგინეს/გააქტიურეს (ელექტრონულად) უპირობო და გამოუხმობი საბანკო გარანტია, არ მიიღებენ მონაწილეობას ვაჭრობაში, ელექტრონული აუქციონის მონაწილეების მიერ აუქციონში მონაწილეობისათვის გადახდილი „ბე“ ან წარდგენილი/გააქტიურებული (ელექტრონულად) უპირობო და გამოუხმობი საბანკო გარანტია სრულად ირიცხება მუნიციპალიტეტის ბიუჯეტში.

         ქონების პრივატიზება ხორციელდება ,,მუნიციპალიტეტის ქონების პრივატიზების, სარგებლობისა და მართვის უფლებებით გადაცემის,საპრივატიზებო საფასურის, საწყისი საპრივატიზებო საფასურის, ქირის საფასურის, ქირის საწყისი საფასურის განსაზღვრის და ანგარიშსწორების წესების დამტკიცების შესახებ" საქართველოს მთავრობის 2014 წლის 8 დეკემბრის #669 დადგენილების საფუძველზე.

             საკონტაქტო პირი: ეკატერინე კაპანაძე 599 85 18 79

აუქციონში მონაწილე პირებისათვის საგარანტიო თანხების დაბრუნება/ჩამოჭრის შესახებ ინფორმაციის მისაღებად, გთხოვთ, მიმართოთ განმკარგველ ორგანიზაციას.