დამატებითი ინფორმაციისათვის დაუკავშირდით საკონტაქტო პირს.

საკონტაქტო პირი: ლევან კაპანაძე - 577335828

სსიპ - თბილისის კლასიკური გიმნაზია აცხადებს ელექტრონულ აუქციონს და იჯარის ფორმით გაიცემა სკოლის სკოლის 230.80კვ. მეტრი ფართის მქონე სააქტო დარბაზი, მასზე განთავსებული ინვენტარიანად ნებადართული საქმიანობების განხორცილების მიზნით.

ვაჭრობის საწყისი თანხა წარმოადგენს ყოველთვიურ ქირას (კომუნალური გადასახადები, რომელიც დათვლილია დამოუკიდებელი აუდიტორის მიერ შესულია გადასახადში). 

ფართი იჯარის ფორმით გაიცემა 3 ( სამი) წლის ვადით, საათობრივად. კერძოდ: სამშაბათს, პარასკევს და კვირას 20.00-დან 21.00სთ-მდე პერიოდში (ხელშეკრულების მოქმედების პერიოდში, გიმნაზიის ინტერესებიდან გამომდინარე, მხარეტა შეთანხმების საფუძველზე, შესაძლებელია მოხდეს საათების გადაწევა).

მოიჯარე ვალდებულია, მეიჯარესთან შეთანხმების საფუძველზე, განახორციელოს ინვესტიცია (სააქტო დარბაზის თანამედროვე ინვენტარით აღჭურვა, არსებულის შეკეთება-რეაბილიტაცია) არაუმეტეს 18 000 (თვრამეტი ათასი) ლარის ოდენობისა, რომლის ხანგრძლივობა არ უნდა აღემატებოდეს 3 თვეს. ამასთან, ინვესტიციის განხორციელებისთანავე წარმოადგინოს სსიპ ლევან სამხარაულის სახელობის სასამართლო ექსპერტიზის ეროვნული ბიუროს ან სხვა აკრედიტებული დაწესებულების მიერ გაცემული დასკვნა ფაქტიურად გაწეული ინვესტიციის (შესრულებული სამუშაოებისა და შეძენილი ინვენტარის) თაობაზე, რაც გახდება მოიჯარის მიერ გაწეული ხარჯის საიჯარო ქირიდან (მხარეთა შეთანხმებით, თანაბარწილად თვეების მიხედვით) გამოქვითვის საფუძველი.

ყოველი საიჯარო წლის გასვლისას, გიმნაზიის ინიციატივით, დამოუკიდებელი აუდიტორის დასკვნის საფუძველზე, შესაძლებელია განხორციელდეს საიჯარო გადასახადის ცვლილება.

თუ ელექტრონული აუქციონი არ შედგა იმ მიზეზით, რომ აუქციონში რეგისტრირებული პირები არ მიიღებენ მონაწილეობას სააუქციონო ვაჭრობაში, ელექტრონული აუქციონის მონაწილეების  მიერ  წარდგენილი უპირობო და გამოუხმობი საბანკო გარანტიის/ბეს  თანხა  სრულად  უბრუნდება მოიჯარეებს;

ელექტრონული აუქციონის შედეგები უქმდება და გამარჯვებულის მიერ წარმოდგენილი უპირობო და გამოუხმობი საბანკო გარანტიის /ბეს  თანხა  სრულად  ირიცხება  სკოლის  ბიუჯეტში,  თუ  ელექტრონულ  აუქციონში გამარჯვებულმა ხელშეკრულების ხელმოწერაზე უარი განაცხადა;

მოიჯარეს სკოლის დირექციასთან შეთანხმების გარეშე ეკრძალება რაიმე სახის ელ. მოწყობილოებების შეტანა, რაც გამოიწვევს მის მიერ მოხმარებული ელ. ენერგიის გადასახადის მნიშვნელოვან ზრდას. მოიჯარის საქმიანობა უნდა იქნეს შეთანხმებული მეიჯარესთან. 

მოიჯარე ვალდებულია დაიცვას სანიტარული, უსაფრთხოების  და ხანძარსაწინააღმდეგო  ნორმები.   ასევე ვალდებულია ხელი არ შეუშალოს სასწავლო პროცესის მიმდინარეობას.

აუქციონში გამარჯვებული ვალდებულია იჯარასთან დაკავშირებით წარმოშობილი უფლება ვალდებულებები დაარეგისტრიროს საჯარო რეესტრში. (ამასთან უზრუნველყოს იჯარის ხელშეკრულების რეგისტრაციის საფასურის გადახდა)

აუცილებელი პირობაა: სსიპ ,,სახელმწიფო ქონების ეროვნული სააგენტოს" წერილობითი მოთხოვნიდან არაუმეტეს  ორი კვირის ვადაში გაუქმებული იქნება საიჯარო ხელშეკრულება.