გაქირავების შემთხვევაში აღნიშნულ ფართზე მოყვანილი იქნება ერთწლიანი კულტურები, რომელიც მოუტანს ქვემო ხვითის საჯარო სკოლას დამატებით შემოსავალს. ღირებულების დადგენის პერიოდში აღნიშნულ რეგიონში ერთი ჰექტრის ქირის ღირებულება შეადგენს 350 /სამას ორმოცდაათ/ლარს ე.ი. 23204 კვ.მ გაქირავების შემთხვევაში წლიური საწყისი საიჯარო ქირა იქნება 812 /რვაას თორმეტი/ ლარი (23204*350 ლარი). ხოლო ორი წლის გაქირავების შემთხვევაში საჯარო სკოლის შემოსავალი იქნება 1624 (ათას ექვსას ოცდაოთხი) ლარი. 

    ამასთან, გთხოვთ გაითვალისწინოთ, რომ გრძელვადიანი იჯარის შემთხვევაში, მიზანშეწონილია საჯარო სკოლას გააჩნდეს შესაძლებლობა დამოუკიდებელი აუდიტის (ექსპერტის) დასკვნის საფუძველზე შეიტანოს იჯარის ყოველწლიურ/ყოველთვიურ გადასახად თანხაში შესაბამისი ცვლილებები. ასევე, გთხოვთ გაითვალისწინოთ, რომ სარგებლობაში გაცემის საფასური უნდა განისაზღვროს საქართველოს მთავრობის 2013 წლის 10 დეკემბრის #328 დადგენილების მე-5 მუხლის შესაბამისად. 

    ზემოთ აღნიშნული ფართის/ფართების სარგებლობაში გაცემიდან 10 (ათი) დღის ვადაში უნდა წარმოადგინოთ შემდეგი დოკუმენტაცია, კერძოდ: 

1. საქართველოს განათლების, მეცნიერების, კულტურისა და სპორტის სამინისტროს და სსიპ სახელმწიფო ქონების ეროვნული სააგენტოს მიერ ფართის იჯარის ფორმით სარგებლობაში გაცემის თანხმობები.

2. აუქციონის გამოცხადებისა და დასრულების შემცველი დოკუმენტი.

3. იჯარის ხელშეკრულება.

4. დამოუკიდებელი აუდიტის (ექსპერტის) დასკვნა.

თუ ელექტრონული აუქციონი არ შედგა იმ მიზეზით, რომ ელექტრონულ აუქციონში რეგისტრირებულიპირები, რომლებმაც აუქციონში მონაწილეობის მისაღებად, დადგენილი წესით, გადაიხადეს „ბე“ ანწარადგინეს/გააქტიურეს (ელექტრონულად) უპირობო და გამოუხმობი საბანკო გარანტია, არ მიიღებენ მონაწილეობას ვაჭრობაში, ელექტრონული აუქციონის მონაწილეების მიერ აუქციონში მონაწილეობისათვისგადახდილი „ბე“ ან წარდგენილი/გააქტიურებული (ელექტრონულად) უპირობო და გამოუხმობი საბანკოგარანტია სრულად ირიცხება სკოლის ბიუჯეტში. 

აუქციონში მონაწილე პირებისათვის საგარანტიო თანხების დაბრუნება/ჩამოჭრის შესახებ ინფორმაციის მისაღებად, გთხოვთ, მიმართოთ განმკარგველ ორგანიზაციას.