„უძრავ ქონებაზე“ განსახორციელებელი ინვესტიციის დაახლოებითი მოცულობა იქნება 40 000 000 აშშ დოლარი;

„მყიდველი“ ვალდებულია: განხორციელებული ინვესტიციის შედეგად „უძრავ ქონებაზე“ საკუთრების უფლების გადასვლიდან 12 თვის ვადაში, შექმნას სამუშაო ადგილები და უზრუნველყოს არანაკლებ 500 საქართველოს მოქალაქის დასაქმება არანაკლებ 10 წლის განმავლობაში; „უძრავ ქონებაზე“ საკუთრების უფლების გადასვლიდან 12 თვის ვადაში, დაიწყოს და 10 წლის განმავლობაში უზრუნველყოს ტვირთის გადაზიდვა სს „საქართველოს რკინიგზის“ ან/და მის მიერ მითითებული ნებისმიერი იურიდიული პირის მეშვეობით, რომლის მოცულობაც წელიწადში იქნება არანაკლებ 120 000 ტონა; ნასყიდობის ხელშეკრულების გაფორმებიდან არაუგვიანეს ერთი თვის ვადაში, საკუთარი სახსრებით განახორციელოს გეოლოგიური კვლევა მიწის ნაკვეთზე სილიკო მანგანუმის ქერქული ნარჩენის მარაგის არსებობის დადგენის მიზნით და აღნიშნული გეოლოგიური დასკვნა წარუდგინოს სსიპ „წიაღის ეროვნულ სააგენტოს“ და სს „საქართველოს რკინიგზას“; შეასრულოს სსიპ "წიაღის ეროვნული სააგენტოს" მიერ, შესაბამისი გეოლოგიური დასკვნის წარდგენის შედეგად განსაზღვრული ყველა ვალდებულება; საინვესტიციო ვალდებულებების სრულად და ჯეროვნად შესრულებამდე, „გამყიდველის “ წინასწარი წერილობითი თანხმობის გარეშე, „მყიდველს“ ეკრძალება ნასყიდობის საგნის სრულად და/ან ნაწილობრივ განკარგვა (მათ შორის გაყიდვა და/ან გაჩუქება ან/და რაიმე ვალდებულების უზრუნველსაყოფად იპოთეკით ან/და სხვა რაიმე სანივთო-სამართლებრივი უფლებით დატვირთვა (უზუფრუქტი, სერვიტუტი, აღნაგობა)), აღნიშნული შეზღუდვები დარეგისტრირდება სსიპ "საჯარო რეესტრის ეროვნული სააგენტოს" ამონაწერის შესაბამის გრაფაში.