განსაკუთრებული პირობები:

Ø  შეძენილი ქონების საფასურის (აუქციონზე დაფიქსირებული საბოლოო ფასი, გადახდილი „ბე“-ს გამოკლებით) გადახდის ვადა: აუქციონის დასრულებიდან - 10 კალენდარული დღე;

Ø  ნასყიდობის ხელშეკრულების გაფორმების ვადა: აუქციონის დასრულებიდან - 1 (ერთი) თვე, (შეძენილი ქონების საფასურის სრულად გადახდის შემთხვევაში);

Ø  ქონების გატანის, საჭიროებისას შეკეთების, აუცილებელი საბუთების გაფორმების და ამასთან დაკავშირებული ხარჯების ანაზღაურებას უზრუნველყოფს მყიდველი (აუქციონში გამარჯვებული პირი);

Ø  ქონების გატანის პროცესში მყიდველმა უნდა უზრუნველყოს უსაფრთხოების ნორმების დაცვა (მათ შორის გარემოსდაცვითი და ხანძარსაწინააღმდეგო უსაფრთხოების ნორმების დაცვა), რომელთა დარღვევის შედეგად წარმოშობილი ზიანის ანაზღაურების პასუხისმგებლობა ეკისრება მყიდველს;

Ø  შეძენილი ვაგონების ადგილზე დაჭრისა თუ უტილიზაციის შემთხვევაში, მყიდველი ვალდებულია გაიტანოს დარჩენილი ნარჩენები და გაასუფთაოს ტერიტორია;

Ø  ქონების გატანა ”მყიდველმა” (აუქციონში გამარჯვებული პირი) უნდა მოახდინოს ”გამყიდველის” წარმომადგენლის  თანდასწრებით, ამასთან უზრუნველყოს მისი ქონების ადგილმდებარეობამდე ტრანსპორტირება;

Ø  ქონების  გატანასთან  დაკავშირებული  პროცედურები (ტრანსპორტირება და სხვა) უნდა განხორციელდეს მხოლოდ სამუშაო დღეებში 9:00 საათიდან - 17:00 საათამდე;

Ø  ქონების გატანის ვადა - ხელშეკრულების გაფორმებიდან -  3 (სამი) თვე;

Ø  ქონების გატანის ვადების დარღვევის შემთხვევაში პირგასამტეხლოს ოდენობა - ყოველ ვადაგადაცილებულ დღეზე ხელშეკრულების საგნის  თითოეული გასატანი ერთეულის ღირებულების 0,1 %;

Ø  მყიდველთან გაფორმდება ხელშეკრულება, არსებითად თანდართული სახით (იხილეთ მიმაგრებული ფაილი), რომელიც აუქციონის პირობების განუყოფელი ნაწილია;

Ø  რეკომენდებულია ვაგონების შესყიდვამდე მოხდეს მათი ადგილზე დათვალიერება.

საბანკო რეკვიზიტები:

შეძენილი ქონების დარჩენილი ღირებულება (აუქციონზე დაფიქსირებული საბოლოო ფასი, გადახდილი „ბე“-ს გამოკლებით) უნდა ჩაირიცხოს შპს „ჯიარ ქონების მართვა“-ს საბანკო ანგარიშზე:

თიბისი ბანკი: კოდი TBCBGE22 ანგარიშის ნომერი: GE43TB7182336080100002

დამატებითი ინფორმაციისათვის მოგვმართეთ - შპს ”ჯიარ ქონების მართვა”, მისამართი: ქ. თბილისი, თამარ მეფის გამზირი 15.

ქონების დათვალიერება შესაძლებელია სამუშაო დღეებში 14:00 – 18:00 საათებში, კომპანიასთან წინასწარ შეთანხმებით.