ინტერნეტაუქციონშიგამარჯვებულიპირი, ვალდებულია: 

ა) გამოცხადდეს ნასყიდობის ხელშეკრულებაზე ხელის მოწერის მიზნით სააგენტოში, მისამართზე თბილისი, სანდრო ახმეტელის ქ. N10ა, აუქციონის დასრულებიდან ხუთი სამუშაო დღის ვადაში;

ბ) საკუთარი სახსრებით მოახდინოს შესყიდული მარაგების გატანა მისი განთავსების ადგილიდან ნასყიდობის ხელშეკრულების გაფორმებიდან თხუთმეტი კალენდარული დღის ვადაში;

გ) სრულად დაფაროს შესყიდული მარაგების ღირებულება მარაგების გატანამდე არაუგვიანეს ორი კალენდარული დღისა.

თუ ელექტრონულ აუქციონში მონაწილე ვერ გაიმარჯვებს, მას უპირობო და გამოუხმობი საბანკო გარანტიის/ბეს თანხა უკან უბრუნდება, ხოლო გამარჯვების შემთხვევაში – უპირობო და გამოუხმობი საბანკო გარანტიის/ბეს თანხა ითვლება აუქციონის საბოლოო/შეთავაზებულ ფასში.

ელექტრონულ აუქციონში მონაწილის უპირობო და გამოუხმობი საბანკო გარანტიის/ბეს თანხა უკან დაბრუნებას არ ექვემდებარება, თუ:

ა) ელექტრონულ აუქციონში მონაწილე არ მიიღებს მონაწილეობას ვაჭრობაში და აუქციონი გამოცხადდება შეუმდგარად;

ბ) ელექტრონულ აუქციონში გამარჯვებული დადგენილ ვადაში არ გადაიხდის ელექტრონულ აუქციონზე თავის მიერ დასახელებულ თანხას.

ელექტრონულ აუქციონში მონაწილეს უფლება აქვს მიიღოს მარაგების შესახებ სააგენტოს ხელთ არსებული, კანონმდებლობით დაშვებული, ნებისმიერი ინფორმაცია.

თუ ელექტრონული აუქციონი არ შედგა იმ მიზეზით, რომ ელექტრონულ აუქციონში რეგისტრირებული პირები, რომლებმაც აუქციონში მონაწილეობის მისაღებად, დადგენილი წესით, გადაიხადეს „ბე“ ან წარადგინეს/გააქტიურეს (ელექტრონულად) უპირობო და გამოუხმობი საბანკო გარანტია, არ მიიღებენ მონაწილეობას ვაჭრობაში, ელექტრონული აუქციონის მონაწილეების მიერ აუქციონში მონაწილეობისათვის გადახდილი „ბე“ ან წარდგენილი/გააქტიურებული (ელექტრონულად) უპირობო და გამოუხმობი საბანკო გარანტია სრულად ირიცხება განმკარგავის ბიუჯეტში