აუქციონის დასრულებიდან 15 კალენდარული დღის ვადაში აუქციონატორსა და ქონების შემძენს შორის იდება შესაბამისი წერილობითი ნასყიდობის ხელშეკრულება.

 შემძენი ვალდებულია ქონების სრული ღირებულება სრულად გადაიხადოს ხელშეკრულების გაფორმებიდან  15  კალედარული დღის ვადაში.

  ქონების შემძენი ვალდებულია ქონების ღირებულების  სრულად გადახდიდან 2 თვის ვადაში, (იმ შემთხვევაში თუ ქონება გაჰყავთ საზღვარგარეთ და საჭიროებს საექსპორტო დოკუმენტაციის შეგროვებას)შესაბამისი მიღება-ჩაბარების აქტის გაფორმების შემდგომ, გაიყვანოს ზღვის ლომები  ტერიტორიიდან. იმ შემთხვევაში თუკი წერილობითი მომართვის საფუძველზე ქონების შემძენი აუქციონატორს თხოვს დამატებით ვადას ქონების გაყვანისთვის, იგი ვალდებულია აუქციონატორს აუნაზღაუროს ქონების შენახვის ხარჯები,  წინააღმდეგ შემთხვევაში, გაუქმდება აუქციონის შედეგები და საპრივატიზებო საფასური დაუბრუნდება ქონების  შემძენს, ხოლო წინასწარ გადახდილი „ბე“ რჩება აუქციონატორის საკუთრებად;

 იმ შემთხვევაში თუკი ქონების შემძენს ზღვის ლომები გაჰყავს საზღვარგარეთ  აუქციონატორი იღებს ვალდებულებას მისი უფლებამოსილების ფარგლებში დაეხმაროს მას საქართველოს კანონმდებლობით გათვალისწინებული საექსპორტო დოკუმენტაციის შეგროვებაში;

ქონების შემძენი ვალდებულია იმოქმედოს  ცხოველთა დაცვის შესახებ შიდა და საერთაშორისო კანონმდებლობის სრული დაცვით და სამხრეთ ამერიკული ზღვის ლომების  (ქონების) ტრანსპორტირებისას არ დააღვიოს ტრანსპორტირების ნორმატიული სტანდარტები (IATA-ს  წესები).

ქონების შემძენმა ხელშეკრულების   გაფორმების პროცესში უნდა წარმოადგინოს დოკუმენტაცია (ფოტო, ცნობა  ან/და  სხვა სახის მტკიცებულებები), რაც დაადასტურებს, რომ მას გააჩნია ცხოველების განსათავსებლად შესაბამისი გარემო და სპეციალისტები (ვეტ. პერსონალი)