აუქციონი ქცია-ტაბაწყურის აღკვეთილში მდებარე სახელმწიფო საკუთრებაში არსებული არასასოფლოსამეურნეო დანიშნულების მიწის ნაკვეთიდან 14700 კვ. მ. მიწის ნაკვეთის (უძრავი ნივთის საკადასტრო კოდი 63.07.51.028) (თანდართული სიტუაციური ნახაზის შესაბამისად) აღნაგობის უფლებით გაცემის თაობაზე  

1. აუქციონში გამარჯვებული ვალდებულია: 

ა) შესაბამისი ხელშეკრულების გაფორმებიდან 4 (ოთხი) წლის ვადაში უზრუნველყოს ახალქალაქის რაიონში, ბარალეთში, ქცია-ტაბაწყურის აღკვეთილში მდებარე სახელმწიფო საკუთრებაში არსებული არასასოფლო-სამეურნეო დანიშნულების მიწის ნაკვეთიდან 14700 კვ. მ. მიწის ნაკვეთზე (უძრავი ნივთის საკადასტრო კოდი 63.07.51.028) (თანდართული სიტუაციური ნახაზის შესაბამისად) დასასვენებელი კომპლექსის მოწყობა, რომელიც მოიცავს (მაგრამ შესაძლოა არ შემოიფარგლებოდეს) 25 (ოცდახუთი) ერთეულ კოტეჯს და ბავშვთა გასართობ მოედანს, სსიპ - დაცული ტერიტორიების სააგენტოსთან წინასწარ შეთანხმებული რენდერის შესაბამისად;

ბ) ამ პუნქტის „ა“ ქვეპუნქტით გათვალისწინებული ინფრასტრუქტურის მოსაწყობად განახორციელოს არანაკლებ 2 000 000 (ორი მილიონი) ლარის ინვესტიცია ხელშეკრულების ხელმოწერიდან 4 (ოთხი) წლის განმავლობაში;

გ) ამ პუნქტის „ბ“ ქვეპუნქტით ნაკისრი საინვესტიციო ვალდებულებების შესრულების უზრუნველსაყოფად ელექტრონული გზით აუქციონის შედეგების შესახებ ინფორმაციის მიღებიდან 15 კალენდარული დღის განმავლობაში წარმოადგინოს უპირობო და გამოუხმობი საბანკო გარანტია, მთლიანი საინვესტიციო თანხის (2 000 000 (ორი მილიონი ლარი)) 10%-ის ოდენობით, რომლის მოქმედების ვადაც არანაკლებ 4 (ოთხი) თვით უნდა აღემატებოდეს საინვესტიციო ვალდებულებების შესრულების ვადას;

დ) ამ პუნქტის „ა“ ქვეპუნქტით გათვალისწინებული ინფრასტრუქტურული სამუშაოების დაწყებამდე უზრუნველყოს ზურმუხტის ქსელზე შეფასების დოკუმენტის მომზადება. 

2. ხელშეკრულების ვადის დასრულების და/ან აღნაგობის უფლების მქონე პირის ბრალეული ქმედების გამო ვადამდე შეწყვეტის შემთხვევაში ობიექტზე მოწყობილი ინფრასტრუქტურა ყოველგვარი ანაზღაურებისა და კომპენსაციის გადახდის გარეშე რჩება სახელმწიფო საკუთრებაში.

3. ინვესტიციის მოცულობა დადასტურებულ უნდა იქნეს სსიპ - ლევან სამხარაულის სახელობის სასამართლო ექსპერტიზის ეროვნული ბიუროს საექსპერტო ან „ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონის მე-14 მუხლის მე-7 პუნქტით განსაზღვრული აუდიტორული ფირმის მიერ გაცემული აუდიტორული დასკვნის საფუძველზე.

4. მხარეთაგან დამოუკიდებელი მიზეზების გამო პირველი პუნქტის „ა“ ქვეპუნქტით გათვალისწინებული ინფრასტრუქტურის მოწყობის შეუძლებლობის შემთხვევაში აღნაგობის უფლების მქონე პირი არ არის უფლებამოსილი მოსთხოვოს სააგენტოს გაწეული ხარჯების ანაზღაურება; 

5. საწყისი სააუქციონო ფასი განისაზღვრა წელიწადში 5000 (ხუთი ათასი) ლარის ოდენობით.

6. უპირობო და გამოუხმობადი საბანკო გარანტიის/ბეს ოდენობა განისაზღვრა 1 500 (ათას ხუთასი) ლარის ოდენობით (ბე უკან დაბრუნებას არ ექვემდებარება თუ მონაწილე არ მიიღებს მონაწილეობას ვაჭრობაში).

7.აუქციონის ბიჯის სიდიდე განისაზღვრა 1000 (ათასი) ლარის ოდენობით.

აუქციონში მონაწილე პირებისათვის საგარანტიო თანხების დაბრუნება/ჩამოჭრის შესახებ ინფორმაციის მისაღებად, გთხოვთ, მიმართოთ განმკარგველ ორგანიზაციას.