1. აუქციონში დამარცხებულ მონაწილეს ბე/უპირობო და გამოუხმობი საბანკო გარანტია დაუბრუნდება  აუქციონის ჩატარების დღიდან არაუგვიანეს 7 კალენდარული დღის ვადაში.

2. თუ აუქციონი არ შედგა იმ მიზეზით, რომ აუქციონზე რეგისტრირებულმა პირმა, რომელმაც გადაიხადა ბე ან/და წარმოადგინა უპირობო და გამოუხმობი საბანკო გარანტია, არ მიიღო მონაწილეობა სააუქციონო ვაჭრობაში, მის მიერ წარდგენილი უპირობო და გამოუხმობი საბანკო გარანტიის/გადახდილი ბეს თანხა ირიცხება შესაბამის ბიუჯეტში.

3. სახელმწიფო ქონების პრივატიზების/რეალიზაციის მიზნით გამოცხადებულ აუქციონში  გამარჯვებული პირის მიერ აუქციონში მონაწილეობის მისაღებად წარდგენილი უპირობო და გამოუხმობი საბანკო გარანტიის/გადახდილი ბეს თანხა ირიცხება შესაბამის ბიუჯეტში შემდეგ შემთხვევებში: ა) აუქციონში გამარჯვებულმა პირმა დადგენილ ვადაში სრულად არ გადაიხადა ქონების საპრივატიზებო/სარეალიზაციო საფასური (თუ აუქციონის პირობა მხოლოდ საპრივატიზებო/ სარეალიზაციო საფასურის გადახდა იყო); ბ) დადგენილ ვადაში არ გაფორმდა შესაბამისი ხელშეკრულება; გ) აუქციონში გამარჯვებულმა პირმა დადგენილ ვადაში არ წარადგინა შესაბამისი ხელშეკრულებით გათვალისწინებული ვალდებულებების უზრუნველსაყოფად წარსადგენი უპირობო და გამოუხმობი საბანკო გარანტია; დ) აუქციონში გამარჯვებული პირი დადგენილ ვადაში არ უზრუნველყოფს მოძრავი ქონების გატანას; ე) აუქციონში გამარჯვებულმა პირმა დაარღვია აუქციონში მონაწილეობის „სახელმწიფო ქონების შესახებ” საქართველოს კანონით და „სახელმწიფო ქონების განკარგვისას და სარგებლობის უფლებით გადაცემისას ელექტრონული აუქციონის ჩატარების წესის დამტკიცების შესახებ“ საქართველოს ეკონომიკისა და მდგრადი განვითარების მინისტრის 2011 წლის 10 თებერვლის №1-1/172 ბრძანებით დამტკიცებული წესით გათვალისწინებული პირობები.       ინტერნეტ აუქციონში გამარჯვებული პირი, ვალდებულია: 10 კალენდარული დღის ვადაში გადაიხადოს შეძენილი ქონების სრული საფასური. წინააღმდეგ შემთხვევაში გადახდილი საგარანტიო თანხა უკან აღარ დაუბრუნდება. თანხის სრულად გადახდის დღიდან, საკუთარი სახსრებით 10 კალენდარული დღის ვადაში უზრუნველყოს შეძენილი ქონებისა და ნარჩენების გატანა მისი განთავსების ადგილიდან აუქციონში მონაწილე პირებისათვის საგარანტიო თანხების დაბრუნება/ჩამოჭრის შესახებ ინფორმაციის მისაღებად, გთხოვთ, მიმართოთ განმკარგველ ორგანიზაციას.

   ქონების დათვალიერება შესაძლებელია სააგენტოსთან შეთანხმებით სამუშაო დღეებში 14:00 საათიდან 16:00 საათამდე.