აუქციონის ტიპი - პირობიანი

ა) საბოლოო საპრივატიზებო საფასურის გადახდა, მყიდველმა უნდა უზრუნველყოს კანონმდებლობით დადგენილი წესით, ხელშეკრულების გაფორმებიდან 30 კალენდარული დღის ვადაში. ბ) შესაბამისი ნასყიდობის ხელშეკრულების გაფორმებიდან არაუგვიანეს 2 (ორი) თვის ვადაში უპირობო და გამოუხმობი საბანკო გარანტიის წარმოდგენა არანაკლებ 10 000 (ათი ათასი) ლარის ოდენობით, რომლის ვადაც არანაკლებ 2 (ორი) თვით უნდა აღემატებოდეს საინვესტიციო ვალდებულების შესრულების ვადას; გ) შესაბამისი ნასყიდობის ხელშეკრულების გაფორმებიდან არაუგვიანეს 150 დღისა, არქიტექტურული პროექტის მომზადებამდე შესაბამისი საპროექტო ობიექტის ვიზუალური ესკიზის (4 მხრიდან ხედი მოცულობაში, საპროექტო ობიექტ(ებ)ის გაბარიტების, ფასადის მოსაპირკეთებელი მასალების ჩვენებით) მუნიციპალიტეტის მერიაში შესათანხმებლად წარმოდგენა; დ) შესაბამისი ნასყიდობის ხელშეკრულების გაფორმებიდან არაუგვიანეს 300 დღისა საკუთრებაში გადაცემულ მიწის ნაკვეთებზე განსათავსებელი შენობა-ნაგებობ(ებ)ის, რომელიც შეიძლება იყოს არანაკლებ 15 (ხუთმეტი) ნომრიანი სასტუმრო, მრავალბინიანი საცხოვრებელი კორპუსი, საცხოვრებელი ან სასტუმრო კომპლექსი, (შენობა -ნაგებობ(ებ)ის სიმაღლე შესაძლოა იყოს არაუმეტეს 5 სრული სართული) მშენებლობის ნებართვის მიღება; ე) შესაბამისი ნასყიდობის ხელშეკრულების გაფორმებიდან არაუგვიანეს 3 წლისა, შენობა- ნაგებობ(ებ)ის, რომელიც შეიძლება იყოს არანაკლებ 15 (ხუთმეტი) ნომრიანი სასტუმრო, მრავალბინიანი საცხოვრებელი კორპუსი, საცხოვრებელი ან სასტუმრო კომპლექსი,ექსპლუატაციაში გადაცემა/ამოქმედება, სადაც დასაქმებულთა არანაკლებ 90% უნდა შეადგენდეს საქართველოს მოქალაქეებს; ვ) დასაქმებულთა თანაფარდობისა და პროფილის შენარჩუნება ობიექტის ამოქმედებიდან არანაკლებ 15 (თხუთმეტი) წლის განმავლობაში; თ) აღნიშნულ პროექტში არანაკლებ 500 000 (ხუთასი ათასი) ლარის ინვესტიციის განხორციელება.

საკუთრების დამადასტურებელი მოწმობის გაცემიდან 10 კალენდარული დღის ვადაში მყიდველმა უნდა გაიტანოს შეძენილი ქონება გამყიდველის ტერიტორიიდან. გადაფორმების და რეგისტრაციის ხარჯები ეკისრება შემძენს.

თუ ელექტრონული აუქციონი არ შედგა იმ მიზეზით, რომ ელექტრონულ აუქციონში რეგისტრირებული პირები, რომლებმაც აუქციონში მონაწილეობის მისაღებად, დადგენილი წესით, გადაიხადეს „ბე“ ან წარადგინეს/გაააქტიურეს (ელექტრონულად) უპირობო და გამოუხმობი საბანკო გარანტია, არ მიიღებენ მონაწილეობას ვაჭრობაში, ელექტრონული აუქციონის მონაწილეების მიერ აუქციონში მონაწილეობისათვის გადახდილი „ბე“ ან წარდგენილი/გააქტიურებული (ელექტრონულად) უპირობო და გამოუხმობი საბანკო გარანტია სრულად ირიცხება მუნიციპალიტეტის ბიუჯეტში.