საქართველოს მთავრობის 2014 წლის 8 დეკემბრის N669 დადგენილების შესაბამისად (დადგენილება იხილეთ მიმაგრებულ ფაილებში):

მუნიციპალიტეტის ქონების შემძენი - ფიზიკური პირი ან იურიდიული პირი ან ასეთ პირთა გაერთიანება, რომლის ქონებაშიც მუნიციპალიტეტის ან საქართველოს სახელმწიფო ხელისუფლების ორგანოს მონაწილეობის წილი 25 პროცენტზე ნაკლებია.

აუქციონის ტიპი - პირობიანი

ა) საბოლოო საპრივატიზებო საფასურის გადახდა, მყიდველმა უნდა უზრუნველყოს კანონმდებლობით დადგენილი წესით, ხელშეკრულების გაფორმებიდან, 30 კალენდარული დღის ვადაში;

ბ) აუქციონის ჩატარებიდან, 1 (ერთი) თვის ვადში, საინვესტიციო ვალდებულების უპირობო და გამოუხმობი საბანკო გარანტიის წარმოდგენა, არანაკლებ 10 000 (ათი ათასი) ლარის ოდენობით, რომლის ვადაც, არანაკლებ, 4 (ოთხი) თვით უნდა აღმატებოდეს საივესტიციო ვალდებულების შესრულების ვადას;

გ) შესაბამისი ნასყიდობის ხელშეკრულების გაფორმებიდან, არაუგვიანეს 180 (ას ოთხმოცი) დღისა, არქიტექტურული პროექტის, მუნიციპალიტეტის მერიაში შესათანხმებლად წარმოდგენა;

დ) შესაბამისი ნასყიდობის ხელშეკრულების გაფორმებიდან, არაუგვიანეს 300 (სამასი) დღისა, საკუთრებაში გადაცემულ მიწის ნაკვეთებზე განსათავსებელი შენობა-ნაგებობ(ებ)ის, რომელიც შეიძლება იყოს: სასტუმრო, მრავალბინიანი საცხოვრებელი კორპუსი; საცხოვრებელი ან სასტუმრო კომპლექსი; სავაჭრო ობიექტი (გარდა სამშენებლო მასალების). (შენობა-ნაგებობ(ებ)ის სიმაღლე, შესაძლოა იყოს არაუმეტეს 5 (ხუთი) სრული სართული) მშენებლობის ნებართვის მიღება;

ე) შესაბამისი ნასყიდობის ხელშეკრულების გაფორმებიდან, არაუგვიანეს 5 წლისა, შენობა-ნაგებობ(ებ)ის , რომელიც შეიძლება იყოს სასტუმრო,მრავალბინიანი საცხოვრებელი კორპუსი; საცხოვრებელი ან სასტუმრო კომპლექსი; სავაჭრო ობიექტი (გარდა სამშენებლო მასალების) ექსპლოატაციაში გადაცემა/ამოქმედება, სადაც დასაქმებულთა არანაკლებ 90%-სა, უნდა შეადგენდეს საქართველოს მოქალაქეებს;

ვ) დასაქმებულთა თანაფარდობისა და პროფილის შენარჩუნება, ობიექტის ამოქმედებიდან, არანაკლებ 15 (თხუთმეტი) წლის განმავლობაში;

თ) აღნიშნულ პროექტში, არანაკლებ 100 000 (ასი ათასი) ლარის ინვესტიციის განხორციელება.

თუ ელექტრონული აუქციონი არ შედგა იმ მიზეზით, რომ ელექტრონულ აუქციონში რეგისტრირებული პირები, რომლებმაც აუქციონში მონაწილეობის მისაღებად, დადგენილი წესით, გადაიხადეს „ბე“ ან წარადგინეს/გაააქტიურეს (ელექტრონულად) უპირობო და გამოუხმობი საბანკო გარანტია, არ მიიღებენ მონაწილეობას ვაჭრობაში, ელექტრონული აუქციონის მონაწილეების მიერ აუქციონში მონაწილეობისათვის გადახდილი „ბე“ ან წარდგენილი/გააქტიურებული (ელექტრონულად) უპირობო და გამოუხმობი საბანკო გარანტია სრულად ირიცხება მუნიციპალიტეტის ბიუჯეტში.