აუქციონში მონაწილეობის მიღებამდე და სარეალიზაციო ობიექტების შესახებ დამატებითი ინფორმაციის მისაღებად,  რეკომენდირებულია დაუკავშირდეთ კორპორაციის ქონების მართვის დეპარტამენტის უფროსს ვახტანგ ხუტუაშვილს ტელ: 224 40 40 / 514 მობ: 595 223 233 და კორპორაციის წარმომადგენელთან ერთად ადგილზე დათვალიერდეს სარეალიზაციო ქონება;

საწყობში განლაგებული მეორადი/დემონტირებული მილების ელექტრონულ აუქციონზე რეალიზაციის პირობები

1.       ელექტრონულ აუქციონში მონაწილე პირს უფლება აქვს:

ა) აუქციონში მონაწილეობის მიღებამდე გამოითხოვოს სარეალიზაციო ქონებასთან დაკავშირებული, კორპორაციის ხელთ არსებული ინფორმაცია;

ბ) კორპორაციის წარმომადგენელთან ერთად ადგილზე დაათვალიეროს სარეალიზაციო ქონება;

2.       ელექტრონულ აუქციონში გამარჯვებულ ფიზიკურ ან იურიდიულ პირსა და სს ,,საქართველოს ნავთობისა და გაზის კორპორაციას“ შორის ნასყიდობის ხელშეკრულება (www.eauction.ge-ის საიტზე განთავსებული პროექტის შესაბამისად) გაფორმდება ელექტრონული აუქციონის დასრულებიდან 10 (ათი) კალენდარული დღის განმავლობაში;

3.       თუ აუქციონში გამარჯვებული, ფიზიკურ ან იურიდიული პირი დადგენილ ვადებში არასაპატიო მიზეზით არ გააფორმებს ხელშეკრულებას სს ,,საქართველოს ნავთობისა და გაზის კორპორაციასთან“ აუქციონში გამარჯვებულს ერთმევა (უუქმდება) გამარჯვებულის სტატუსი და მის მიერ გადახდილი ბე-ს თანხა სრულად დარჩება კორპორაციას;

4.       ნასყიდობის ხელშეკრულების გაფორმებიდან 15 (თხუთმეტი) კალენდარული დღის განმავლობაში სრულად უნდა იქნეს გადახდილი ქონების ღირებულება. აღნიშნულის შემდეგ, ,,მყიდველს“ მიენიჭება საწყობიდან ,,ქონების“ ფაქტიურად გატანის უფლებამოსილება;

5.       ელექტრონულ აუქციონში გამარჯვებული ქონებაზე საკუთრების უფლებას მოიპოვებს მიღება-ჩაბარების აქტის გაფორმების შემდეგ;

6.       აუქციონში გამარჯვებულივალდებულია „კორპორაციასთან“ წინასწარ შეათანხმოს შეძენილი ქონების საწყობიდან გატანის დრო;

7.       აუქციონში გამარჯვებული ,,მყიდველი“ ვალდებულია, ,,გამყიდველისაგან“ ,,ქონება“ საკუთარი სახსრებით და ძალებით სრულად მიიღოს და გაიტანოს მისი მდებარეობის ადგილიდან  (საწყობიდან) ,,ქონების“ ღირებულების სრულად გადახდიდან 20 კალენდარული დღის განმავლობაში.

8.       აუქციონის ჩატარებასთან დაკავშირებული სხვა პირობები და აუქციონის შედეგებიდან გამომდინარე მხარეთა უფლებამოვალეობანი (რომელსაც არ მოიცავს სააუქციონო განაცხადი და ნასყიდობის ხელშეკრულების პროექტი) დარეგულირდება საქართველოს კანონმდებლობის შესაბამისად.

9.       სარეალიზაციო ობიექტების ადგილმდებარეობის (აღნიშნული ტერიტორიები იმყოფება სს ,,საქართველოს ნავთობისა და გაზის კორპორაციის“ მფლობელობაში) შესახებ ინფორმაცია იხილეთ თანდართულ ფაილებში.

10.   დემონტირებული მილების მითითებული დიამეტრები ეფუძნება მილსადენების მშენებლობისას არსებულ ინფორმაციას, შესაბამისად ექსპლუატაციის პერიოდის გათვალისწინებით, გარკვეულ მონაკვეთები (ბუნებრივი ცვეთის ნორმების ფარგლებში) შესაძლოა იყოს კოროზირებული/გაცვეთილი.

აუქციონში მონაწილე პირებისათვის საგარანტიო თანხების დაბრუნება/ჩამოჭრის შესახებ ინფორმაციის მისაღებად, გთხოვთ, მიმართოთ განმკარგველ ორგანიზაციას.

* მილები განთავსებულია ქ. ლანჩხუთში, აღმაშენებლის ქუჩა N51, კორპორაციის მილსაწყობში.

* ყურადღება! ინტერნეტ აუქციონში მონაწილეობის მისაღებად საგარანტიო თანხის გადახდა შესაძლებელია ვებ-გვერდიდან პლასტიკური ბარათით ან ელექტრონული საბანკო გარანტიის გამოყენებით (ასეთის არსებობის შემთხვევაში) ან eauction.ge-ის ანგარიშსწორების სისტემის სერვისის გამოყენებით (სს "ლიბერთი ბანკის" ნებისმიერ ფილიალში). დაწვრილებითი ინფორმაციისათვის იხილეთ ,,ინფორმაცია გადახდებზე’’ ან დაგვიკავშირდით   სააგენტოს ცხელ ხაზზე: 2 601–601