ფართი გაიცემა  კვების ობიექტის (ბუფეტის) ფუნქციონირების მიზნით 3 წლის ვადით. ფართით სარგებლობა შეუძლია ყოველ დღე შაბათ კვირის გარდა დილის 08:00 საათიდან საღამოს 08:00-მდე. სკოლაში ამჟამად სწავლობს 1630 მოსწავლე. სკოლაში სწავლება მიმდინარეობს ორ ცვლაში. გამარჯვებული ვალდებულია ხელშეკრულება გააფორმოს აუქციონის დასრულებიდან არაუგვიანეს 10 კალენდარული დღისა.

1. სარგებლობაში გადასაცემი ქონების საწყისი საფასური შეადგენს ერთი წლის საიჯარო გადასახადს.

2. ხელშეკრულების სავალდებულო პირობაა სსიპ სახელმწიფო ქონების ეროვნული სააგენტოს მოთხოვნიდან ორი კვირის ვადაში შეწყდეს იჯარის ხელშეკრულება.

3.1. მოიჯარე ვალდებულია: 
3.1.1. გამოიყენოს საიჯარო ქონება მხოლოდ ხელშეკრულებით გათვალისწინებული პირობების შესაბამისად;
3.1.2. სასკოლო კვების ორგანიზებისას გაითვალისწინოს საქართველოს განათლებისა და მეცნიერების  მინისტრის 2017 წლის 5 მაისის N410 ბრძანებით გათვალისწინებული სასკოლო კვების ორგანიზების შესახებ რეკომენდაციები;
3.1.3. დაიცვას  საქართველოს სამოქალაქო კოდექსის, „სახელმწიფო ქონების შესახებ“ საქართველოს კანონის,  ,,ჯანმრთელობის დაცვის შესახებ" საქართველოს კანონის, ,,ჯანსაღი და უსაფრთხო კვება სკოლაში” - საზოგადოებრივი ჯანმრთელობის დაცვის ეროვნული რეკომენდაციის (გაიდლაინის) დამტკიცების თაობაზე“ საქართველოს შრომის, ჯანმრთელობისა და სოციალური დაცვის მინისტრის 2015 წლის 27 ოქტომბრის N01-306/ო ბრძანების, ,,საკვებდანამატების გამოყენების სანიტარული წესებისა და ნორმების დამტკიცების შესახებ" საქართველოს შრომის, ჯანმრთელობისა და სოციალური დაცვის მინისტრის 2001 წლის 16 აგვისტოს N311/ნ ბრძანების, ,,სკოლამდელი და ზოგადსაგანმანათლებლო დაწესებულებების მოწყობის, აღჭურვისა და სამუშაო რეჟიმის სანიტარული წესებისა და ნორმების დამტკიცების შესახებ“ საქართველოს შრომის, ჯანმრთელობისა და სოციალური დაცვის მინისტრის 2001 წლის 16 აგვისტოს N308/ნ ბრძანების, ტექნიკური რეგლამენტების − „სურსათის/ცხოველის საკვების ჰიგიენის ზოგადი წესისა“ და „სურსათის/ცხოველის საკვების ჰიგიენის გამარტივებული წესის“ დამტკიცების თაობაზე საქართველოს მთავრობის 2010 წლის 25 ივნისის №173 დადგენილების, ,,ცხოველური წარმოშობის სურსათის ჰიგიენის სპეციალური წესის შესახებ" საქართველოს მთავრობის 2012 წლის 7 მარტის  №90 დადგენილებისა და  საქართველოს მოქმედი კანონმდებლობის  მოთხოვნები;
3.1.4. გადაიხადოს საიჯარო ქირა ხელშეკრულებით დადგენილი წესითა და ოდენობით;
3.1.5. მოუაროს საიჯარო ქონებას, მკაცრად დაიცვას ხანძარსაწინააღმდეგო და სხვა ტექნიკური უსაფრთხოების წესები, სანიტარული მოთხოვნები, საიჯარო ფართში არსებული მოწყობილობების და ინვენტარის, აგრეთვე არსებული საიჟინრო კომუნიკაციებისა და ქსელების ექსპლოატაციის წესები; 
3.1.6. მიიღოს ყველა აუცილებელი ზომა საიჯარო ქონების  დაზიანების საფრთხისაგან დასაცავად, ხოლო მისი ბრალით გამოწვეული დაზიანების შემთხვევაში დაუყოვნებლივ აცნობოს ამის შესახებ მეიჯარეს და მისი მითითების შესაბამისად, გონივრულ ვადაში აღმოფხვრას დაზიანება თავისი ხარჯებით;
3.1.7. ითმინოს ყველა სახის ზემოქმედება, რომელიც ნებადართულია მეიჯარის მიერ და აუცილებელია საიჯარო ქონების შესანახად ან/და მისი მდგომარეობის გასაუმჯობესებლად,  არ ეწინააღმდეგება მოიჯარის ინტერესებს  და არსებითად არ აფერხებს მის მიერ საიჯარო ქონებით სარგებლობას;
3.1.8. დაუბრკოლებლად შეუშვას მეიჯარე, მისი წარმომადგენელი და მაკონტროლებელი ორგანო საიჯარო ქონების ტერიტორიაზე და საკვების მომზადების ადგილას წინამდებარე ხელშეკრულების პირობების შესრულების, სანიტარული და ტექნიკური პირობების კონტროლის და შემოწმების მიზნით;
3.1.10. გადაიხადოს საიჯარო ქონების  შენახვისა და მოვლა-პატრონობის ხარჯები;
3.1.11. მეიჯარესთან შეთანხმების გარეშე არ განახორციელოს ისეთი ქმედებები, რაც გამოიწვევს საიჯარო ქონების მნიშვნელოვან  ცვლილებას, მათ შორის კაპიტალური რემონტი, მნიშვნელოვანი რეკონსტრუქცია, ფასადის იერსახის შეცვლა და სხვა;
3.1.12. აუნაზღაუროს მეიჯარეს ყოველგვარი ზიანი, რომელიც მიადგება საიჯარო ქონებას მოიჯარის არამართლზომიერი ქმედების შედეგად;
3.1.13. ხელშეკრულების შეწყვეტისას უკან დაუბრუნოს მეიჯარეს საიჯარო ქონება მისი გადაცემის მომენტში არსებულ მდგომარეობაში, ნორმალური ცვეთის გათვალისწინებით; 
3.1.14. მეიჯარის თანხმობის გარეშე არ გასცეს საიჯარო ქონება მესამე პირებზე ქვეიჯარით ან სარგებლობის სხვა ფორმით;
3.1.15. მეიჯარემ დაიცვას სანიტარული და ჰიგიენური წესები, სადაც განთავსებული იქნება მის მიერ შემოტანილი მზა პროდუქტი. (ადგილზე პროდუქტის დამზადება შეუძლებელია)

ფართი არის ახალი გარემონტებული და ფართში არ არის სველი წერტილი (ხელსავანი ნიჟარა) რომელიც მეიჯარემ აუცილებლად უნდა მოაწესრიგოს. ასევე მეიჯარემ უნდა უზრუნველყოს ფართი ინვენტარითა და საჭირო ტექნიკით. საიჯარო ქირა წარმოადგენს ერთი წლის საწყის თანხას. საიჯარო ქირაში შედის ელექტროენერგიის, წყლის და გათბობის გადასახადი.

აუქციონში მონაწილე პირებისათვის საგარანტიო თანხების დაბრუნება/ჩამოჭრის შესახებ ინფორმაციის მისაღებად, გთხოვთ, მიმართოთ განმკარგველ ორგანიზაციას.