ქ. თბილისი, უნივერსიტეტის ქ. N2-ში (საკადასტრო კოდი 01.14.04.028.018) მდებარე უნივერსიტეტის მე-10 (მაღლივი) სასწავლო კორპუსში არსებული 434,08 მ 2 ფართი (მასზე განთავსებული ინვენტარიანად (იხ. დანართი)) და ქ. თბილისი, უნივერსიტეტის ქუჩაზე (საკადასტრო კოდი 01.14.06.006.020) მდებარე უნივერსიტეტის მე-11 (ბიოლოგების) სასწავლო კორპუსში არსებული 37,04 მ 2 (31,23+5,81) ფართი (კვების პროდუქტების მომზადების შეზღუდვით), იჯარის ფორმით, 3 წლის ვადით, საზოგადოებრივი კვების ობიექტის ფუნქციონირების მიზნით.

საწყისი თანხა წარმოადგენს საწყის ყოველთვიურ საიჯარო გადასახადს.

აუქციონში გამარჯვებული პირი (მოიჯარე)::

1. ვალდებულია იჯარის ფორმით აღებულ ფართზე არ დაუშვას ალკოჰოლური სასმელების გაყიდვა;

2.  ვალდებულია უზრუნველყოს მისაწოდებელი კერძების დამზადება ახალი მაღალხარისხიანი ჯანსაღი პროდუქტებისაგან;

3. ვალდებულია დაამზადოს საკვებად ვარგისი და ჯანმრთელობისთვის უვნებელი კერძები (არ უნდა შეუქმნას საფრთხე ადამიანის სიცოცხლეს და ჯანმრთელობას). გარდა სხვა შემთხვევებისა, აღნიშნული პირობების დარღვევის შემთხვევაში მეიჯარე უფლებამოსილია შეწყვიტოს ხელშეკრულება ხელშეკრულებით განსაზღვრული წესის შესაბამისად;

4. ვალდებულია უზრუნველყოს ხელშეკრულების გაფორმება სადეზინფექციო სამსახურთან ჩასატარებული დეზინფექციის, დეზინსექციის და დერატიზაციის შესახებ. ამ სამსახურების მიერ გაცემული დასკვნები ჩატარებული სამუშაოების (თვეში ერთხელ) შესახებ უნდა ინახებოდეს კვების ობიექტებში და საჭიროებისას წარედგინოს მეიჯარეს;

5. ვალდებულია კვების ობიექტზე გამოყენებული ახალი (გაუყინავი) საქონლის ხორცის ეტიკეტირება განახორციელოს 2016 წლის 9 მარტის №118 ტექნიკური რეგლამენტის –,,საქონლის ხორცისა და საქონლის ხორცის პროდუქტების ეტიკეტირების წესის დამტკიცების შესახებ“ შესაბამისად;

6. ვალდებულია კვების ობიექტზე გამოყენებული ნედლეულის შეფუთვა და ეტიკეტირება განახორციელოს 2013 წლის 31 დეკემბრის №441 ტექნიკურ რეგლამენტის –,,სურსათის ეტიკეტირებისადმი დამატებითი მოთხოვნების შესახებ“ შესაბამისად;

7. ვალდებულია იჯარით აღებულ ფართზე გადაიხადოს კომუნალური გადასახადები, რისთვისაც უნდა უზრუნველყოს წყლის და ელექტროენერგიის მრიცხველების განმხოლება/რეგისტრაცია (ცალკე აბონენტად ან ქვეაბონენტად დარეგისტრირება) საკუთარი ხარჯებით; დაიცვას ეკოლოგიური, სანიტარულ–ჰიგიენური და ხანძარსაწინააღმდეგო ნორმები;

8. ვალდებულია საიჯარო ქირის გადახდა აწარმოოს ყოველთვიურად, აუქციონის შედეგად დაფიქსირებული ყოველთვიური გადასახადის შესაბამისად, არაუგვიანეს ყოველი საანგარიშო თვის მომდევნო თვის 10 რიცხვისა;

ასევე:

ა) უნივერსიტეტის სტუდენტური თვითმმართველობის მიერ შერჩეული და წარმოდგენილი, სტუდენტებში ყველაზე მოთხოვნადი საკვები პროდუქციის ნუსხიდან (იხ. დანართი) მინიმუმ 8 დასახელების პროდუქცია უნდა იყოს წარმოდგენილი ყოველდღიურ მენიუში, საიდანაც მინიმუმ 4 დასახელების პროდუქციაზე უნდა ვრცელდებოდეს არანაკლებ 25%-იანი ფასდაკლება;

ბ) მეიჯარის მიერ ხელშეკრულების მოქმედების პერიოდში შესაძლოა დამზადდეს სპეციალური ბარათები სტუდენტებისათვის, რისი მოიჯარისათვის წარდგენაც უნდა გახდეს ზემოხსენებული ფასდაკლების საფუძველი. ბარათების დამზადების შემთხვევაში, მოიჯარეს ეცნობება 1 თვით ადრე;

გ) მოიჯარემ სასწავლო პერიოდის განმავლობაში უნდა იმუშაოს არანაკლებ 8 საათისა;

დ) მოიჯარის მიერ ხელშეკრულების ცალმხრივად შეწყვეტის შემთხვევაში, მოიჯარე ვალდებულია აღნიშნულის შესახებ მეიჯარეს წერილობით აცნობოს არაუგვიანეს 2 თვით ადრე და გადაიხადოს პირგასამტეხლო 2 თვის საიჯარო ქირის ოდენობით;

ე) მოიჯარემ შეძლებისდაგვარად უნდა უზრუნველყოს თსუ სტუდენტებისთვის ხელის შეწყობა, კვების ობიექტში დასაქმებისას.