ქონების ყოველთვიური საწყისი საიჯარო ქირა შეადგენს 15000 (თხუთმეტი ათასი) ლარს დღგ-ს ჩათვლით; ბიჯი - 100 (ასი) ლარი; საგარანტიო თანხა - 3750 (სამი ათას შვიდას ორმოცდაათი) -  ლარი. სარგებლობაში გადაცემის ვადაა 5 (ხუთი) წელი.

აუქციონში გამარჯვებული (მოიჯარე) ვალდებული იქნება საკუთარი ხარჯებით უზრუნველყოს ქონების ექსპლუატაციისათვის გამართულ მდგომარეობაში ყოფნისათვის საჭირო სამუშაოების განხორციელება. ამასთან, ქონების მესაკუთრე - სს ,,საქართველოს ნავთობისა და გაზის კორპორაცია“ არ იქნება ვალდებული აუნაზღაუროს მოიჯარეს ქონების შენახვისათვის და ასევე ქონების გაუმჯობესებაზე გაწეული დანახარჯები.

მოიჯარე ასევე ვალდებული იქნება: ა) ქონების მეშვეობით ნედლი ნავთობის გადატვირთვასთან დაკავშირებული მომსახურება სს ,,საქართველოს ნავთობისა და გაზის კორპორაციას“ გაუწიოს უსასყიდლოდ და კორპორაციისათვის სასურველი გრაფიკით; ბ) „ნავთობისა და გაზის შესახებ“ საქართველოს კანონის შესაბამისად  ინვესტორი კომპანიის სტატუსის მქონე პირებს, ქონების მეშვეობით ნედლი ნავთობის გადატვირთვასთან დაკავშირებული მომსახურება გაუწიოს მათთვის სასურველი გრაფიკით და მინიმალურ ფასად;

საიჯარო თანხის გადახდა განხორციელდება ყოველთვიურად, ყოველი საანგარიშო თვის მომდევნო თვის 10 რიცხვის ჩათვლით.

სს ,,საქართველოს ნავთობისა და გაზის კორპორაციას“ და აუქციონში გამარჯვებულს შორის იჯარის ხელშეკრულება უნდა გაფორმდეს აუქციონის დასრულებიდან 10 (ათი) კალენდარული დღის განმავლობაში. ხელშეკრულების საჯარო რეესტრში რეგისტრაციისათვის საჭირო ხარჯებს გაიღებს აუქციონში გამარჯვებული. 

თუ აუქციონში გამარჯვებული სუბიექტი, აუქციონის დასრულებიდან 10 კალენდარული დღის განმავლობაში არ გააფორმებს  იჯარის ხელშეკრულებას სს ,,საქართველოს ნავთობისა და გაზის კორპორაციასთან" აუქციონში გამარჯვებულს ერთმევა (უუქმდება) გამარჯვებულის სტატუსი და მის მიერ გადახდილი საგარანტიო თანხა სრულად რჩება კორპორციას.

აუქციონში გამარჯვებული ქონებაზე იჯარის უფლებას მოიპოვებს იჯარის ხელშეკრულებაზე ხელმოწერისა და აღნიშნული ხელშეკრულების საფუძველზე იჯარის უფლების სსიპ ,,საჯარო რეესტრის ეროვნულ სააგენტოში" რეგისტრაციის შემდეგ.

აუქციონის ჩატარებასთან დაკავშირებული სხვა პირობები და აუქციონის შედეგებიდან გამომდინარე მხარეთა უფლება მოვალეობები (რომელსაც არ მოიცავს სააუქციონო განაცხადი და განაცხადზე თანდართლი იჯარის ხელშეკრულების პროექტი) დარეგულირდება საქართველოს კანონმდებლობის შესაბამისად