1. წლიური საიჯარო ქირა  მოიჯარემ უნდა გადაიხადოს ყოველთვიურად, ყოველი თვის 1-ელ რიცხვში. სარგებლობაში მიმღები (მოიჯარე)   ვალდებულია  ხელშეკრულების გასაფორმებლად მიმართოს გარდაბნის მუნიციპალიტეტის მერიის  ეკონომიკური განვითარებისა და მუნიციპალური ქონების მართვის სამსახურს  აუქციონის ჩატარებიდან 30  კალენდარული დღის  ვადაში.

2. იმ შემთხვევაში, თუ 30 კალენდარულ დღეში არ გაფორმდა საიჯარო ხელშეკრულება მუნიციპალიტეტსა და გამარჯვებულ მხარეს შორის, აუქციონის შედეგები უქმდება და გამარჯვებულს საგარანტიო თანხა უკან აღარ დაუბრუნდება.

3. მოიჯარე ვალდებულია დაიცვას ჰიგიენური და ხანძარსაწინააღმდეგო ნორმები, გადაიხადოს კომუნალური გადასახადები.

4. გამარჯვებულ პირს შეტანილი ბე ეთვლება ხელშეკრულებით გათვალისწინებული სარგებლობაში გადაცემის საფასურის ოდენობაში   საბოლოო ანგარიშსწორებისას.

თუ ელექტრონული აუქციონი არ შედგა იმ მიზეზით, რომ ელექტრონულ აუქციონში რეგისტრირებული პირები, რომლებმაც გადაიხადეს ბე ან წარადგინეს/გააქტიურეს (ელექტრონულად) უპირობო და გამოუხმობი საბანკო გარანტია, არ მიიღებენ მონაწილეობას ვაჭრობაში, ელექტრონული აუქციონის მონაწილეების მიერ გადახდილი ბე ან წარდგენილი/გააქტიურებული (ელექტრონულად) უპირობო და გამოუხმობი საბანკო გარანტია სრულად ირიცხება მუნიციპალიტეტის ბიუჯეტში

აუქციონში მონაწილე პირებისათვის საგარანტიო თანხების დაბრუნება/ჩამოჭრის შესახებ ინფორმაციის მისაღებად, გთხოვთ, მიმართოთ განმკარგველ ორგანიზაციას.