1. აუქციონში გამარჯვებული ვალდებულია:

ა) შესაბამისი ხელშეკრულების გაფორმებიდან არაუგვიანეს 2 (ორი) წლისა უზრუნველყოს ლაგოდეხის აღკვეთილის ტერიტორიაზე არსებულ 3545 კვ.მ. არასასოფლო-სამეურნეო დანიშნულების მიწის ნაკვეთზე (დართული სიტუაციური ნახაზის შესაბამისად) არანაკლებ 06 (ექვსი) ერთეული კოტეჯის და არანაკლებ ერთი ერთეული კვების ობიექტის მოწყობა სსიპ - დაცული ტერიტორიების სააგენტოსთან წინასწარ შეთანხმებული რენდერების შესაბამისად;

ბ) ამ პუნქტის ,,ა“ ქვეპუნქტით გათვალისწინებული ვალდებულების შესრულების მიზნით, არაუგვიანეს ხელშეკრულების გაფორმებიდან 2 (ორი) წლის ვადაში განახორციელოს არანაკლებ 350 000 (სამასორმოცდაათი ათასი) ლარის ინვესტიცია;

გ) ამ პუნქტის ,,ა“ და ,,ბ“ ქვეპუნქტებით ნაკისრი საინვესტიციო ვალდებულებების შესრულების უზრუნველსაყოფად შესაბამისი ხელშეკრულების გაფორმებიდან 2 (ორი) თვის ვადაში წარმოადგინოს უპირობო და გამოუხმობი საბანკო გარანტია, მთლიანი საინვესტიციო ვალდებულების (თანხის) 10 %-ის ოდენობით, რომლის მოქმედების ვადაც არანაკლებ 4 (ოთხი) თვით უნდა აღემატებოდეს საინვესტიციო ვალდებულებების შესრულების ვადას; ა

დ) ამ პუნქტის ,,ა“ ქვეპუნქტით გათვალისწინებული ინფრასტრუქტურული სამუშაოების დაწყებამდე უზრუნველყოს ზურმუხტის ქსელზე შეფასების დოკუმენტის მომზადება.

2. ხელშეკრულების ვადის დასრულების და/ან მოაღნაგის ბრალეული ქმედების გამო ვადამდე შეწყვეტის შემთხვევაში ობიექტზე მოწყობილი ინფრასტრუქტურა ყოველგვარი ანაზღაურებისა და კომპენსაციის გადახდის გარეშე რჩება სახელმწიფო საკუთრებაში; 

3. პირველი პუნქტის „ბ“ ქვეპუნქტით განსაზღვრული ინვესტიციის მოცულობა დადასტურებულ უნდა იქნეს ,,ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონის შესაბამისად იმ რეგისტრირებული აუდიტორების/აუდიტორული ფირმების მიერ, რომელიც რეგისტრირებულია სახელმწიფო რეესტრში და უფლებამოსილია განახორციელოს აუდიტორული საქმიანობა (მომსახურება), მათ შორის, ინდივიდუალურად.

4. საწყისი სააუქციონო ფასი განისაზღვრა წელიწადში 7 200 (შვიდი ათას ორასი) ლარის (დღგს გარეშე) ოდენობით. 

5. სასყიდლიანი აღნაგობის უფლების ვადად განისაზღვრა 20 (ოცი) წელი. 

6. უპირობო და გამოუხმობადი საბანკო გარანტიის/ბეს ოდენობა განისაზღვრა 2160 (ორიათას ასსამოცი) ლარის ოდენობით (ბე უკან დაბრუნებას არ ექვემდებარება თუ მონაწილე არ მიიღებს მონაწილეობას ვაჭრობაში ან აუქციონში გამარჯვებულმა სარგებლობის ხელშეკრულების ხელის მოწერაზე უარი განაცხადა. ამასთანავე, აუქციონში გამარჯვებულ პირს, რომელიც უარს განაცხადებს ხელშეკრულების ხელმოწერაზე 1 (ერთი) წლის განმავლობაში ეკრძალება დაცულ ტერიტორიებზე ქონების სარგებლობაში აღება) 

7. აუქციონის ბიჯის სიდიდე განისაზღვრა 1 000 (ათასი) ლარის ოდენობით.

აუქციონში მონაწილე პირებისათვის საგარანტიო თანხების დაბრუნება/ჩამოჭრის შესახებ ინფორმაციის მისაღებად, გთხოვთ, მიმართოთ განმკარგველ ორგანიზაციას.