1.      172,33 კვ.მ. ფართი იჯარით გაიცემა სასკოლო კვების ობიექტის (ბუფეტი) ფუნქციონირების მიზნით. იჯარით გაიცემა ასევე, მოძრავი ქონება: მაგიდა 2 ცალი, კარადა 1 ცალი და წყლის გამაცხელებელი 1 ცალი;

2.      საწყისი თანხა შეადგენს წლიურ გადასახადს. ფართი იჯარით გაიცემა 3 (სამი) წლის ვადით;

3.      მოიჯარემ საკუთარი ხარჯით უნდა მოახდინოს ელექტროენერგიის და წყლის ამრიცხველების განმხოლოება;

4.      საიჯარო გადასახადში არშედის ფართის გათბობის და მოიჯარის კომუნალური ხარჯების გადასახადი, რომლის დაანგარიშება მოხდება მრიცხველის ჩვენების შესაბამისად. მოიჯარე ვალდებულია საანგარიშო პერიოდის დასრულებისთანავე გადაიხადოს მოხმარებული კომუნალური გადასახადები და ხელი არ შეუშალოს სასწავლო პროცესის ნორმალურ წარმართვას. კომუნალური გადასახადების გადაუხდელობის შემთხვევაში, სკოლა უფლებამოსილია ცალმხრივად შეწყვიტოს საიჯარო ხელშეკრულება;

5.      მოიჯარე ვალდებულია ჰქონდეს სასკოლო ბუფეტში მუშაობის არანაკლებ 5 წლიანი გამოცდილება (დამადასტურებელი დოკუმენტების (ხელშეკრულებები) წარმოდგენა სავალდებულოა ხელშეკრულების გაფორმების წინ). მოთხოვნილი გამოცდილების არქონის შემთხვევაში, სკოლა უფლებამოსილია უარი თქვას მასთან ხელშეკრულების დადებაზე, ხოლო გადახდილი „ბე“-ს თანხა ირიცხება და რჩება სკოლის ანგარიშზე;

6.      თუ აუქციონში გამარჯვებულ პირს აქვს ფინანსური დავალიანება სკოლის მიმართ ან/და ბოლო 3 წლის განმავლობაში დარღვეული აქვს სკოლასთან დადებული იჯარის ხელშეკრულება, სკოლა უფლებამოსილია უარი თქვას მასთან ან/და მასთან დაკავშირებულ პირთან (ფიზიკურ და იურიდიულ პირთან) იჯარის ხელშეკრულების დადებაზე. აღნიშნულ შემთხვევაში „ბე“-ს თანხა რჩება სკოლის ბიუჯეტში.

7.      საიჯარო ქირის ყოველთვიური ანგარიშსწორება მოხდება წინასწარ, ყოველი საანგარიშო პერიოდის დასაწყისში - შეთანხმებული გრაფიკის შესაბამისად, წინააღმდეგ შემთხვევაში სკოლა უფლებამოსილია არ დაუშვას მოიჯარე საიჯარო ფართში, ხოლო 5 (ხუთი) სამუშაო დღის ვადაში გადაუხდელობის შემთხვევაში, სკოლა უფლებამოსილია ცალმხრივად შეწყვიტოს საიჯარო ხელშეკრულება. აღნიშნულ შემთხვევაში „ბე“-ს თანხა რჩება სკოლის ბიუჯეტში.

8.      მოიჯარე ვალდებულია დაიცვას სანიტარულ-ჰიგიენური და ხანძარ საწინააღმდეგო ნორმები;

9.      საიჯარო ხელშეკრულების მოქმედების პერიოდში მოიჯარეს საიჯარო ფართი უნდა ჰქონდეს იმმდგომარეობაში, რომელიც შეესაბამება მოქმედი კანონმდებლობით დადგენილ სანიტარულ ნორმებს და სურსათის უვნებლობის სააგენტოს მიერ კვების ობიექტებისადმი წარდგენილ მოთხოვნებს;

10.  გამარჯვებულმა პირმა უნდა უზრუნველყოს ჯანსაღი, ხარისხიანი და მრავალფეროვანი პროდუქციის მომზადება/მიწოდება მოსწავლეებისათვის. გამარჯვებულმა პირმა უნდა უზრუნველყოს პროდუქციის (სრულად) ადგილზე დამზადება, მხოლოდ მეიჯარის სკოლისათვის (სხვა ობიექტებისათვის დამზადება და გატანა დაუშვებელია, რაც შეიძლება გახდეს სკოლის მხრიდან ხელშეკრულების შეწყვეტის საფუძველი). პროდუქციის ფასი უნდა იყოს ხელმისაწვდომი მოსწავლეებისთვის;

11.  მოიჯარე ვალდებულია თავად აღჭურვოს საიჯარო ფართი შესაბამისი ინვენტარითა და დანადგარებით, ასევე უზრუნველყოს ბუფეტის ფუნქციონირება ყველა სასწავლო დღეს;

12.  მოიჯარის მხრიდან ქონების დაზიანების შემთხვევაში, მოიჯარე ვალდებულია გასაიჯარებელ ფართში საკუთარი სახსრებით ჩაატაროს სარემონტო სამუშაოები;

13.  სკოლა უფლებამოსილია სსიპ- სახელმწიფო ქონების ეროვნული სააგენტოს წერილობითი მოთხოვნიდან არაუმეტეს 2 (ორი) კვირის ვადაში გაუქმებულ იქნება მოიჯარესთან გაფორმებული საიჯარო ხელშეკრულება;

14.  ხელშეკრულება შესაძლებელია შეწყდეს ვადაზე ადრე, თუ იგი გამოწვეულია სახელმწიფო პოლიტიკით, კანონმდებლობის ცვლილებით, განათლებისა და მეცნიერების სამინისტროს მოთხოვნით, სკოლაში სამშენებლო/სარეაბილიტაციო სამუშაოების დაწყებისა და კანონმდებლობით გათვალისწინებულ სხვა შემთხვევებში;

15.  მეიჯარეს უფლება აქვს განათლებისა და მეცნიერების სამინისტროს მოთხოვნის საფუძველზე ცალმხრივად შეწყვიტოს ხელშეკრულება, თუ ირღვევა ბავშვთა უსაფრთხოებასთან და უფლებებთან დაკავშირებული რეგულაციები;

16.  გამარჯვებულ პირს შეტანილი „ბე“ ეთვლება ხელშეკრულებით გათვალისწინებული სარგებლობაში გადაცემის საფასურის ოდენობაში საბოლოო ანგარიშსწორებისას. მოიჯარის მიერ ნაკისრი ვალდებულებების შეუსრულებლობის შედეგად,სკოლის მხრიდან ხელშეკრულების მოშლის შემთხვევაში -„ბე“-ს თანხა სრულად რჩება სკოლის ბიუჯეტში;

17.  საიჯარო ხელშეკრულების გაფორმებასთან დაკავშირებულ ხარჯებს დაფარავს ქონების სარგებლობის უფლების მიმღები (მოიჯარე).

18.  ელექტრონული აუქციონის შედეგები უქმდება და გამარჯვებულის მიერ „ბე“-ს თანხა სრულად ირიცხება სკოლის ბიუჯეტში, თუ ელექტრონულ აუქციონში გამარჯვებულმა ხელშეკრულების ხელმოწერაზე უარი განაცხადა;

19.  სარგებლობაში გადაცემის განმახორციელებელი ორგანოს მიერ აუქციონში მონაწილეობის წესის პირობების შეცვლისას აუქციონში მონაწილეს მისიწერილობითი მიმართვის საფუძველზე უბრუნდება ბე/უპირობო და გამოუხმობი საბანკო გარანტია თუ შეცვლილი წესით ან/და პირობებით აღარ სურს აუქციონში მონაწილეობა;                                      

20.  მოიჯარე ვალდებულია დაიცვას განათლებისა დამეცნიერების მინისტრის ბრძანებით დამტკიცებული რეკომენდაციები სასკოლო კვების ორგანიზების შესახებ.

21.  მოიჯარე ვალდებულია საკუთარი საქმიანობა წარმართოს საქართველოს შრომის, ჯანმრთელობისა და სოციალური დაცვის მინისტრის 2015 წლის 27 ოქტომბრის „ჯანსაღი და უსაფრთხო კვება სკოლაში“ -საზოგადოებრივი ჯანმრთელობის დაცვის ეროვნული რეკომენდაციის (გაიდლაინის) დამტკიცების შესახებ ბრძანებით დამტკიცებული დანართის შესაბამისად.