1. ელექტრონული აუქციონის ფორმით ქონების პრივატიზებისას, ელექტრონულ      აუქციონში გამარჯვების დამადასტურებელი ოქმის გაფორმებიდან (ოქმი უნდა გაფორმდეს აუქციონის დასრულებიდან 15 კალენდარულ დღეში) 15 კალენდარულ დღის ვადაში უნდა გაფორმდეს  აუქციონატორსა და აუქციონში გამარჯვებულს შორის  ნასყიდობის ხელშეკრულება (ხელშეკრულება ფორმდება ოქმის გაფორმებიდან 15 კალენდარულ დღეში).

2.მკაცრად რეკომენდირებულია საპრივატიზებო საფასურის გადახდა აუქციონის დასრულებიდან 30 კალენდარული დღის განმავლობაში.

3.30 კალენდარულ დღეში საპრივატიზებო თანხის გადაუხდელობის შემთხვევაში უქმდება აუქციონის შედეგები და გამარჯვებულის მიერ გადახდილი "ბე"-ს (საგარანტიო) თანხა სრულად ირიცხება შესაბამის ბიუჯეტში.

4. აუქციონის დასრულებამდე ქონების დათვალიერება შესაძლებელია პრივატიზების განმახორციელებელ ორგანოსთან  შეთანხმებით,  საკონტაქტო პირი: დავით შინჯიკაშვილი 599539023 

ყურადღება!  საქართველოს კანონმდებლობის თანახმად, სასოფლო-სამეურნეო დანიშნულების მიწის ნაკვეთის შემძენი არ შეიძლება იყოს: უცხოელი (ფიზიკური პირი, რომელიც არ არის საქართველოს მოქალაქე, ასევე, საქართველოში სტატუსის მქონე მოქალაქეობის არმქონე პირი);  იურიდიული პირი, რომლის დომინანტი პარტნიორია უცხოელი ან/და საზღვარგარეთ რეგისტრირებული იურიდიული პირი ან რომლის დომინანტი პარტნიორი ვერ დგინდება.

აუქციონის შედეგები ძალას კარგავს და აუქციონში გამარჯვებულს არ უბრუნდება საბანკო გარანტია/ბე თუკი:

ა) აუქციონში ივაჭრებს და გაიმარჯვებს პირი, რომელიც არ შეიძლება წარმოადგენდეს სასოფლო-სამეურნეო დანიშნულების მიწის აუქციონის ფორმით შემძენს საქართველოს კანონმდებლობის თანახმად

ბ) აუქციონში გამარჯვებულის მიერ გარდაბნის მუნიციპალიტეტისათვის, ამავე მუნიციპალიტეტის მიერ დადგენილ ვადაში არ იქნა წარდგენილი ინფორმაცია /დოკუმენტაცია, რომლითაც უნდა დგინდებოდეს აუქციონში გამარჯვებულის დომინანტი პარტნიორ(ებ)ი, ხოლო თუკი აუქციონში გამარჯვებული კერძო სამართლის იურიდიული პირის პარტნიორ(ებ)ი არის /არიან საქართველოში რეგისტრირებული კერძო სამართლის იურიდიული პირ(ებ)ი - ინფორმაცია /დოკუმენტაცია, რომლითაც უნდა დგინდებოდეს ყოველი შემდეგი პარტნიორი იურიდიული პირის დომინანტი პარტნიორ(ებ)ი.

დაუშვებელია აუქციონში გამარჯვებული კერძო სამართლის იურიდიული პირის პარტნიორის იმგვარი ცვლილება, რომლის შედეგად პირის დომინანტი პარტნიორი გახდება უცხოელი ან /და საზღვარგარეთ რეგისტრირებული იურიდიული პირი ან პირის დომინანტი პარტნიორი ვერ დადგინდება.

დომინანტი პარტნიორი - საქართველოში რეგისტრირებული კერძო სამართლის იურიდიული პირის პარტნიორი ან პარტნიორთა ჯგუფი, რომელსაც ეკუთვნის წილის /აქციის/პაის 50 პროცენტზე მეტი ან /და რომელიც წარმოადგენს პარტნიორების (სოლიდარული პასუხისმგებლობის საზოგადოებაში პარტნიორების ან კომანდიტურ საზოგადოებაში კომპლემენტარების შემთხვევაში) ან დამფუძნებლების /წევრების (არასამეწარმეო (არაკომერციული) იურიდიული პირის შემთხვევაში) უმრავლესობას და იმავდროულად აქვს პრაქტიკული შესაძლებლობა, გადამწყვეტი ზეგავლენა მოახდინოს იურიდიული პირის სასოფლო-სამეურნეო დანიშნულების მიწასთან დაკავშირებულ გადაწყვეტილებაზე.

ყურადღება: თუ კერძო სამართლის იურიდიული პირის პარტნიორია საქართველოში რეგისტრირებული კერძო სამართლის იურიდიული პირი, ყოველ შემდეგი პარტნიორი იურიდიული პირის პარტნიორი უნდა დგინდებოდეს და არ უნდა იყოს უცხოელი ან /და საზღვარგარეთ რეგისტრირებული იურიდიული პირი.

თუ ელექტრონული აუქციონი არ შედგა იმ მიზეზით, რომ ელექტრონულ აუქციონში რეგისტრირებული პირები, რომლებმაც გადაიხადეს ბე ან წარადგინეს/გააქტიურეს (ელექტრონულად) უპირობო და გამოუხმობი საბანკო გარანტია, არ მიიღებენ მონაწილეობას ვაჭრობაში, ელექტრონული აუქციონის მონაწილეების მიერ გადახდილი ბე ან წარდგენილი/გააქტიურებული (ელექტრონულად) უპირობო და გამოუხმობი საბანკო გარანტია სრულად ირიცხება მუნიციპალიტეტის ბიუჯეტში

აუქციონში მონაწილე პირებისათვის საგარანტიო თანხების დაბრუნება/ჩამოჭრის შესახებ ინფორმაციის მისაღებად, გთხოვთ, მიმართოთ განმკარგველ ორგანიზაციას.