სტუდენტური კაფეს მოწყობის მიზნით, საჯარო სამართლის იურიდიული პირი - ბათუმის შოთა რუსთაველის სახელმწიფო უნივერსიტეტის სარგებლობაში არსებულ ტერიტორიაზე (ს/კ N05.23.03.004, მისამართი: ქ. ბათუმი, რუსთაველის/ნინოშვილის ქ. №32/35) განთავსებული ჯიხურის, მასზე დროებით დამაგრებული 12 კვ.მ. მიწის ნაკვეთით და მიმდებარე ეზოს 12 კვ.მ. ფართის, მასზე განთავსებული ინვენტარით (8 ცალი რკინის მაგიდა), ჯამში 24 კვ.მ.  ფართის იჯარა.

ქონების საწყისი წლიური საიჯარო ქირა დღგ-ის ჩათვლით შეადგენს - 4800 ლარს.

სტუდენტური კაფეს მოწყობის მიზნით, საჯარო სამართლის იურიდიული პირი - ბათუმის შოთა რუსთაველის სახელმწიფო უნივერსიტეტის სარგებლობაში არსებულ ტერიტორიაზე  განთავსებული ჯიხურის  და მიმდებარე ეზოს  ფართის მასზე განთავსებული ინვენტარით (8 ცალი რკინის მაგიდა), ჯამში 24 კვ.მ.  ფართის  იჯარის ფორმით სარგებლობაში გაცემა.

სარგებლობაში გადაცემის ვადა - 2025 წლის 30 ივნისის ჩათვლით.

ელექტრონული  აუქციონის პირობები:

იჯარით აღებული ფართი გამოყენებული უნდა იქნას მხოლოდ სტუდენტური კაფეს მოსაწყობად, რომელიც შეღავათიან ფასებში მოემსახურება სტუდენტებს და უნივერსიტეტის პერსონალს;

მოიჯარე ვალდებულია იჯარით აღებულ ფართზე გადაიხადოს კომუნალური გადასახადები, რისთვისაც უნდა უზრუნველყოს წყლის და ელექტროენერგიის მრიცხველების განმხოლოება  (ცალკე აბონენტად ან ქვეაბონენტად დარეგისტრირება) საკუთარი ხარჯებით;  

მოიჯარე ვალდებულია დაიცვას ეკოლოგიური, სანიტარულ-ჰიგიენური და ხანძარსაწინააღმდეგო ნორმები;

მოიჯარე ვალდებულია ხელშეკრულების გაფორმებიდან 10 კალენდარული დღის ვადაში აამოქმედოს სტუდენტური კაფე, რომელშიც უფლებამოსილია განახორციელოს მომხმარებელთა მომსახურეობა მხოლოდ შემდეგი სახეობის პროდუქციით: მზა საკონდიტრო ნაწარმი,  შოკოლადი, ნაყინი, ყავა (როგორც ერთჯერადი პაკეტებით, ასევე ყავის  სპეციალურ აპარატში  დამზადებული), ჩაი, გამაგრილებელი სასმელები, მინერალური  წყლები, მზაპურ-ფუნთუშეული, ხილისწვენები. ნებისმიერი სხვა პროდუქციით მომხმარებელთა მომსახურეობა ითვლება იჯარის ხელშეკრულების არსებით დარღვევად და გამოვლენისთანავე წარმოადგენს იჯარის ხელშეკრულების დაუყონებლივ ცალმხრივად შეწყვეტის საფუძველს;

მოიჯარეს უფლება არ აქვს იჯარის საგანზე, მათ შორის დახლზე (გარდა დახურული შიდა სივრცისა) განათავსოს სამაცივრე დანადგარები, ან/და ვიტრინა, პროდუქციის ვიზუალური აღქმადობისათვის;

მოიჯარეს ეკრძალება იჯარის საგანზე განათავსოს/აწარმოოს მესამე პირის რეკლამა და სარგებლობაში გადაცემული ქონება გამოიყენოს არამიზნობრივად;

მოიჯარე ვალდებულია ხელშეკრულების გაფორმებიდან 10 კალენდარული დღის ვადაში შეათანხმოს მეიჯარესთან იჯარით აღებულ ფართზე (ჯიხურის მიმდებარე ეზოს ტერიტორია, 12 კვ.მ.) განსათავსებელი ავეჯის (სკამი, მზის ქოლგა, გამწვანება და საჭიროების შემთხვევაში დამატებით უჟანგავი რკინის მაგიდები) განთავსების გეგმა;

მოიჯარე ვალდებულია უზრუნველყოს გადაცემული ქონების მოვლა-პატრონობა და დაცვა, დაზიანების შემთხვევაში საკუთარი ხარჯებით მოახდინოს მისი აღდგენა, ასევე, სახელშეკრულებო ვადის განმავლობაში  უზრუნველყოს სარგებლობის უფლებით გადაცემული ქონების და მიმდებარე ტერიტორიის დასუფთავება (ყოველდღიურად);

იჯარის საგანი უნდა ფუნქციონირებდეს სახელშეკრულებო პერიოდის განმავლობაში უწყვეტად;

იჯარით სარგებლობაში გაცემის ვადა - 2025 წლის 30 ივნისის ჩათვლით;

საიჯარო ქირის გადახდა იწარმოებს ყოველთვიურად, თანაბარწილად, არაუგვიანეს მომდევნო თვის 10 რიცხვისა;

მოიჯარე ვალდებულია დაფაროს ხელშეკრულების გაფორმებასთან დაკავშირებული ხარჯები;

მოიჯარეს შეტანილი ბე ჩაეთვლება ხელშეკრულებით გათვალისწინებული სარგებლობის საფასურის ოდენობაში, საბოლოო ანგარიშსწორებისას;

მოიჯარე ვალდებულია დაიცვას საქართველოს სამოქალაქო კოდექსის, ,,ჯანმრთელობის დაცვის შესახებ“ საქართველოს კანონის, პროდუქტის უსაფრთხოებისა და თავისუფალი მიმოქცევის კოდექსის, სურსათის/ცხოველის საკვების უვნებლობის, ვეტერინარიისა და მცენარეთა დაცვის კოდექსის, ,,საკვებდანამატების შესახებ ტექნიკური რეგლამენტის დამტკიცების შესახებ“ საქართველოს მთავრობის 2016 წლის 23 დეკემბრის N585 დადგენილების, ,,ტექნიკური რეგლამენტების − „სურსათის ჰიგიენის ზოგადი წესისა“ და „სურსათის ჰიგიენის გამარტივებული წესის“ დამტკიცების თაობაზე“ საქართველოს მთავრობის 2010 წლის 25 ივნისის №173 დადგენილების და  საქართველოს მოქმედი კანონმდებლობის  მოთხოვნები;

მეიჯარე უფლებამოსილია ყოველგვარი კომპენსაციებისა და ჯარიმის გარეშე ვადამდე გააუქმოს (ვადაზე ადრე შეწყვიტოს) საიჯარო ხელშეკრულება ერთ-ერთ შემდეგ შემთხვევაში:

ა) უნივერსიტეტის სტრუქტურული ერთეულების (არანაკლებ 2 ფაკულტეტის საბჭო, ბსუ-ს 2 სხვა სტრუქტურული ერთეული და სტუდენტური თვითმართველობა) მოტივირებული მოთხოვნის შემთხვევაში, ბსუ-ს წარმომადგენლობითი საბჭოს გადაწყვეტილების საფუძველზე;

ბ) სსიპ სახელმწიფო ქონების ეროვნული სააგენტოს წერილობითი მოთხოვნის შემთხვევაში  (მოთხოვნიდან ორი კვირის ვადაში);

გ) საიჯარო ქირის 2 თვის დავალიანების შემთხვევაში.

აუქციონში დამარცხებულ მონაწილეებს და აუქციონში რეგისტრირებულ პირებს, რომლებმაც მონაწილეობა არ მიიღეს სააუქციონო ვაჭრობაში ბე/უპირობო და გამოუხმობი საბანკო გარანტია დაუბრუნდებათ აუქციონის დასრულებიდან 7 კალენდარული დღის ვადაში.

დამატებითი ინფორმაციისთვის დაგვიკავშირდით ტელ. ნომერზე 577 179747