აუქციონზე გასატანი უძრავი ქონების საიჯარო ვადა განისაზღვრება 2024-2025 წლის მხოლოდ ზამთრის სამთო-სათხილამურო სეზონით. კომპანიის მართვაში არსებულ სპორტულ-რეკრეაციულ არეალებში ზამთრის სამთო-სათხილამურო სეზონების გახსნისა და დახურვის ზუსტი პერიოდი და თარიღები განისაზღვრება კომპანიის მიერ.

მოიჯარეს არ შეიძლება ჰქონდეს პრეტენზია და მას არ წარმოეშობა არანაირი მოთხოვნის უფლება კომპანიის მიერ განსაზღვრულ ზამთრის სამთო-სათხილამურო სეზონების ვადის ხანგრძლივობასთან ან/და მის პერიოდთან დაკავშირებით, მათ შორის იმ შემთხვევაში, თუ ნებისმიერი მიზეზით ვერ მოხდება სეზონის გახსნა;

-         აუქციონზე გასატანი ქონების 2024-2025 წლის  ზამთრის სეზონის ყოველთვიური საიჯარო ქირის საწყისი ოდენობა განისაზღვრება 2 200 ლარის ოდენობით ;

-         ბიჯის თანხა განისაზღვრება 270 ლარის ოდენობით;

-         საგარანტიო/ბეს თანხა განისაზღვრება 5 000 ლარის ოდენობით;

აღნიშნული საგარანტიო თანხა მოიჯარეს ჩაეთვლება ხელშეკრულებით გათვალისწინებულ სარგებლობაში გადაცემის საფასურის ოდენობაში საბოლოო ანგარიშსწორებისას. ამასთან, ეს თანხა გამოიყენება ხელშეკრულებით გათვალისწინებული ვალდებულებების შეუსრულებლობისთვის დაკისრებული პირგასამტეხლოს გადახდის უზრუნველსაყოფად;

-         მოიჯარე ქირას გადაიხდის საიჯარო ვადის პროპორციულად. ამასთან, საიჯარო ვადის გასვლისას, საბოლოო ანგარიშწორებისას გათვალისწინებული იქნება უამინდობის მიზეზით გაჩერებული საბაგიროს გამო მოცდენილი დღეები, რომელიც არ ჩაითვლება საიჯარო ვადაში და ამ დღეებზე ქირა არ გადაიხდევინება;

-         კომპანიის (შპს „ემ თი ეი“) ან/და დროებით სარგებლობაში გადაცემული ქონების გაყიდვის შემთხვევაში კომპანიის/ქონების შემძენი უფლებამოსილია შეწყვიტოს აუქციონის ფარგლებში გაფორმებული იჯარის ხელშეკრულება, რაც ხელშეკრულების ერთ-ერთი ძირითადი პირობაა. ამ შემთხვევაში, მოიჯარის მიერ ქონებაზე გაწეული ხარჯები არ ანაზღაურდება;

აუქციონში გამარჯვებული პირი ვალდებულია:

1.      საიჯარო ფართში მოაწყოს და აფუნქციონიროს მეიჯარესთან წინასწარ შეთანხმებული ვიზუალის მქონე თხილამურების გაქირავების ობიექტი და აღჭურვოს იგი სათანადო ინვენტარით, არაუგვიანეს ხელშეკრულების გაფორმებიდან 1 თვის ვადაში;

2.      უსასყიდლოდ უზრუნველყოს შენობა-ნაგებობაში არსებული საპირფარეშოების მოვლა-პატრონობა, დალაგება-დასუფთავება, ნარჩენების/ნაგვის დროული გატანა და მათში სანიტარულ-ჰიგიენური ნორმებისა და პირობების დაცვა სისტემატურად;

3.      განახორციელოს იჯარით გადაცემული ქონების მოვლა-პატრონობა, გასწიოს საჭირო ხარჯები მის შენახვაზე და იზრუნოს ვიზუალური მხარის მოწესრიგებაზე;

4.      არ განახორციელოს არანაირი ცვლილება გადაცემული ქონების ინტერიერსა და ფასადზე კომპანიასთან წინასწარი შეთანხმების გარეშე და შეთანხმების შემთხვევაში თავად უზრუნველყოს უფლებამოსილი ორგანოებისგან/პირებისგან საჭირო ნებართვების მოპოვება;

5.      საიჯარო პერიოდის განმავლობაში საიჯარო ქონება შეინარჩუნოს მინიმუმ იმ მდგომარეობაში, როგორც იგი მას გადაეცა და არ დაუშვას მისი მდგომარეობის (ტექნიკური, ფუნქციური და ხარისხობრივი) გაუარესება. ამასთან, მან უნდა უზრუნველყოს საიჯარო ქონების დაცვა ნებისმიერი ზიანისაგან, ზარალისა და მოთხოვნისაგან, რომელიც კი შესაძლოა მომდინარეობდეს მისი დაქირავებული პერსონალის ან მისთვის გადაცემულ საიჯარო ქონებაზე მყოფი/მოსარგებლე სხვა ნებისმიერი პირის ქმედებისაგან (მოქმედება/უმოქმედობა), თუკი ამგვარი პრეტენზია არ გამომდინარეობს მისთვის საიჯარო ქონების გადაცემამდე წარმოშობილი სამართლებრივი ურთიერთობიდან;

6.      საიჯარო ქონებაზე უზრუნველყოს ეკოლოგიური და სანიტარულ-ჰიგიენური ნორმების დაცვა;

7.      გადაცემული ქონება გამოიყენოს კანონმდებლობით დადგენილ მოთხოვნათა დაცვით და საიჯარო საგნით სარგებლობის მიზნებიდან გამომდინარე მიიღოს/ჰქონდეს ყველა საჭირო თანხმობა/ნებართვა;

8.      მოახდინოს საიჯარო ქონების სისტემატიური დალაგება-დასუფთავება და ნარჩენების/ნაგვის დროული გატანა;

9.      არ ისარგებლებს ქონებით ისე, რომ გაზარდოს მისი დაზიანების რისკი;

10.  დაიცვას უსაფრთხოების ნორმები და იმ შემთხვევაში, თუ საიჯარო ტერიტორიაზე ან/და მასთან დაკავშირებით მომხმარებლებმა ან სხვა ვიზიტორებმა, პერსონალმა მიიღეს რაიმე სახის ზიანი, ამის შესახებ აიღოს სრული პასუხისმგებლობა საკუთარ თავზე.

11.  საჭიროების შემთხვევაში იჯარის ხელშეკრულების გაფორმებიდან არაუგვიანეს 2 კვირის ვადაში კომუნალური გადასახადების გადახდის მიზნით დარეგისტრირდეს ქვეაბონენტად შესაბამის სამსახურებში და გადაიხადოს საიჯარო ქონების გადაცემის დღიდან წარმოშობილი ყველა სახის კომუნალური და მომსახურების გადასახადი (მათი არსებობის შემთხვევაში);

12.  მეიჯარის მოთხოვნისთავანე, მაგრამ არაუგვიანეს 10 კალენდარული დღის ვადაში წარუდგინოს მას წერილობითი ინფორმაცია (ანგარიში) ხელშეკრულების პირობების/ვალდებულებების შესრულების შესახებ. ამასთან, მან ხელი უნდა შეუწყოს მეიჯარეს ხელშეკრულებით გათვალისწინებული ვალდებულებების შესრულების მიმდინარეობის თაობაზე დოკუმენტალური და ვიზუალური ინსპექტირების განხორციელებაში;

13.  იჯარის ვადის გასვლის შემდგომ ქონება დაუბრუნოს მეიჯარეს პირვანდელ მდგომარეობაში გონივრულ ვადაში, მაგრამ არაუგვიანეს იჯარის ვადის გასვლიდან 1 თვის ვადაში;

14.  მეიჯარის პირველივე მოთხოვნისთანავე გაათავისუფლოს იჯარით გადაცემული ქონება გონივრულ, მაგრამ არაუგვიანეს 1 თვის ვადაში;

15.  უზრუნველყოს წინამდებარე ხელშეკრულების გაფორმებასთან დაკავშირებული ხარჯების ანაზღაურება, მათ შორის გადაიხადოს საჯარო რეესტრში რეგისტრაციისთვის საჭირო ხარჯები და უზრუნველყოს უძრავ ნივთზე სარგებლობის უფლების შესაბამის მარეგისტრირებელ ორგანოში რეგისტრაცია;