აუქციონში მონაწილეობის მიღება შეუძლიათ:

   საქართველოს ან უცხო ქვეყნის ფიზიკურ ან იურიდიულ პირებს, რომელთა ქონებაშიც საქართველოს სახელმწიფოს ან ადგილობრივ თვითმმართველობის ორგანოს მონაწილეობის წილი 25%-ზე ნაკლებია.

აუქციონში მონაწილეობის მიღების მსურველთა განაცხადების მიღება მიმდინარეობს ყოველდღე, 2013  წლის 15 ნოემბრიდან 2013 წლის 28 ნოემბრის  ჩათვლით  10 საათიდან 17 საათამდე  (გარდა შაბათ-კვირისა და დასვენების დღეებისა) ზესტაფონის მუნიციპალიტეტის გამგეობის შენობაში, ადგილობრივი თვითმმართველი ერთეულის ქონების მუდმივი სააუქციონო კომისიის რეგისტრატორთან (ქ. ზესტაფონი, წერეთლის ქ. #11 მეორე სართული, თამარ აბულაძე - ტელეფონი 595 33 87 22).

    აუქციონში მონაწილეობის მიღების მსურველი(შემდგომში მონაწილე),  ზესტაფონის ადგილობრივი თვითმმართველი ერთეულის სააუქციონო კომისიის ,,რეგისტრატორს” წარუდგენს:

ა) წერილობით შევსებულ განაცხადს, რომელიც ადასტურებს, რომ პირი გაეცნო აუქციონის გამოცხადებისა და ჩატარების შესახებ ინფორმაციას, ეთანხმება სააუქციონო პირობებს და სურვილი აქვს მონაწილეობა მიიღოს ზესტაფონისმუნიციპალიტეტის საკუთრებაში არსებული ქონების პრივატიზების მიზნით ჩატარებულ აუქციონში,  რომელიც ასევე შეიცავს ინფორმაციას მონაწილეზე, ზესტაფონის მუნიციპალიტეტის თვითმმართველი ერთეულის ქონების დასახელებას, თვითმმართველი ერთეულის ქონების საწყის ფასს, რომლის შეძენაც სურს მონაწილეს;

ბ) ნებისმიერი ბანკის ფილიალში (ბანკის კოდი TRESGE22, ანგარიში 200122900, ბიუჯეტის შემოსულობების სახაზინო კოდი 300193388) ბე-ს ღირებულების, აუქციონზე გამოტანილი ქონების 5%-ის (ან/და უპირობო და გამოუხმობ საბანკო გარანტიას, ასევე აუქციონზე გამოტანილი ქონების 5%-ს ოდენობით) და მონაწილის ბილეთის საფასურის 20 ლარის გადახდის დამადასტურებელ დოკუმენტს (ბილეთის და საბანკო გარანტიის/ბე-ს საფასურის გადახდა უნდა მოხდეს გამყიდველის მიერ მითითებულ ანგარიშზე);

გ) პირადობის დამადასტურებელი მოწმობის (პასპორტის) ასლს (ფიზიკური პირის შემთხვევაში);

დ) სანოტარო წესით დამოწმებულ მინდობილობას, თუ მონაწილე მოქმედებს სხვა პირის სახელით;

ე) სადამფუძნებლო დოკუმენტაციის ასლებს და განაცხადის შეტანის მომენტისთვის მოქმედ ამონაწერს მეწარმეთა და არასამეწარმეო (არაკომერციული) იურიდიული პირების რეესტრიდან (იურიდიული პირის შემთხვევაში).

სააუქციონო კომისიის დავთარში განაცხადის რეგისტრაციის მომენტიდან, განმცხადებელი იძენს აუქციონში მონაწილის სტატუსს;

მითითებული დოკუმენტების წარმოდგენის შემდეგ რეგისტრატორი მონაწილეზე აკეთებს შესაბამის ჩანაწერს „აუქციონის მონაწილეთა რეგისტრაციის ჟურნალში“ და აძლევს მას აუქციონში მონაწილის ბილეთს.

აუქციონში გამარჯვებულის გამოვლენის კრიტერიუმია, საწყის გასაყიდ ფასზე ბიჯის დანამატის შედეგად მაქსიმალური ფასის გადახდა;

ადგილობრივი თვითმმართველი ერთეულის ქონების აუქციონის ფორმით პრივატიზებისას, გამყიდველისა და მყიდველის მიერ ხელმოწერილი, აუქციონში გამარჯვების დამადასტურებელი ოქმი არის ადმინისტრაციული დაპირება.  გამარჯვებული პირის მიერ აუქციონში გამარჯვების დამადასტურებელ ოქმზე ხელის მოწერაზე უარის თქმა ართმევს მას გამარჯვებულის სტატუსს.

აუქციონის ჩატარებიდან, გამარჯვებული (შემდგომში ,,მყიდველი”) ვალდებულია არაუგვიანეს 30 კალენდარული დღის ვადაში დაფაროს აუქციონზე მის მიერ დასახელებული საბოლოო თანხა.

თუ ,,მყიდველი” დადგენილ ვადებში არ გადაიხდის ქონების გამოსასყიდ თანხას ან/და აუქციონში გამარჯვების დამადასტურებელ ოქმზე ხელს არ მოაწერს მას არ გადაეცემა საკუთრების უფლება ქონებაზე და შეტანილი საბანკო გარანტია ან/და ბე ჩაირიცხება ზესტაფონის მუნიციპალიტეტის ადგილობრივი თვითმმართველი ერთეულის ბიუჯეტში.

აუქციონის თაობაზე დამატებითი ინფორმაციის მიღება შესაძლებელია ქ. ზესტაფონში, წერეთლის ქ. #11-ში, მე-2 სართულზე, ტელეფონი: 595 33 87 22

აუქციონი ჩატარდება 2013 წლის 29 ნოემბერს 15 საათზე.