საქართველოს საგარეო საქმეთა სამინისტრო აცხადებს ელექტრონულ აუქციონს სამინისტროს თანამშრომელთა მომსახურე  სასადილოს განსათავსებლად, ქ.თბილისში, ჩიტაძის ქ. N4–ში მდებარე ადმინისტრაციული შენობის III კორპუსის პირველ სართულზე არსებული ფართობიდან 110 მ²-ს ფართობის (უძრავი ქონების საკადასტრო კოდი N01.15.05.061.018 შენობა–ნაგებობა N10-11) 1 წლის ვადით იჯარით გაცემაზე, შემდგომში ერთი წლით გაგრძელების შესაძლებლობით.

საქართველოს საგარეო საქმეთა სამინისტროს ცენტრალურ აპარატში დასაქმებულია 400-ზე მეტი თანამშრომელი. 

აუქციონში მონაწილე უნდა იყოს საქართველოს რეზიდენტი ფიზიკური ან იურიდიული პირი, რომელსაც გააჩნია კვებითი მომსახურების გაწევის არანაკლებ 2 წლიანი გამოცდილება და გამარჯვების შემთხვევაში უნდა უზრუნველყოს:

ა) გაწეული მომსახურეობის შესახებ რეკომენდაციების (მინიმუმ ორი) წარმოდგენა;

ბ) სასადილოს ფუნქციონირება ყოველდღე, შაბათ-კვირისა და „საქართველოს შრომის კოდექსით“ გათვალისწინებული უქმე დღეების გარდა, 09:00 საათიდან 18:00 საათამდე;

გ) სასადილოში შემოთავაზებულ კერძებზე და გამაგრილებელ სასმელებზე  საქართველოს საგარეო საქმეთა სამინისტროში დასაქმებულთათვის ხელმისაწვდომი ფასების დაწესება, რომლებიც არ უნდა აღემატებოდეს მსგავს სახელმწიფო დაწესებულებებში არსებულ საშუალო ფასებს.

საიჯარო ფართში განთავსებულია სასადილოსთვის აუცილებელი ინვენტარი, რომელიც საიჯარო ფართთან ერთად გადაეცემა ელექტრონულ აუქციონში გამარჯვებულს, კერძოდ: სამზარეულო გარნიტური/ნაკრები (1კომპლექტი), მაცივარი (2ცალი), კონდიციონერი (2 ცალი), წყლის გამაცხელებელი 50 ლ-ანი ავზი (2 ცალი), წყლის გამაცხელებელი გაზის (1 ცალი), ჰაერის გამწოვი დიდი (1 ცალი), ჰაერის გამწოვი პატარა (1 ცალი), ჭურჭლის საშრობი (1ცალი), კარადები (3 ცალი), საკიდი დასადგამი (1ცალი), ნიჟარა (3 ცალი), ონკანი/შემრევი (3 ცალი).

მოიჯარემ უნდა უზრუნველყოს საიჯარო ფართობის მომიჯნავედ არსებული 104 კვ.მ ფართის და იქ განთავსებული მაგიდებისა (17 ცალი) და სკამების (57 ცალი) მოვლა-დასუფთავება, ჰიგიენის ნორმების დაცვით.

იმის გათვალისწინებით, რომ საიჯარო ფართი არის საგარეო საქმეთა სამინისტროს შენობის განუყოფელი ნაწილი, სამინისტრო არსებული შესაძლებლობების ფარგლებში უზრუნველყოფს ფართის გათბობას.

მოხმარებული ელექტროენერგიის, წყლის, გაზის, ნარჩენების გატანის და სხვა კომუნალური მომსახურების ღირებულებებს დაფარავს თავად მოიჯარე.

ელექტრონული აუქციონის ფორმით სარგებლობაში გადასაცემი სახელმწიფო ქონების საწყისი ყოველთვიური საიჯარო ქირის საფასური შეადგენს 600 ლარს.

ელექტრონული აუქციონის მსვლელობისას ბიჯი შეადგენს 50 ლარს.

მოიჯარემ საიჯარო ქირის გადახდა უნდა უზრუნველყოს არაუგვიანეს ყოველი საანგარიშო თვის 25 რიცხვის ჩათვლით.

საჯარო აქუციონში მონაწილეობის მიღების მსურველმა პირმა უნდა გადაიხადოს „ბე“ 1800 ლარის ოდენობით ან წარმოადგინოს უპირობო და გამოუხმობადი საბანკო გარანტია აღნიშნულ თანხაზე, რომლის მოქმედების ვადაც 7 კალენდარული დღით უნდა აღემატებოდეს სარგებლობაში გადაცემის ვადას.

მოიჯარე ვალდებულია დაიცვას ჰიგიენური, უსაფრთხოების და ხანძარსაწინააღმდეგო ნორმები, გაუფრთხილდეს იჯარით გადაცემულ ფართში მოთავსებულ ინვენტარს და ხელი არ შეუშალოს სამინისტროს ფუნქციონირებას.

ხელშეკრულების აუცილებელ პირობად განისაზღვრება სსიპ სახელმწიფო ქონების ეროვნული ბიუროს წერილობითი მოთხოვნიდან არაუმეტეს 2 კვირის ვადაში საიჯარო ხელშეკრულების გაუქმების შესაძლებლობის არსებობა.

აუქციონში მონაწილეობის მიღებით დაინტერესებულ პირებს, საჭიროების შემთხვევაში, შეუძლიათ მოგვმართონ დამატებითი ინფორმაციისთვის მისამართზე: ქ.თბილისში, ჩიტაძის ქ. N4 ან დაგვიკავშირდნენ ტელ. (+995 32) 2945000 + 2519 ან 2520.

სხვა პირობები:

• ინტერნეტ-აუქციონში გამარჯვებული პირი ვალდებულია ხელშეკრულების დადების ეტაპზე, შეიმუშაოს და მეიჯარესთან შეათანხმოს  სტანდარტული ლანჩ-მენიუ, ღირებულებით - საშუალოდ, 5-7ლარი.
• გამარჯვებული პირი ვალდებულია ყოველდღიურ რაციონში იქონიოს სტანდარტული ლანჩ-მენიუს ყველა კომპონენტი: წვნიანი, ხორცეული, სხვადასხვა სახის ბოსტნეული/სალათები, პურ-ფუნთუშეული, საკონდიტრო ნაწარმი, სასმელები და სხვა. ასევე, გათვალისწინებული უნდა იყოს სამარხვო მენიუ.
• გამარჯვებულმა პირმა უნდა უზრუნველყოს საკვები პროდუქციის მაღალი ხარისხი და სტანდარტებთან შესაბამისობა.
• მოიჯარემ უნდა უზრუნველყოს ექსპლუატაციის პროცესში დაზიანებული ინვენტარის შეკეთება.