ინფორმაცია გამყიდველზე
დასახელება: ქალაქ თბილისში, ჩიტაიას ქუჩა №17-ში მდებარე სარდაფი ფართით 146,05 კვ.მ. და მასზე წილობრივად დამაგრებული არასასოფლო-სამეურნეო დანიშნულების მიწის ნაკვეთი და ქალაქ თბილისში, ჩიტაიას ქუჩა №17-ში პირველ სართულზე მდებარე 228,21 კვ.მ. ფართი და მასზე წილობრივად დამაგრებული არასასოფლო-სამეურნეო დანიშნულების მიწის ნაკვეთი
| რეიტინგი: |
(0
ადამიანი)
|
|---|---|
| განაცხადის #: | 76386 |
| აუქციონის #: | 14 |
| ლოტის #: | 1 |
| საქმის ნომერი |
201202026414 |
| დარჩენილი დრო |
|
| დაწყება/დასრულება |
02/02/2012 17:00 - 20/02/2012 17:00 |
| ლოტის სტატუსი |
გაყიდული |
| ნახვა: |
394 ჯერ |
| მიმდინარე ფასი: | 0 e |
| თქვენი ფასი: | e |
| ბიჯი: |
დადება
|
| ფასის ისტორია: | 0 ბიჯი ბიჯების ოდენობა |
|---|---|
| საწყისი ფასი: | 277000.00 e |
| ვაჭრობის ბიჯი: | 3000.00 e |
| საგარანტიო თანხა: | 83100.00 e |
| თვისებები | ||||||||||||||
| განმკარგავი: სახელმწიფო მომსახურების ბიურო | ||||||||||||||
|
| აღწერილობა | ||||
|
|
ელექტრონული გადახდა |
|
ინფორმაცია გადახდების პროცესის შესახებ საგარანტიო თანხის გადახდა მომხმარებლის მიერ აუქციონში მონაწილეობის უფლების მოპოვების მიზნით შესაბამის ლოტზე საგარანტიო თანხის გადახდა შესაძლებელია, როგორც საბანკო დაწესებულებაში, ასევე ელექტრონულად საკრედიტო ბარათის და საბანკო გარანტიის (მათ შორის ელექტრონული) წარდგენა/გააქტიურების მეშვეობით. აუქციონში მონაწილეობისათვის საჭიროა : www.eauction.ge ანგარიშსწორების სისტემის მეშვეობით . სს ლიბერთი ბანკში (ნებისმიერ ფილიალში) ბეს (საგარანტიო თანხის) ნაღდი ფულით გადახდის შემთხვევაში გადახდილი თანხა ავტომატურად აისახება ელექტრონული აუქციონის სისტემაში. გადახდის განსახორციელებლად მომხმარებელმა ბანკში უნდა წარადგინოს ლოტის განაცხადის ნომერი (რომელზეც სურს რომ მოახდინოს გადახდა) და აუქციონზე რეგისტრირებული მომხმარებლის მონაცემები (ფიზიკური/იურიდიული პირის დასახელება; პირადი ნომერი/საიდენტიფიკაციო კოდი). აღნიშნული გადახდის ფორმით სარგებლობის საფასური შეადგენს ფიქსირებულ 1 ლარს. სერვისით ხელმისაწვდომი გადახდის ტიპებია: o საგარანტიო o დარჩენილი ღირებულება (საგარანტიო თანხის შემთხვევაში) o მთლიანი ღირებულება . (საბანკო გარანტიის შემთხვევაში) www.eauction.ge ანგარიშსწორების სისტემით სარგებლობისას აუქციონში მონაწილე უკან დასაბრუნებელ საგარანტიო თანხას მიიღებს ავტომატურად მის მიერ გადახდის დროს მითითებულ ანგარიშზე ან სს ლიბერთი ბანკის ნებისმიერ ფილიალში (პირადობის წარდგენის საფუძველზე). სხვა გზით გადახდილი თანხები (გარდა საბანკო პლასტიკური ბარათით გადახდილი თანხებისა) არ აისახება ავტომატურად ელექტრონული აუქციონების სისტემაში (გადახდის ქვითარი უნდა წარმოადგინოს ან განმკარგავ ორგანიზაციაში ან სსიპ საქართველოს ფინანსთა სამინისტროს მომსახურების სააგენტოში), ხოლო უკან თანხის დასაბრუნებლად აუქციონის მონაწილემ უნდა მიმართოს განცხადებით განმკარგან ორგანიზაციას. აუქციონის დასრულების შემდეგ მომხმარებელს (გამარჯვებულის გარდა) უბრუნდება გადახდილი საგარანტიო თანხა გადახდის ან რეგისტრაციის დროს დაფიქსირებულ საბანკო ანგარიშზე. საკრედიტო ბარათი - ლოტის გვერდზე, რომელზეც დაწესებულია საგარანტიო თანხა მომხმარებელისთვის ხელმისაწვდომია საგარანტიო თანხის ელექტრონული გადახდის ფორმა. აღნიშნული ფორმაში მითითებულია ანგარიშის/ანგარიშების (მომხმარებლი ირჩევს ერთ-ერთ ანგარიშს) ნომრები და ინფორმაცია: გადამხდელზე; ლოტზე; მიმღებზე; მონაცემების სისწორის შემთხვევაში მომხმარებელი აჭერს გადახდის ღილაკს და შესაბამისად გადადის საკრედიტო ბარათის საგადახდო სისტემაში, სადაც ავსებს საკრედიტო ბარათის მონაცემებს და ახორციელებს გადახდას. ოპერაციის წარმატებით დასრულების შემდეგ, მომხმარებელი მოიპოვებს ლოტზე აუქციონში მონაწილეობის უფლებას. * ელექტრონულად საგარანტიო თანხის გადახდის შემთხვევაში , თქვენს საბარათე ანგარიშზე უნდა იყოს საგარანტიო თანახას დამატებული ბანკის საკომისიო 2%, აღნიშნული პროცენტი ჩამოგეჭრებათ ანგარიშიდან მხოლოდ იმ შემთხვევაში თუ თქვენ გაიმარჯვებთ აუქციონში სხვა შემთხვევაში ჩამოგეჩრებათ მხოლოდ 1 ლარი (თანხის განბლოკვის საკომისიო). ელექტრონული საბანკო გარანტია – ლოტის გვერდზე, რომელზეც დაწესებულია საგარანტიო თანხა მომხმარებელისთვის ხელმისაწვდომია ელექტრონული საბანკო გარანტიის გააქტიურების ღილაკი. მომხმარებელი აჭერს გააქტიურების ღილაკს და შესაბამისად გადადის სსიპ "საჯარო რეესტრის ეროვნული სააგენტოს" სისტემაში, სადაც ავსებს ელექტრონული საბანკო გარანტიის რეგისტრაციის კოდს და ახორციელებს გარანტიის გააქტიურებას. ოპერაციის წარმატებით დასრულების შემდეგ, მომხმარებელი მოიპოვებს ლოტზე აუქციონში მონაწილეობის უფლებას. აუქციონის დასრულებისთანავე მომხმარებელს ( გამარჯვებულის გარდა ) გაუუქმდება ელექტორული საბანკო გარანტია . ლოტის შეძენა აუქციონში გამარჯვებული მომხმარებლის მიერ შესაბამისი ლოტის ფასის გადახდა შესაძლებელია, როგორცwww.eauction.ge ანგარიშსწორების სისტემით ასევე საბანკო პლასტიკური ბარათის მეშვეობით. |
საქართველოს ეკონომიკისა და
მდგრადი განვითარების მინისტრის
ბრძანება №1-1/172
2011 წლის 10 თებერვალი ქ. თბილისი
სახელმწიფო ქონების განკარგვისას და სარგებლობის უფლებით
გადაცემისას ელექტრონული აუქციონის ჩატარების წესის
დამტკიცების შესახებ (სათაური 13.05.2013 N 1–1/117)
„სახელმწიფო ქონების შესახებ“ საქართველოს კანონის მე-6 მუხლის მე-2 პუნქტის,
46-ე მუხლის მე-2 პუნქტის შესაბამისად, ვბრძანებ:
1. დამტკიცდეს სახელმწიფო ქონების განკარგვისას და სარგებლობის უფლებით
გადაცემისას ელექტრონული აუქციონის ჩატარების თანდართული წესი. (13.05.2013 N
1–1/117)
2. ბრძანება ამოქმედდეს გამოქვეყნებისთანავე.
ვ. ქობალია
სახელმწიფო ქონების განკარგვისას და სარგებლობის უფლებით გადაცემისას
ელექტრონული აუქციონის ჩატარების წესი (სათაური 13.05.2013 N 1–1/117)
მუხლი 1. ზოგადი დებულებები
1. ეს წესი შემუშავებულია „სახელმწიფო ქონების შესახებ” საქართველოს კანონის
შესაბამისად და განსაზღვრავს სახელმწიფო ქონების (გარდა დასახლებათა ტერიტორიულ
საზღვრებში არსებული ყოფილი საკოლმეურნეო და საბჭოთა მეურნეობის ტყეებისა)
პრივატიზების/ სარგებლობის/მართვის უფლებით გადაცემისას ელექტრონული
აუქციონის ჩატარების წესს. (8.07.2011 N 1–1/1279)
11. ელექტრონული აუქციონის საფუძველზე სახელმწიფო ქონების პრივატიზება,
სარგებლობის ან მართვის უფლებით გადაცემა შეიძლება განხორციელდეს უპირობოდ ან
პირობებით. უპირობო აუქციონისას სახელმწიფო ქონების
შემძენის/სარგებლობის/მართვის უფლებით მიმღები პირის ვალდებულება არის
საპრივატიზებო ან სარგებლობაში გადაცემის საფასურის გადახდა, ხოლო პირობებიანი
აუქციონისას სახელმწიფო ქონების შემძენის/სარგებლობის/მართვის უფლებით მიმღები
პირის ვალდებულება არის საპრივატიზებო ან სარგებლობაში გადაცემის საფასურის
გადახდა და პრივატიზების განმახორციელებელი/სარგებლობის/მართვის უფლებით
გამცემი პირის მიერ განსაზღვრული სხვა საპრივატიზებო, სარგებლობაში ან მართვის
უფლებით გადაცემის პირობების შესრულება. (13.05.2013 N 1–1/117)
2. სახელმწიფო ქონების შესახებ” საქართველოს კანონის შესაბამისად, სახელმწიფო
ქონების აუქციონის ფორმით პრივატიზების/სარგებლობაში გადაცემისას ელექტრონული
აუქციონის ჩატარების თაობაზე გადაწყვეტილებას იღებს საქართველოს ეკონომიკისა და
მდგრადი განვითარების სამინისტროს სისტემაში შემავალი საჯარო სამართლის
იურიდიული პირი „სახელმწიფო ქონების ეროვნული სააგენტო“ (შემდგომში – ქონების
სააგენტო), ან მის მიერ დელეგირებული უფლებამოსილების ფარგლებში მოქმედი
აფხაზეთის ან აჭარის ავტონომიური რესპუბლიკის აღმასრულებელი ხელისუფლების
უფლებამოსილი ორგანო, გარდა ამ მუხლის მე-3 და მე-4 პუნქტებით გათვალისწინებული
შემთხვევებისა. (13.09.2012 N 1-1/1754 ამოქმედდეს 2012 წლის 17 სექტემბრიდან)
3. სახელმწიფო საკუთრებაში არსებული მოძრავი ნივთის (შემდგომში – მოძრავი
ნივთი) ელექტრონული აუქციონის ფორმით პრივატიზების თაობაზე გადაწყვეტილებას
იღებს ის სახელმწიფო ორგანო ან საჯარო სამართლის იურიდიული პირი, რომლებსაც
მოძრავი ნივთი ერიცხებათ ბალანსზე ან/და სარგებლობის უფლებით აქვთ გადაცემული.
4. სახელმწიფო საკუთრებაში არსებული უძრავი ნივთის სარგებლობაში გადაცემის
თაობაზე გადაწყვეტილებას იღებს ის სახელმწიფო ორგანო ან საჯარო სამართლის
იურიდიული პირი, რომლებსაც უძრავი ნივთი სარგებლობის უფლებით აქვს
გადაცემული.
41 სახელმწიფო საკუთრებაში არსებული აქციებისა და წილების ელექტრონული
აუქციონის ფორმით მართვის უფლებით გადაცემის თაობაზე გადაწყვეტილებას იღებს
ქონების სააგენტო. (13.09.2012 N 1-1/1754 ამოქმედდეს 2012 წლის 17 სექტემბრიდან)
5. სახელმწიფო ქონების პრივატიზების/სარგებლობაში /მართვის უფლებით
გადაცემისას ელექტრონული აუქციონის ჩატარების მიზანია
საკუთრების/სარგებლობის/მართვის უფლება მიენიჭოს ელექტრონულ აუქციონში
მონაწილე იმ პირს, რომელიც ელექტრონული ვაჭრობის პროცესში სახელმწიფო ქონების
პრივატიზების/სარგებლობაში/მართვის უფლებით გადამცემ სუბიექტს ყველაზე მაღალ
ფასს შესთავაზებს, ხოლო თუ ელექტრონული აუქციონი გამოცხადდა პირობებით –
საკუთრების/სარგებლობის/მართვის უფლება მიანიჭოს ელექტრონულ აუქციონში
მონაწილე იმ პირს, რომელიც აიღებს ვალდებულებას, დააკმაყოფილოს გამოცხადებული
პირობები და ვაჭრობის პროცესში სახელმწიფო ქონების
პრივატიზების/სარგებლობაში/მართვის უფლებით გადამცემ ორგანოს ყველაზე მაღალ
ფასს შესთავაზებს. (8.07.2011 N 1–1/1279)
6. ელექტრონული აუქციონის ფორმით სახელმწიფო ქონების
პრივატიზებას/სარგებლობაში გადაცემას ახორციელებს ქონების სააგენტო, მის მიერ
დელეგირებული უფლებამოსილების ფარგლებში მოქმედი აფხაზეთის ან აჭარის
ავტონომიური რესპუბლიკის აღმასრულებელი ხელისუფლების უფლებამოსილი ორგანო.
უძრავი ნივთის სარგებლობაში გადაცემას, ქონების სააგენტოს თანხმობით, ახორციელებს
ის სახელმწიფო ორგანო ან საჯარო სამართლის იურიდიული პირი, რომელსაც უძრავი
ნივთი სარგებლობის უფლებით აქვს გადაცემული, ხოლო სახელმწიფო საკუთრებაში
არსებული აქციებისა და წილების მართვის უფლებით გადაცემას ახორციელებს ქონების
სააგენტო. (13.09.2012 N 1-1/1754 ამოქმედდეს 2012 წლის 17 სექტემბრიდან)
7. სახელმწიფო ქონების ელექტრონული აუქციონის ფორმით პრივატიზებისას,
სარგებლობაში გადაცემისა და მართვის უფლებით გადაცემის დროს საწყისი
საპრივატიზებო/სარგებლობაში გადაცემის საფასური დგინდება საქართველოს მთავრობის
დადგენილების შესაბამისად . (29.11.2013 N 1–1/349 ამოქმედდეს „სახელმწიფო ქონების საპრივატიზებო
საფასურის, საწყისი საპრივატიზებო საფასურისა და სარგებლობაში გადაცემის საფასურის განსაზღვრის
წესის დამტკიცების შესახებ“ საქართველოს მთავრობის დადგენილების ძალაში შესვლის მომენტიდან)
8. ელექტრონული აუქციონის ფორმით სახელმწიფო ქონების შემძენი შეიძლება იყოს
საქართველოს ან უცხო ქვეყნის მოქალაქე ან კერძო სამართლის იურიდიული პირი ან ამ
პირთა გაერთიანება, რომლის ქონებაშიც საქართველოს სახელმწიფოს ან ადგილობრივი
თვითმმართველობის ორგანოს მონაწილეობის წილი 25%-ზე ნაკლებია, ხოლო
სასოფლო-სამეურნეო დანიშნულების მიწის პრივატიზების შემთხვევაში – საქართველოს
მოქალაქეები ან საქართველოში რეგისტრირებული კერძო სამართლის იურიდიული
პირები.
9. ელექტრონული აუქციონის ფორმით სახელმწიფო ქონების სარგებლობაში
მიმღები შეიძლება იყოს ფიზიკური პირი ან კერძო სამართლის იურიდიული პირი.
91. ელექტრონული აუქციონის ფორმით სახელმწიფო საკუთრებაში არსებული
აქციების და წილების მართვის უფლებით მიმღები შეიძლება იყოს ფიზიკური ან
იურიდიული პირი ან სხვა სუბიექტი. (8.07.2011 N 1–1/1279)
10. ელექტრონული აუქციონი (ელექტრონული აუქციონი პირობებით) ცხადდება
პრივატიზების/სარგებლობაში/მართვის უფლებით გადაცემის განმახორციელებელი
ორგანოს გადაწყვეტილებით. (8.07.2011 N 1–1/1279)
11. ელექტრონული აუქციონის ჩატარებამდე ინფორმაცია ელექტრონულ აუქციონში
მონაწილეთა შესახებ კონფიდენციალურია.
12. ამოღებულია (13.09.2012 N 1-1/1754 ამოქმედდეს 2012 წლის 17 სექტემბრიდან)
13. ის სახელმწიფო ორგანო ან საჯარო სამართლის იურიდიული პირი, რომელსაც
უძრავი ნივთი სარგებლობის უფლებით აქვს გადაცემული, უძრავი ნივთის
ელექტრონული აუქციონის ფორმით სარგებლობაში გადაცემის თაობაზე ინფორმაციას,
გადაცემიდან 1 თვის ვადაში წარუდგენს ქონების სააგენტოს. (13.09.2012 N 1-1/1754 ამოქმედდეს
2012 წლის 17 სექტემბრიდან)
14. იმ შემთხვევაში, თუ სახელმწიფო ქონებას სარგებლობაში გადასცემს საჯარო
სამართლის იურიდიული პირი, მან ეს საკითხი აგრეთვე უნდა შეუთანხმოს სახელმწიფო
კონტროლის განმახორციელებელ ორგანოს. (23.05.2012 N 1-1/1210)
მუხლი 2. ელექტრონული აუქციონის ჩატარების ორგანიზება
1. ელექტრონული აუქციონის ჩატარების ორგანიზებას ახორციელებს პრივატიზების/
სარგებლობაში/მართვის უფლებით გადაცემის განმახორციელებელი ორგანო. (8.07.2011 N
1–1/1279)
11. სახელმწიფო ქონების პრივატიზების განმახორციელებელი/სარგებლობაში
გადამცემი/მართვის უფლებით გადამცემი ორგანო უფლებამოსილია, სახელმწიფო ქონების
შეძენით, სარგებლობის უფლების მიღებით ან მართვის უფლების მიღებით
დაინტერესებულ პირს სახელმწიფო ქონების აუქციონზე გამოტანის მიზნით, მოსთხოვოს
ამ ქონების საწყისი საპრივატიზებო/საწყისი სარგებლობის/მართვის უფლებით გადაცემის
საწყისი საფასურის არა-ნაკლებ 10%-ის ოდენობის საგარანტიო თანხა (აუქციონში
მონაწილედ დარეგისტრირების უზრუნველსაყოფად), რომლის წარმოდგენაც შეიძლება
განხორციელდეს საბანკო გარანტიის ან/და უნაღდო ანგარიშსწორების ფორმით ამ
პუნქტით გათვალისწინებული საბანკო გარანტიის მოქმედების ვადა არანაკლებ 10 დღით
უნდა აღემატებოდეს აუქციონის დასრულების ვადას. (23.05.2012 N 1-1/1210 მოქმედება
გავრცელდეს 2011 წლის 16 თებერვლიდან წარმოშობილ ურთიერთობებზე)
12. თუ ამ მუხლის 11 პუნქტით გათვალისწინებული საბანკო გარანტიის
მოქმედების ვადა პრივატიზების და მართვის უფლებით გადაცემის შემთხვევაში 15
კალენდარული დღით აღემატება საპრივატიზებო/მართვის უფლებით გადაცემის
საფასურის გადახდის ვადას, ხოლო სარგებლობის უფლებით გადაცემის შემთხვევაში 7
კალენდარული დღით აღემატება სარგებლობაში გადაცემის ვადას, მაშინ შეიძლება მისი
და ამ მუხლის 11 პუნქტით გათვალისწინებული უნაღდო ანგარიშსწორების ფორმით
გადახდილი თანხის გამოყენება (სახელმწიფო ქონების შეძენით, სარგებლობის უფლების
მიღებით ან მართვის უფლების მიღებით დაინტერესებული პირის თანხმობით) ამ მუხლის
მე-3 პუნქტის „ე”/მე-4 პუნქტის „ე”/51 „ზ” ქვეპუნქტით გათვალისწინებული
მიზნებისათვის, გარდა იმ შემთხვევისა, თუ უპირობო და გამოუხმობი საბანკო
გარანტიის/ბეს წარმოდგენა ხორციელდება გააქტიურებით (ელექტრონულად).(23.05.2012 N
1-1/1210)
13. თუ სახელმწიფო ქონების შეძენით, სარგებლობის უფლების მიღებით ან
მართვის უფლების მიღებით დაინტერესებულმა პირმა არ უზრუნველყო აუქციონის
მონაწილედ დარეგისტრირება, მაგრამ ამის მიუხედავად ელექტრონული აუქციონი შედგა,
მე-2 მუხლის 11 პუნქტის საფუძველზე წარდგენილი საგარანტიო თანხა უბრუნდება
დაინტერესებულ პირს. (8.07.2013 N 1-1/177)
2. სახელმწიფო ქონების პრივატიზების განმახორციელებელი/სარგებლობაში
/მართვის უფლებით გადამცემი ორგანო, სახელმწიფო ქონების
პრივატიზების/სარგებლობაში/მართვის უფლებით გადაცემის მიზნით ელექტრონული
აუქციონის ჩატარების თაობაზე გადაწყვეტილების მიღებისას, ინფორმაციას აქვეყნებს
სახელმწიფო ქონების პრივატიზების განმახორციელებელი/ სარგებლობაში/მართვის
უფლებით გადამცემი ორგანოს ვებგვერდზე ან/და ვებგვერდზე www.eauction.ge რაც
ინფორმაციის ოფიციალურ გამოქვეყნებად ითვლება. (8.07.2011 N 1–1/1279)
3. სახელმწიფო ქონების პრივატიზებისას გამოსაქვეყნებელი ინფორმაცია უნდა
შეიცავდ��������:
ა) პრივატიზების განმახორციელებელი ორგანოს დასახელებას;
ბ) საპრივატიზებო ქონების დასახელებას;
გ) აუქციონის დაწყების და დასრულების დროს, რომელიც არ უნდა იყოს 5
კალენდარულ დღეზე ნაკლები და 45 კალენდარულ დღეზე მეტი. (23.05.2012 N 1-1/1210)
დ) საპრივატიზებო ქონების საწყის საპრივატიზებო თანხასა და საწყის
საპრივატიზებო საფასურს; (13.09.2012 N 1-1/1754 ამოქმედდეს 2012 წლის 17 სექტემბრიდან)
ე) უპირობო და გამოუხმობი საბანკო გარანტიის/ბეს თანხის ოდენობას, რომელიც
უნდა შეადგენდეს საწყისი საპრივატიზებო თანხის არანაკლებ 10%-ს და არა უმეტეს 80%-ს.
უპირობო და გამოუხმობი საბანკო გარანტიის მოქმედების ვადა არანაკლებ 15
კალენდარული დღით უნდა აღემატებოდეს საპრივატიზებო საფასურის გადახდის ვადას;
(13.09.2012 N 1-1/1754 ამოქმედდეს 2012 წლის 17 სექტემბრიდან)
ვ) აუქციონის ჩატარების პირობებს;
ზ) საპრივატიზებო პირობებს (ასეთის არსებობის შემთხვევაში);
თ) ბიჯის სიდიდეს;
ი) გამყიდველის საკონტაქტო ტელეფონს და დასადები ხელშეკრულების შინაარსს
(უპირობო აუქციონის შემთხვევაში); (13.09.2012 N 1-1/1754 ამოქმედდეს 2012 წლის 17 სექტემბრიდან)
კ) ყველა სხვა ინფორმაციას, რომელსაც პრივატიზების განმახორციელებელი ორგანო
ჩათვლის მიზანშეწონილად.
4. სახელმწიფო ქონების სარგებლობაში გადაცემისას, გამოსაქვეყნებელი ინფორმაცია
უნდა შეიცავდეს:
ა) სარგებლობაში გადამცემი ორგანოს დასახელებას;
ბ) სარგებლობაში გადასაცემი ქონების დასახელებას;
გ) აუქციონის დაწყების და დასრულების დროს, რომელიც არ უნდა იყოს 5
კალენდარულ დღეზე ნაკლები და 45 კალენდარულ დღეზე მეტი; (23.05.2012 N 1-1/1210)
დ) სარგებლობაში გადასაცემი ქონების საწყის სარგებლობაში გადაცემის საფასურს;
(13.09.2012 N 1-1/1754 ამოქმედდეს 2012 წლის 17 სექტემბრიდან)
ე) უპირობო და გამოუხმობი საბანკო გარანტიის/ბეს თანხის ოდენობას, რომელიც
უნდა შეადგენდეს სახელმწიფო ქონების საწყის სარგებლობაში გადაცემის 3 თვის თანხას,
ხოლო 3 თვეზე ნაკლები ვადით გამოცხადებული აუქციონის შემთხვევაში – სარგებლობის
საწყისი თანხის 30%-ს. უპირობო და გამოუხმობი საბანკო გარანტიის მოქმედების ვადა 7
კალენდარული დღით უნდა აღემატებოდეს სარგებლობაში გაცემის ვადას. (13.09.2012 N
1-1/1754 ამოქმედდეს 2012 წლის 17 სექტემბრიდან)
ვ) აუქციონის ჩატარების პირობებს;
ზ) სარგებლობაში გადაცემის პირობებს (ასეთის არსებობის შემთხვევაში);
თ) ბიჯის სიდიდეს;
ი ) სარგებლობაში გადამცემის საკონტაქტო ტელეფონს. (13.05.2013 N 1–1/117)
კ) სარგებლობაში გადაცემის ვადას;
ლ) ყველა სხვა ინფორმაციას, რომელსაც სარგებლობაში გადამცემი ორგანო ჩათვლის
მიზანშეწონილად.
5. აქციების ან აქციათა პაკეტის (წილის) პრივატიზების შემთხვევაში ინფორმაცია,
გარდა ამ მუხლის მე-3 პუნქტით გათვალისწინებული მონაცემებისა, დამატებით უნდა
შეიცავდეს:
ა) იურიდიული პირის იურიდიულ მისამართს და საიდენტიფიკაციო კოდს;
ბ) გამოშვებული აქციების საერთო რაოდენობას;
გ) ერთი აქციის ნომინალურ ღირებულებას;
დ) აქციების ან აქციათა პაკეტის (წილის) საწყის საპრივატიზებო თანხას, საწყის
საპრივატიზებო საფასურსა და წილს საზოგადოების კაპიტალში; (13.09.2012 N 1-1/1754
ამოქმედდეს 2012 წლის 17 სექტემბრიდან)
ე) მეწარმეთა და არასამეწარმეო (არაკომერციული) იურიდიული პირების რეესტრის
ამონაწერის ნომერს.
51. სახელმწიფო საკუთრებაში არსებული აქციებისა და წილების მართვის უფლებით
გადაცემისას, გამოსაქვეყნებელი ინფორმაცია უნდა შეიცავდეს: (8.07.2011 N 1–1/1279)
ა) მართვის უფლებით გადამცემი ორგანოს დასახელებას;
ბ) იმ იურიდიული პირის დასახელებას, იურიდიულ მისამართსა და
საიდენტიფიკაციო კოდს რომლის აქციების ან წილის მართვის უფლებით გადაცემაც
ხორციელდება;
გ) აუქციონზე გამოტანილი აქციების ან წილის ოდენობას, მის ნომინალურ
ღირებულებას;
დ) აქციების, წილის საერთო ოდენობას, ნომინალური ღირებულების მითითებით,
საწარმოში სახელმწიფოს წილის ოდენობას, საწარმოს კრედიტორულ და დებიტორულ
დავალიანებას;
ე) აუქციონის დაწყების და დასრულების დროს;
ვ) მართვის უფლებით გადაცემის საწყის საპრივატიზებო თანხასა და საწყის
საპრივატიზებო საფასურს; (13.09.2012 N 1-1/1754 ამოქმედდეს 2012 წლის 17 სექტემბრიდან)
ზ) უპირობო და გამოუხმობი საბანკო გარანტიის/ბეს თანხის ოდენობას, რომელიც
უნდა შეადგენდეს მართვის უფლებით გადაცემის საწყისი თანხის არანაკლებ 10%-ს და არა
უმეტეს 80%-ს. უპირობო და გამოუხმობი საბანკო გარანტიის მოქმედების ვადა არანაკლებ
15 კალენდარული დღით უნდა აღემატებოდეს მართვის უფლებით გადაცემის საფასურის
გადახდის ვადას; (13.09.2012 N 1-1/1754 ამოქმედდეს 2012 წლის 17 სექტემბრიდან)
თ) აუქციონის ჩატარების პირობებს;
ი) მართვის უფლებით გადაცემის პირობებს ( ასეთის არსებობის შემთხვევაში);
კ) ბიჯის სიდიდეს;
ლ) მართვის უფლებით გადამცემის საკონტაქტო ტელეფონს და მისამართს;
მ) მართვის უფლებით გადაცემის ვადას;
ნ) ყველა სხვა ინფორმაციას, რომელსაც მართვის უფლებით გამცემი ორგანო ჩათვლის
მიზანშეწონილად.
6. სახელმწიფო ქონების შემძენს/სარგებლობაში/მართვის უფლებით მიმღებს უფლება
აქვს მიიღოს საპრივატიზებო/სარგებლობაში/მართვის უფლებით გადასაცემი სახელმწიფო
ქონების შესახებ პრივატიზების/სარგებლობაში/მართვის უფლებით გადაცემის
განმახორციელებელი ორგანოს ხელთ არსებული, კანონმდებლობით დაშვებული,
ნებისმიერი ინფორმაცია. (8.07.2011 N 1–1/1279)
7. ინფორმაციის გამოქვეყნების შემდეგ ყველა დაინტერესებულ ფიზიკურ და
იურიდიულ პირს უფლება აქვს წინასწარ გაეცნოს
საპრივატიზებო/სარგებლობაში/მართვის უფლებით გადასაცემ სახელმწიფო ქონებას.
(8.07.2011 N 1–1/1279)
მუხლი 3. ელექტრონულ აუქციონში მონაწილეობის პირობები
1. ელექტრონული აუქციონი ტარდება გამოცხადების დღიდან განმკარგავი/
სარგებლობაში/ მართვის უფლებით გადამცემი ორგანოს მიერ განსაზღვრულ ვადაში,
რომლის განმავლობაშიც დაინტერესებულ პირებს, რომლებიც გაივლიან რეგისტრაციას
ელექტრონულად, საშუალება ეძლევათ გააკეთონ სასურველი ფასის შეთავაზება, საწყის
საპრივატიზებო თანხაზე/საწყის სარგებლობაში გადაცემის საფასურზე დამატებით.
(13.09.2012 N 1-1/1754 ამოქმედდეს 2012 წლის 17 სექტემბრიდან)
2. ელექტრონულ აუქციონში მონაწილეობის მისაღებად სავალდებულოა:
ა) შესაბამის ვებგვერდზე დარეგისტრირება (რეგისტრირდებიან როგორც ფიზიკური
ასევე იურიდიული პირები);
ბ) რეგისტრაციის დროს ელექტრონული აუქციონის წესების გაცნობა და მასზე
თანხმობის გაცხადება;
გ) „ინტერნეტ ბანკინგის” საშუალებით, ასევე საბანკო დაწესებულების მეშვეობით
ბეს თანხის გადახდა ან/და უპირობო და გამოუხმობი საბანკო გარანტიის
წარდგენა/გააქტიურება. (23.05.2012 N 1-1/1210)
3. მონაწილემ, რომელსაც სურს მონაწილეობა მიიღოს სხვადასხვა სახელმწიფო
ქონების პრივატიზებისთვის/სარგებლობაში/მართვის უფლებით გადაცემისთვის
მოწყობილ ელექტრონულ აუქციონში, უპირობო და გამოუხმობი საბანკო გარანტია უნდა
წარმოადგინოს/გაააქტიუროს და/ან ბე უნდა გადაიხადოს თითოეული სახელმწიფო
ქონებისათვის ცალ-ცალკე. (23.05.2012 N 1-1/1210)
4. მონაწილეს შეიძლება უარი ეთქვას ელექტრონულ აუქციონში მონაწილეობაზე,
თუ:
ა) მონაწილე, მოქმედი კანონმდებლობის შესაბამისად, არ შეიძლება ცნობილ იქნეს
საპრივატიზებო/სარგებლობაში/მართვის უფლებით გადასაცემი ქონების მყიდველად/
მოსარგებლედ/მართვის უფლებით მიმღებად. (8.07.2011 N 1–1/1279)
ბ) დარღვეულია ამ მუხლის პირველი, მე-2 და მე-3 პუნქტების მოთხოვნები.
მუხლი 4. ელექტრონული აუქციონის ჩატარების წესი
1. ელექტრონულ აუქციონში მონაწილეობის მსურველი პირი ელექტრონულ
აუქციონში მონაწილებისთვის რეგისტრირდება შესაბამის ვებგვერდზე, ამ წესის მე-3
მუხლის მე-2 პუნქტის შესაბამისად, რის შემდეგაც მას ენიჭება აუქციონში მონაწილის
სტატუსი.
2. ელექტრონული აუქციონი ტარდება ონლაინ რეჟიმში.
3. ელექტრონული აუქციონის ვაჭრობის დროს ფასის მატება ჩანს ონლაინ რეჟიმში.
4. ელექტრონული აუქციონის დასაწყისად ითვლება მისი ვებ-გვერდზე
გამოცხადების მომენტი.
5. აუქციონში მონაწილე, რომელსაც სურს საწყისი ფასიდან დაიწყოს ვაჭრობა,
ონლაინ რეჟიმში ამატებს ფასს (რაც ნიშნავს საწყის ფასზე ბიჯის დამატებას), რომელიც
ასევე ფიქსირდება ონლაინ რეჟიმში. ვაჭრობა გრძელდება, სანამ რომელიმე მონაწილე არ
დააფიქსირებს ყველაზე მაღალ ფასს. სახელმწიფო ქონება ითვლება
გაყიდულად/სარგებლობაში /მართვის უფლებით გადაცემულად იმ აუქციონის
მონაწილეზე, რომლის მიერაც ონლაინ რეჟიმში ვაჭრობის დასრულების მომენტისთვის
შემოთავაზეული იქნება ყველაზე მაღალი ფასი. (8.07.2011 N 1–1/1279)
6. თუ აუქციონის დასრულებამდე (მითითებული უნდა იყოს აუქციონის
დასრულების ზუსტი დრო) ბოლო 2 წუთის განმავლობაში შემოთავაზებული იქნება
ახალი ფასი, მაშინ ფასის შემოთავაზების დრო გაგრძელდება დასრულების მითითებული
მომენტიდან 2 წუთით. თუ ამ დროის განმავლობაში შემოთავაზებული იქნება ახალი ფასი,
დრო კიდევ გაგრძელდება 2 წუთით მანამ, სანამ არ დაფიქსირდება საბოლოო თანხა.
მაგრამ, თუ დამატებული 2 წუთის განმავლობაში ახალი ფასი არ იქნება შემოთავაზებული,
აუქციონში გამარჯვებულად გამოცხადდება საბოლოო თანხის შემთავაზებელი პირი.
(8.07.2011 N 1–1/1279)
7. აუქციონის გამოცხადებიდან (დაწყებიდან) მის დასრულებამდე (არა უგვიანეს 2
წუთისა) ნებისმიერ დროს მონაწილეს შეუძლია გადაიხადოს ბე ან/და
წარმოადგინოს/გაააქტიუროს საბანკო გარანტია. ბეს გადახდა შესაძლებელია უნაღდო
ანგარიშსწორებით. (23.05.2012 N 1-1/1210)
8. ვაჭრობის დასრულებისას გამარჯვებულსა და აუქციონის სხვა მონაწილეებს
ელექტრონული გზით გაეგზავნებათ ინფორმაცია აუქციონის შედეგების შესახებ, რაც
ჩაითვლება ოფიციალურ შეტყობინებად.
9. აუქციონში გამარჯვებულს ელექტრონული გზით ეცნობება თანხის სრულად
გადახდის თარიღი და ქონების გადაცემის პირობები, რაც ჩაითვლება ოფიციალურ
შეტყობინებად.
91. თუ ელექტრონული აუქციონი არ შედგა იმ მიზეზით, რომ აუქციონში
რეგისტრირებული პირები (რომლებმაც მე-2 მუხლის მე-3 პუნქტის „ე” ქვეპუნქტის/მე-2
მუხლის მე-4 პუნქტის „ე” ქვეპუნქტის/მე-2 მუხლის 51 პუნქტის „ზ” ქვეპუნქტის
შესაბამისად გადაიხადეს ბე ან/და წარმოადგინეს უპირობო და გამოუხმობი საბანკო
გარანტია) არ მიიღებენ მონაწილეობას სააუქციონო ვაჭრობაში, ელექტრონული
აუქციონის მონაწილეების მიერ მე-2 მუხლის მე-3 პუნქტის „ე” ქვეპუნქტის/მე-2 მუხლის
მე-4 პუნქტის „ე” ქვეპუნქტის/51 მუხლის „ზ” ქვეპუნქტის საფუძველზე წარდგენილი
უპირობო და გამოუხმობი საბანკო გარანტიის/ბეს თანხა სრულად ირიცხება შესაბამის
ბიუჯეტში. (23.05.2012 N 1-1/1210)
92. აუქციონში დამარცხებულ მონაწილეებს ბე/უპირობო და გამოუხმობი საბანკო
გარანტია დაუბრუნდებათ აუქციონის დასრულებიდან 7 კალენდარული დღის ვადაში.
(23.05.2012 N 1-1/1210)
93. ელექტრონული აუქციონის შედეგები უქმდება და გამარჯვებულის მიერ
წარმოდგენილი უპირობო და გამოუხმობი საბანკო გარანტიის/ბეს თანხა სრულად
ირიცხება შესაბამის ბიუჯეტში, თუ: (23.05.2012 N 1-1/1210)
ა) ელექტრონულ აუქციონში გამარჯვებულმა ხელშეკრულების ხელმოწერაზე უარი
განაცხადა;
ბ) აუქციონში გამარჯვებულმა პრივატიზების განმახორციელებელი ორგანოს მიერ
განსაზღვრულ ვადაში სრულად არ გადაიხადა საპრივატიზებო საფასური;
გ) დაარღვია აუქციონში მონაწილეობის „სახელმწიფო ქონების შესახებ”
საქართველოს კანონით და ამ წესით გათვალისწინებული პირობები.
10. აუქციონში გამარჯვებულთან გარიგების გაფორმების წესი და პირობები
რეგულირდება „სახელმწიფო ქონების საჯარო აუქციონის ფორმით განკარგვის შესახებ
დებულების დამტკიცების თაობაზე” საქართველოს ეკონომიკისა და მდგრადი
განვითარების მინისტრის 2010 წლის 7 სექტემბრის №1-1/1487 ბრძანებით. (23.05.2012 N
1-1/1210)
11. სასოფლო-სამეურნეო დანიშნულების მიწის ელექტრონული აუქციონის
ფორმით პრივატიზებისას აუქციონში გამარჯვებულთან გარიგების გაფორმების წესი და
პირობები რეგულირდება „სახელმწიფო საკუთრებაში არსებული იჯარით გაუცემელი
სასოფლო-სამეურნეო დანიშნულების მიწის საჯარო აუქციონის ფორმით და სახელმწიფო
საკუთრებაში არსებული იჯარით გაცემული სასოფლო-სამეურნეო დანიშნულების მიწის
პირდაპირი მიყიდვის ფორმით პრივატიზების წესის დამტკიცების შესახებ” საქართველოს
ეკონომიკისა და მდგრადი განვითარების მინისტრის 2010 წლის 28 სექტემბრის №1-1/1565
ბრძანებით. (23.05.2012 N 1-1/1210)
12. სახელმწიფო ქონების სარგებლობაში გადაცემისას აუქციონში გამარჯვებულთან
გარიგების გაფორმების წესი და პირობები რეგულირდება „სახელმწიფო საკუთრებაში
არსებული უძრავი ქონების სარგებლობაში გადაცემისას საჯარო აუქციონის ჩატარების
შესახებ დებულების დამტკიცების თაობაზე” საქართველოს მთავრობის 2010 წლის 20
ოქტომბრის №326 დადგენილებით. (23.05.2012 N 1-1/1210)
13. სახელმწიფო საკუთრებაში არსებული აქციებისა და წილების მართვის
უფლებით გადაცემისას აუქციონში გამარჯვებულთან გარიგების გაფორმების წესი და
პირობები რეგულირდება „სახელმწიფო საკუთრებაში არსებული აქციებისა და წილების
პრივატიზების ცალკეული ფორმების განსაზღვრისა და საწარმოთა მართვის სააგენტოდან
სხვა სუბიექტებისათვის მათი მართვის უფლებით გადაცემის წესის დამტკიცების შესახებ”
საქართველოს ეკონომიკისა და მდგრადი განვითარების მინისტრის 2010 წლის 1
ოქტომბრის №1-1/1596 ბრძანებით. (23.05.2012 N 1-1/1210)
მუხლი 5. მხარეთა უფლებები და მოვალეობები
1. პრივატიზების/სარგებლობაში/მართვის უფლებით გადაცემის
განმახორციელებელი ორგანო უფლებამოსილია: (8.07.2011 N 1–1/1279)
ა) შეცვალოს ელექტრონულ აუქციონში მონაწილეობის წესი ან სხვა პირობები
ნებისმიერ დროს და განათავსოს ვებგვერდზე;
ბ) შეწყვიტოს ნებისმიერი მომსახურება ტექნიკური პრობლემის, რაიმე შეცდომის,
უზუსტობის, მომხმარებლის მხრიდან უკანონო მოქმედებების განხორციელების ან სხვა
მიზეზების გამო, რომელმაც შეიძლება ზიანი მიაყენოს ვებგვერდს ან
პრივატიზების/სარგებლობაში/მართვის უფლებით გადაცემის განმახორციელებელ
ორგანოს;
გ) შეაჩეროს ან შეწყვიტოს მომხმარებლის რეგისტრაცია და შესვლა ვებგვერდზე, თუ
ჩათვლის, რომ მომხმარებელი მოქმედებს ამ ბრძანების მოთხოვნათა დარღვევით;
დ) გააკონტროლოს ყველა მოქმედება მომხმარებლის მხრიდან და რაიმე დარღვევის
აღმოჩენის შემთხვევაში მიიღოს შესაბამისი ზომები.
11. პრივატიზების /სარგებლობაში/მართვის უფლებით გადაცემის
განმახორციელებელი ორგანოს მიერ ამ მუხლის პირველი პუნქტის „ა” ქვეპუნქტით
გათვალისწინებული უფლებამოსილების განხორციელების შემთხვევაში, აუქციონში
მონაწილეს მისი წერილობითი მიმართვის საფუძველზე უბრუნდება ბე/უპირობო და
გამოუხმობი საბანკო გარანტია თუ შეცვლილი წესით ან/და პირობებით აღარ სურს
აუქციონში მონაწილეობა. (23.05.2012 N 1-1/1210)
2. პრივატიზების/სარგებლობაში/მართვის უფლებით გადაცემის
განმახორციელებელი ორგანო ვალდებულია კანონით დადგენილი წესით გადასცეს
აუქციონში გამარჯვებულს საკუთრების/სარგებლობის/მართვის უფლება ქონებაზე (ხოლო
ვალდებულებების არსებობის შემთხვევაში – საკუთრების/სარგებლობის/მართვის უფლება
ვალდებულებებთან ერთად). (8.07.2011 N 1–1/1279)
3. მომხმარებელი უფლებამოსილია:
ა) გააკეთოს არჩევანი და შეიძინოს ქონება;
ბ) ნებისმიერ დროს განაახლოს თავისი პირადი მონაცემები.
4. მომხმარებელი ვალდებულია:
ა) დაიცვას აუქციოში მონაწილეობის წესები და პირობები;
ბ) პრივატიზების/სარგებლობაში/მართვის უფლებით გადაცემის
განმახორციელებელი ორგანოს მიერ დადგენილ დროში გადაიხადოს
შეძენილი/სარგებლობაში/მართვის უფლებით გადაცემული ქონების ღირებულება.
(8.07.2011 N 1–1/1279)
მუხლი 6. ანგარიშსწორება (23.05.2012 N 1-1/1210)
1. მომხმარებლის მიერ სასურველ ლოტზე ბეს გადახდა, ასევე ელექტრონულ
აუქციონში გამარჯვებულის მიერ შესაბამის ლოტზე თანხის გადახდა შესაძლებელია
როგორც საბანკო დაწესებულებაში, ასევე საბანკო პლასტიკური ბარათის მეშვეობით.
უპირობო და გამოუხმობი საბანკო გარანტიის წარმოდგენა შესაძლებელია როგორც
გააქტიურების (ელექტრონულად) ასევე წარმოდგენის საშუალებით.
2. აუქციონის გვერდზე მომხმარებლისთვის ხელმისაწვდომია ლოტის თანხის, ასევე
ბეს გადახდის ფორმები. აღნიშნული ფორმები შეიცავს ინფორმაციას გადამხდელზე,
ინფორმაციას ლოტის შესახებ (ლოტის საბოლოო ფასის მითითებით) და ინფორმაციას
მიმღების შესახებ, დასახელების და ანგარიშის/ანგარიშების ნომრების მითითებით.
მომხმარებელი ირჩევს ერთ-ერთ ანგარიშს, ბეჭდავს ლოტის ფასის გადახდის ფორმას და
აღნიშნული ფორმის საფუძველზე საბანკო დაწესებულებაში იხდის შესაბამის თანხას.
3. საბანკო პლასტიკური ბარათით თანხის გადახდის შემთხვევაში,
მომხმარებლისთვის ხელმისაწვდომია ლოტის თანხის, ასევე ბეს ელექტრონული
გადახდის ფორმები. აღნიშნული ფორმები შეიცავს ინფორმაციას გადამხდელზე,
ინფორმაციას ლოტის შესახებ (ლოტის საბოლოო ფასის მითითებით) და ინფორმაციას
მიმღების შესახებ, დასახელების და ანგარიშის/ანგარიშების (მომხმარებლი ირჩევს
ერთ-ერთ ანგარიშს) ნომრების მითითებით. მონაცემების სისწორის შემთხვევაში
მომხმარებელი აჭერს გადახდის ღილაკს და შესაბამისად გადადის საბანკო პლასტიკური
ბარათის საგადახდო სისტემაში, სადაც ავსებს საბანკო პლასტიკური ბარათის მონაცემებს
და ახორციელებს გადახდას.
4. ოპერაციის წარმატებით განხორციელების შემთხვევაში გადახდის გვერდზე
გამოდის შესაბამისი შეტყობინება.
მუხლი 7. დავების გადაწყვეტის წესი
ელექტრონული აუქციონის შედეგებთან დაკავშირებული სადავო საკითხები
განიხილება მოქმედი კანონმდებლობით დადგენილი წესით.
