26 მაისს, ფინანსთა სამინისტროს მომსახურების სააგენტო რუსთაველის გამზირზე საქართველოს დამოუკიდებლობის დღისადმი მიძღვნილ ღონისძიებას შეუერთდა. ღონისძიებების ფარგლებში ფინანსთა სამინისტროს მომსახურების სააგენტომ საკუთარი სერვისების პრეზენტაცია მოაწყო და მოსახლეობას უნივერსალური პორტალი www.eauction.ge და მაღაზია „კალათა“ წარუდგინა.

რუსთაველზე შეკრებილ მოსახლეობას  შეეძლოთ ადგილზევე შეეძინათ მაღაზია კალათაში წარმოდგენილი საიუველირო ნაკეთობები, ტექნიკა და აქსესუარები. დარეგისტრირების აქციის ფარგლებში მომსახურების სააგენტოს თანამშრომლები მოსახლეობას ადგილზევე უწევდნენ კონსულტაციას და ეხმარებოდნენ ელექტრონულ აუქციონის საიტზე www.eauction.ge დარეგისტრირებაში.