25-27 ივლისს ქ. სამტრედიაში, ფინანსთა სამინისტროს მომსახურების სააგენტოს, რეგიონული ბაზის ტერიტორიაზე სახელმწიფო საკუთრებაში მიქცეული ქონების გამოფენა-გაყიდვა გაიმართა.დაინტერესებულ მომხმარებლებს სამი დღის განმავლობაში სხვადასხვა დასახელების საქონლის შეძენა ყველაზე ხელსაყრელ ფასებში შეეძლოთ. სარეალიზაციოდ გამოტანილი იქნა საყოფაცხოვრებო ტექნიკა, ავეჯი, ავტონაწილები, ტანსაცმელი და სხვა მრავალი საინტერესო ნივთი ოჯახისა თუ ბიზნესისათვის.მომსახურების სააგენტო ანალოგიურ ღონისძიებებს წელიწადში 2-ჯერ მართავს, რაც მოსახლეობაში საკმაო პოპულარობით სარგებლობს, რადგან გამოფენა-გაყიდვა იმართება ღია ცის ქვეშ, სააგენტოს მიერ სარეალიზაციოდ გამოდის მაქსიმალური რაოდენობის ქონება და მომხმარებლებს აქვთ დიდი არჩევანი.