სსიპ „საქართველოს ფინანსთა სამინისტროს მომსახურების სააგენტო”-მ  მიმდინარე წლის 17 ნოემბერს სს ,,საქართველოს ბანკთან“ ურთიერთთანამშრომლობის მემორანდუმი გააფორმა. მომსახურების ოპერატიულობისა და ხელმისაწვდომობის გაზრდის, ასევე, მომხმარებლისათვის თანამედროვე და სწრაფი ანგარიშსწორების საშუალებების შეთავაზების მიზნით, დღეიდან ვებ გვერდის საგადახდო სისტემას კიდევ ერთი, სს ,,საქართველოს ბანკი“ დაემატა.  ვებ გვერდის www.eauction.ge-ს მომხმარებლებს დღეიდან უკვე შეუძლიათ ისარგებლონ ,,საქართველოს ბანკი“-ს საგადახდო სისტემით. მემორანდუმს ხელი მოაწერეს ფინანსთა სამინისტროს მომსახურების სააგენტოს გენერალური დირექტორის პირველმა მოადგილემ გიორგი ხანიშვილმა და საქართველოს ბანკის გენერალური დირექტორის მოადგილემ ნიკოლოზ გამყრელიძემ.

 სსიპ ,,საქართველოს ფინანსთა სამინისტროს მომსახურების სააგენტო“ განაგრძობს განვითარებას და მაქსიმალურად ამარტივებს ქონების ყიდვა-გაყიდვასთან დაკავშირებულ პროცედურებს.

გისურვებთ წარმატებას!