სსიპ ,,საქართველოს ფინანსთა სამინისტროს მომსახურების სააგენტო“-ს უნივერსალური პორტალი www.eauction.ge მომხმარებელს სახელმწიფო და კერძო საკუთრებაში არსებული უძრავ-მოძრავი ქონების ელექტრონული აუქციონის მეშვეობით შეძენისა და გაყიდვის ყველაზე მარტივ და მოხერხებულ სისტემას სთავაზობს.

ელ. აუქციონის საიტზე www.eauction.ge 2015 წლის პირველ სამ კვარტალში სულ 44 887 ლოტზე გაიმართა აუქციონი; მათ შორის 13 740 ლოტი გაიყიდა.

ვებ გვერდზე დარეგისტრირებული მომხმარებლების რაოდენობა უკვე 60 000 ზე მეტია, საიდანაც 54 304 ფიზიკური პირია, 6 016 კი - იურიდიული პირი (მათ შორის არიან როგორც რეზიდენტი, ასევე არარეზიდენტი პირებიც).

მომხმარებლებთან სწრაფი და ეფექტური კომუნიკაციის მიზნით, 2015 წლის იანვრიდან, ვებ-გვერდზე დაინერგა მომსახურების ახალი სერვისი ონლაინ კონსულტაცია. ამის შემდეგ ამ სერვისით 10 000-ზე მეტმა მომხმარებელმა ისარგებლა.

სსიპ ,,საქართველოს ფინანსთა სამინისტროს მომსახურების სააგენტო“ მუდმივად სთავაზობს მომხმარებელს ახალ სერვისებს, რათა კიდევ უფრო მეტად გაამარტივოს  ელექტრონული ყიდვა-გაყიდვის პროცედურები.