გაცნობებთ, რომ 2015 წლის 4 ნოემბერს 15:57 საათიდან - 16:20 საათამდე ინტერვალში ვებგვერდზე eAuction.ge დაფიქსირდა ტექნიკური ხარვეზი, რის შედეგადაც მომხმარებლების გარკვეული ნაწილისთვის ტექნიკურად შეუძლებელი იყო ვებგვერდზე სასურველი მოქმედებების განხორციელება.

ზემოაღნიშნულიდან გამომდინარე, გაუქმდა სსიპ „საქართველოს ფინანსთა სამინისტროს მომსახურების სააგენტო“-ს მიერ გამოცხადებული ელექტრონული აუქციონები სტატუსით „გაყიდული“, რომლებიც სრულდებოდნენ 2015 წლის 4 ნოემბერს 16:00 საათზე.

ამასთან, გაცნობებთ, რომ სააგენტო უზრუნველყოფს გამოცხადებულ ელექტრონულ აუქციონებში მონაწილე პირებისთვის საგარანტიო/მთლიანი თანხების უკან დაბრუნებას. ზემოთ აღნიშნულ დროს (4 ნოემბერი, 16:00სთ) დასრულებულ აუქციონებში გამარჯვებულ პირებს გადახდილი საგარანტიო თანხა უკან დაუბრუნდებათ, ხოლო დამარცხებულ პირებს განებლოკებათ (დაუბრუნდებათ) გადახდილი შესაბამისი საგარანტიო თანხები. გაუქმებული აუქციონები გამოცხადდება განმეორებით, იგივე პირობებით.

დამატებითი ინფორმაციისათვის გთხოვთ, დაგვიკავშირდეთ ცხელ ხაზზე: 2 601 601