სსიპ ,,საქართველოს ფინანსთა სამინისტროს მომსახურების სააგენტო“-ს უნივერსალური პორტალი www.eauction.ge მომხმარებელს სახელმწიფო და კერძო საკუთრებაში არსებული უძრავ-მოძრავი ქონების ელექტრონული აუქციონის მეშვეობით შეძენისა და გაყიდვის ყველაზე მარტივ და მოხერხებულ სისტემას სთავაზობს.

ელ. აუქციონის ვებგვერდზე www.eauction.ge 2015 წელს სულ 58 153 ლოტზე გაიმართა აუქციონი;

ვებ გვერდზე დარეგისტრირებული მომხმარებლების რაოდენობა  64 000-ს აჭარბებს, საიდანაც 57 816 ფიზიკური პირია, ხოლო 6 529 - იურიდიული პირი (მათ შორის არიან როგორც რეზიდენტი, ასევე არარეზიდენტი პირებიც).

მომხმარებლებთან სწრაფი და ეფექტური კომუნიკაციის მიზნით, 2015 წლის იანვრიდან, ვებ-გვერდზე დაინერგა მომსახურების ახალი სერვისი ონლაინ კონსულტაცია. აღნიშნული სერვისით დღეისათვის 15 000-ზე მეტმა მომხმარებელმა ისარგებლა.

2015 წლის 13 მარტიდან ვებგვერდზე www.eauction.ge ქონების ინტერნეტაუქციონის მეშვეობით რეალიზებას ახალი ფორმა ,,იყიდე ახლავე“ (ე.წ. “Buy it Now”) დაემატა. ქონების შეძენით დაინტერესებულ პირს საშუალება ეძლევა არ დაელოდოს სასურველ ნივთზე მიმდინარე აუქციონის დასრულების თარიღს და შეიძინოს ქონება დაუყოვნებლივ ,,იყიდე ახლავე“-ს (ე.წ. ,,buy it Now”) დადგენილ ფასად.

სსიპ ,,საქართველოს ფინანსთა სამინისტროს მომსახურების სააგენტო“ მუდმივად სთავაზობს მომხმარებელს ახალ სერვისებს, რათა კიდევ უფრო მეტად გაამარტივოს  ელექტრონული ყიდვა-გაყიდვის პროცედურები.