2 ოქტომბერს, დღის  12:00 საათზე,  ქ. თელავის ი. გოგებაშვილის სახელობის  უნივერსიტეტის შენობაში შედგა შეხვედრა ფინანსთა სამინისტროს მომსახურების სააგენტოს თანამშრომლებსა და თელავის რეგიონში მცხოვრებ სხვადასხვა პროფესიის მქონე მოსახლეობას შორის.

ფინანსთა სამინისტროს მომსახურების სააგენტოს გენერალური დირექტორის პირველმა მოადგილემ ქეთევან კიკნაძემ შეხვედრაზე დამსწრებს გააცნო სააგენტოს მუშაობა, ჩატარდა გაცნობა-პრეზენტაცია უნივერსალური პორტალის www.eauction.ge- ს შესახებ, განიხილეს არსებული სერვისები და კონკრეტული შეთავაზებები, სააგენტოში მიმდინარე პროცესები  და დაგეგმილი ინოვაციები.

პრეზენტაციას ესწრებოდნენ  რეგიონალური მუნიციპალიტეტებისა და გამგეობების თანამშრომლები, ასევე სხვადასხვა საჯარო სკოლის წარმომადგენლები. ფინანსთა სამინისტროს მომსახურების სააგენტო,  მომავალშიც გეგმავს მსგავსი გაცნობითი ღონისძიებების ჩატარებას საქართველოს სხვადასხვა რეგიონებში.