31 ოქტომბერსა და 1 ნოემბერს ფინანსთა სამინისტროს მომსახურების სააგენტოს თანამშრომლებმა კახეთის რეგიონში, კერძოდ, გურჯაანსა და თელავში ბიზნეს სექტორის წარმომადგენლებთან და მოსახლეობასთან ინფორმაციული ხასიათის შეხვედრა გამართეს. 

მარკეტინგის სამსახურის თანამშრომლებმა კახეთის რეგიონის მაცხოვრებლებს სააგენტოს საქმიანობა გააცნეს, ჩატარდა პრეზენტაცია უნივერსალური პორტალის www.eauction.ge- ს შესახებ,  განიხილულ იქნა არსებული  სერვისები და სააგენტოში მიმდინარე პროექტები.   ასევე, გაიმართა დარეგისტრირების აქცია, სადაც მოსახლეობას საშუალება მიეცა სააგენტოს თანამშრომელთა დახმარებით გაევლო რეგისტრაცია საიტზე www.eauction.ge. 

ფინანსთა სამინისტროს მომსახურების სააგენტო,  მომავალშიც გეგმავს მსგავსი საინფორმაციო ხასიათის შეხვედრების გამართვას საქართველოს სხვადასხვა რეგიონებში.